Monday, January 26, 2015

နာရေးဖိတ်ကြားခြင်း

ရေးသားသူ — ဦးသောင်းထွန်း





ကိုရီးယားရောက်ညီအကိုများ
ကိုသီဟလင်းထက်(ကယားလေး)၏ဈာပန ဖိတ်ကြားခြင်း

ကယားပြည်နယ် လွိုင်ကော်မြို့ အဖ ဦးတင်ဝင်းအောင် +အမိ ဒေါ်ရှေးမို တို့ ၏သားဖြစ်သူ ကိုသီဟလင်းထက် (ကယားလေး) အသက်(၂၄) နှစ်သည် ၂၀၁၅ခုနှစ်ဇန္န၀ါရီလ ၁၉ ရက်တနင်္လာနေ့ မနက်(၈နာရီ၃၀မိနစ်)အချိန်ခန့် တွင် ကွယ်လွန်သွားပြီဖြစ်ပါသဖြင့် ကြွင်းကျန်ရစ်သော ရုပ်ကလာပ်ကို ၂၀၁၅ခုနှစ် ဖေဖေါ်ဝါရီလ၁ ရက်နေ့ တနင်္ဂနွေနေ့ (၁၁)နာရီအချိန်တွင် 성남시 သုဿန် တွင်သင်္ဂြိုဟ်မည်ဖြစ်ပါသည်။

경기도 광주시 곤지암읍 신대리 277-35 번지 연세장례식장 တွင် တရားနာယူပါမည်။

မိတ်ဆွေသူငယ်ချင်များအားလုံးအသုဘရှု့ တရားနာယူနိုင်ရန်နှင့် ကိုသီဟလင်းထက်၏ နောက်ဆုံးခရီးအားလိုက်ပါပို့ ဆောင် နိုင်ရန် အသိပေး ဖိတ်ကြားအပ်ပါသည်။

※ကားအစီအစဉ်။ ။ ကိုရဲ ပုဂံမြန်မာဆိုင် ဘတ်စ်ကား (၁)စီး
မြန်မာရွာဂွမ်ဂျူးလေးဆိုင် ဘတ်စ်ကား(၂)စီး

※ကားထွက်မည့်အချိန်။ ။ ၁-၂-၂၀၁၅ နံက်(၈)နာရီဆိုင်များမှကားစထွက်ပါမည်။

※နာရေးကူညီရန်။ ။ Saw Nay Chi Sal
ဘဏ် 351-0549-2599-33(농협)

ဆက်သွယ်ရန်။ ။ (၁)ကိုကျော်ဝင်းနိုင် (၀၁၀-၄၂၄၄ ၅၅၇၅)
(၂)ကိုချစ်တိုး (၀၁၀-၅၄၂၀ ၄၅၄၀ )
(၃)ဦးသောင်းထွန်း (၀၁၀-၇၇၄၀ ၈၇၀၅ )
(၄) ကိုရဲ (၀၁၀-၃၃၆၄ ၇၅၄၂)
(၅) ကိုသားငယ် (၀၁၀-၈၆၉၁ ၆၂၁၄)

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Sunday, January 18, 2015

မွေးနေ့မင်္ဂလာ ဖိတ်ကြားခြင်း

မွေးနေ့မင်္ဂလာ ဖိတ်ကြားခြင်း


သန္တိကရဝိဟာရ အန်ဆန်းကျောင်းကို တည်ထောင်ခဲ့တာ သုံးနှစ်ပြည့်မြှောက်ခဲ့လို့ 

ကျောင်း၏ နှစ်ပါတ်လည် မွေးနေ့နှင့် ဆရာတော်၏ သက်တော်(၄၅)နှစ်ပြည့်မွေးနေ့ကို

 (၂၅ ၊ ၁ ၊ ၂၀၁၅)  လာမည့် တနင်္ဂနွေနေ့ အနန္တငါးပါးဂုဏ်အင် ဦးထိပ်တင်၍ 

ကျင်းပပြုလုပ်ပါမယ်။

အတူတကွ တရားနာယူပြီး သံဃာတော်တရားတို့အား ဆွမ်းစသည်ဆက်ကပ်လှူဒါန်း 

ကုသိုလ်တရားပွါးများနိုင်စေဘို့ ကြွရောက်ပါရန် မေတ္တာရှေ့ထား 

အသိပေးဖိတ်ကြားအပ်ပါသည်။

အစီအစဉ်


-      တရားတော်နာ -    မနက် ၁၀း၀၀

-      ဧည့်ခံအစီအစဉ်     မနက် ၁၁း၃၀ ခန့်ှ

-      ကျွေမွေးမှု -          မြန်မာ့ဒံပေါက် (ဦးတင်ရင် ၏ အထူးလက်ရာ)

-      နေရား               သန္တိကရဝိဟာရ၊ အန်ဆန်းမြို့

-      ဆက်သွယ်ရန်း    ဆရာတော် - ၀၁၀-၅၁၈၄-၃၅၇၈

                        ကိုကျော်မိုး  - ၀၁၀-၅၁၀၂-၉၉၂၆

                        ကိုနေလင်းထိုက် - ၀၁၀ -၉၅၁၂-၀၄၁၇

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Wednesday, January 14, 2015

ကြည့်သောသူသည် မြင်၏

ရေးသားသူ —ကိုအောင်မှိုင်း



ကမ္ဘာ့အဆင်းရဲဆုံးတိုင်းပြည်က ကမ္ဘာ့ဈေးအကြီးဆုံးဗိုလ်ရှုခံ အခမ်းအနားကြီးကတော့ ပြီးစီးလို့သွားခဲ့ပါပြီ။တချိူ့ လဲ မအီ မလယ်နဲ့ပြန်ခဲ့ကြပုံရပြီး၊ တချိူ့ လဲနောင်တတွေတပုံတပင်ရကြလို့၊ တချိူ့ လဲငန်းငန်းတက်ပျော်ရွှင်ကြပုံပါဘဲ။ သန်းပေါင်း ၆၄၀၀၀တန်ဗိုလ်ရှုခံအဆောက်အဦးတင်ဒါဆိုတဲ့ ကိစ္စကြီးကလဲတမှောင့်။ ကြားရနားဝအားလုံးမသက်သာဆိုသလိုပါဘဲ။ တော်တော်တော့ရှုတ်ရှတ်ထွေးထွေးကိစ္စတွေလို့ပြောရတော့မယ်ထင်တယ်။ဘယ်သူတွေမြတ်ပြီးဘယ်သူတွေအရှုံးပေါ်သလဲဆိုတာတော့ ကြည့်သောသူသည် မြင်၏ဆိုသလိုဘဲ ကြည့်သောသူတွေ မြင်နိုင်မဲ့ကိစ္စလို့ဘဲ ပြောပါရစေတော့။

နှစ်ပေါင်းလေးငါးဆယ်လောက်မေ့လျော့သလောက်ဖြစ်နေတဲ့ဒီဗိုလ်ရှုခံဆိုတာကြီးကို ဦးသိန်းစိန်ဘာကြောင့် ရုတ်တရက် ကြီး သတိရမိတဲ့အကြောင်းကလဲအတော်တော့ အရေးကြီးမယ်ထင်ပါတယ်။ သမ္မတသက်တန်းနောက်ဆုံးနှစ်ရောက်မှ သတိရသွားတာလဲ တမူထူးခြားတယ်လို့ပြောရမှာပါ။ဗိုလ်ရှုခံအတွက်ပေါ်တာဆွဲခံရသူတွေလဲအလဲလဲအကွဲကွဲနဲ့ နှာခေါင်း သွေးထွက်သူထွက်၊မူးလဲသူလဲနဲ့ အတော်တော့ သရုတ်ပျက်နေသလိုပါဘဲ။ကလေးတွေလဲကြောက်လို့သာ ဇွတ်လုပ်ကြရ တာဆိုတော့ အတော်ကို ကသိကအောက်ဖြစ်တဲ့ အခမ်းအနားလို့ ကျနော်တော့သုံးသပ်မိပါတယ်။

အခမ်းအနားအစီအစဉ်ကြီးကိုကလဲ တကယ့်ကိုကိုးယို့ကားယားကြီးဖြစ်နေပြန်တယ်။ ကာကွယ်ရေးဦးစီးချူပ်အပါအ၀င် တပ်မတော်သားတွေက နိုင်ငံတော်သမ္မတဆိုတဲ့လူကို အလေးပြုရမှာ အခုက သမ္မတဆိုတဲ့လူက ကာကွယ်ရေးဦးချူပ်အ ပါအ၀င်တပ်မတော်သားတွေကို အလေးပြုနေသလိုဖြစ်နေတယ်။ကာကွယ်ရေးဦးစီးချူပ်က အငြိမ့်သားထိုင်ပြီးအလေးပြုခံ နေသလိုဘဲ။တကယ့်ကို မဖြစ်မနေ ကတိုက်ကရိုက်စီစဉ်ပုံရပါတယ်။ဒါတွေကို ကြည့်တာနဲ့  ကတိုက်ကရိုက် ဂွင်ဖန်လိုက် တာဆိုတာ ထင်ထင်ရှားရှား မြင်ရမှာဖြစ်ပါတယ်။ဒီတော့လဲ ကြည့်သောသူသည် မြင်၏ဆိုသလိုပေါ့ဗျာ။မြင်ရတာပေါ့။

ဒီပွဲကိုမြန်မာနိုင်ငံရဲ့ ကြီး၂ကြီးဖြစ်တဲ့ သမ္မတနဲ့  ကာကွယ်ရေးဦးစီးချူပ်တို့ပေါင်းလုပ်တဲ့ပွဲလို့ ပြောရမယ်ထင်တယ်။ကျနော် ဆိုလိုတာက ဦးသိန်းစိန်ဟာ ဦးရွှေမန်းကို ဒီပွဲမှာ နှာနုဖြတ်ရိုက်လိုက်တာပါ။ငွေအားလူအားအကုန်သုံးပြီး အသေအချာကို ဂွင်ရိုက်လိုက်တာပါ။လွှတ်တော်ကတင်တဲ့ဥပဒေကြမ်းတွေကိုဟိုလိုလို ဒီလိုလိုချောင်ထိုးထားခဲ့တာတော့ ကြာပါပြီ။အခုလို ပက်ပက်စက်စက်တွယ်လိုက်တာတော့ မရှိသေးပါဘူး။ဒီပွဲအပြီးမှာ ဦးရွှေမန်းတယောက် မျောက်ဖြစ်သွားတာကိုတော့ လူ အတော်များများ သတိထားလိုက်မိကြပါတယ်။စွာကျယ်စွာကျယ်လူတယောက် အ သွားရတာပေါ့ဗျာ။

ဒီပွဲမှာဗိုလ်မင်းအောင်လှိုင်ကလဲ သူ့စစ်တပ်ကိုအခုလိုပွဲကြီးကြီးတခုနဲ့  စိတ်ဓါတ်မြှင့်တင်ဘို့လိုနေချိန်လို့ ပြောရမယ်ထင် တယ်။တပ်တွင်းမှာရှိတဲ့ အရာရှိ အရာခံ အကြပ် တပ်သားတွေဟာ ကနေ့ဗမာပြည်အခြေအနေကို အတော်စိတ်ပျက်နေ ကြတာပါ။ တပ်တွင်းအောက်ခြေထုနဲ့  ဗိုလ်ချူပ်တွေ ဗိ်ုလ်ချူပ်ဟောင်းတွေကြားမှာ ကွာခြားလှတဲ့ အဆင့်အတန်းတွေဟာ တပ်ရဲ့ စည်းလုံးညီညွတ်မှု တိုက်ရည်ခိုက်ရည် အမိန့်နာခံမှု စတဲ့ မရှိမဖြစ်လိုအပ်နေတဲ့ တပ်တတပ်ရဲ့ အရည်အသွေးကို ကျဆင်းစေတာအမှန်ဘဲဖြစ်ပါတယ်။လူထုကိုကြည့်ပြန်တော့စုတ်ပြတ်သတ်ပြီးစားစရာမရှိ တပ်ကြည့်ပြန်တော့ဘောင်းဘီ ဖင်ပေါက်နဲ့  တပ်တွင်းဒီမိုကရေစီဆိုတာလဲ လုံးဝမရှိ။ကနေ့ပြည်တွင်းစစ်ကို ဗိုလ်ချူပ်တွေ ဗိုလ်ချူပ်ဟောင်းတွေသာ သူတို့အကျိူးစီးပွါးအရ ဆက်လက်တိုက်ခိုက်လိုတာဖြစ်ပြီး တပ်မတော် အောက်ခြေထုက ဒီစစ်ဗိုလ်ချူပ်တွေအတွက်ဘယ်သူမှ အသေခံချင်ကြတော့တာမဟုတ်တာ သေချာပါတယ်။

နောက်တခုက ဈေးကြီးကြီးနဲ့ ပေးဝယ်ထားတဲ့ တရုတ်လုပ်တင့်ကားတွေနဲ့  တကမ္ဘာလုံး ဘယ်နိုင်ငံကမှ မသုံးတော့တဲ့ ရုရှားလုပ်ဂျက်လေယာဉ်တွေကို ထုပ်ပြပြီး တိုင်းရင်းသားလက်နက်ကိုင်တွေကို ခြိမ်းခြောက်ကြည့်တာလဲပါတာပေါ့ဗျာ။ လတ်တလော တပ်မှာက အတွေးအခေါ်သိတ်ကိုရှုတ်နေကြတယ်။အရင်က စစ်သားတွေကို လက်ညိုးထိုးအုပ်စားနေတဲ့ ဦးပိုင်ဆိုတဲ့ အပုတ်ကြီးကလဲ တစတစပေါ်လာပြန်တော့ စစ်ဗိုလ်ချူပ်ဆိုတဲ့ကောင်တွေ ဒီလောက်တောင်လုပ်ရက်ကြလေ ခြင်းဆိုပြီး တပ်တွင်းအရာရှိတွေကြားမှာလဲ အတော်ကို အံ့သြတုန်လှုပ်သွားကြတယ်။ ဒီကြားထဲ ကံမကောင်းအကြောင်း မလှစွာဘဲ ကချင်နဲ့ရှမ်းပြည်မှာ တပ်ကအတော့်ကိုအထိနာနေကြပြန်တယ်။ဒီစစ်ရေးပြပွဲကဗိုလ်မင်းအောင်လှိုင် စစ်တပ်ကို ဆေးခါးကြီးတိုက်ပြီး လက်ပူတိုက်ဆေးကုနေတဲ့ အစီအစဉ်ထဲက တခုလို့ဘဲပြောရတော့မယ်ထင်တယ်။

(သစ္စာအဓိဋ္ဌာန်လေးချက်)

( ၁ ) ငါတို့သည် ပြည်ထောင်စု သမ္မတမြန်မာနိုင်ငံတော်အား ကျေးဇူး သစ္စာစောင့်သိရိုသေပါမည်။

( ၂ ) ငါတို့သည် ပြည်ထောင်စုသမ္မတမြန်မာနိုင်ငံတော်၏ ဖွဲ့စည်းပုံအခြေခံဥပဒေ ကို ထိန်းသိမ်း၍ တရားဥပဒေကို စောင့် ရှောက်ပါမည်။

( ၃ ) ငါတို့သည် ပြည်ထောင်စုသားအားလုံးတို့၏ စည်းလုံးညီညွတ်မှုအတွက် အစွမ်းကုန်အားထုတ်ပါမည်။

( ၄ ) ငါတို့သည် ပြည်ထောင်စုသမ္မတမြန်မာနိုင်ငံတော်၏ ဘေးအန္တရာယ်ဟူသမျှကို အသက်စည်းစိမ်ပေး၍ ကာကွယ် ပါမည်ဟု အဓိဋ္ဌာန်ပြုပါသည်။

အဆိုပါသစ္စာအဓိဋ္ဌာန်လေးချက်ကို အခမ်းအနားမှူးလုပ်သူကတိုင်ပေးပြီး ကျန်သည့် အခမ်းအနားတက်ရောက်သည့် လူများကလိုက်ဆိုကြရပါသည်။အစကဒီအစီအစဉ်ပါမှန်း ဘယ်သူမှမသိကြ။အငိုက်မိကုန်ကြပုံရပါသည်။တချိူ့ လဲ ဘယ် တတ်နိုင်မလဲ သူများတန်းတူပေါ့ဆိုပြီး ပျော်ပျော်ပါးပါးဆိုဖြစ်ကြသည်။အချိူ့လဲ လိုက်ဆိုလို့တော့မဖြစ်ချေဘူးဆိုပြီးလိုက် မဆိုကြဟု ပြောသူများကလဲပြောကြသည်။ခက်သည်မှာ ဆိုခြင်းမဆိုခြင်းထက် ပါဝင်ပါတ်သက်မှုကို အကြပ်ကိုင်ခံ လိုက် ရခြင်းဖြစ်သည်ကိုမူ အချိူ့ မှာမအီမလယ်ဖြင့် နောင်တတွေတပုံကြီးရသွားကြပေတော့သည်။ဒေါ်အောင်ဆန်းစုကြည်မှာမူ ရန်ကုန်တွင်NLD မှပြုလုပ်သောလွတ်လပ်ရေးနေ့အခမ်းအနားကို အကြောင်းပြု၍ ဤဒုက္ခဘေးဆိုးကြီးမှ လွတ်မြောက်ခဲ့ သည်ဟူ၏။ထို့အတူရှမ်းအမျိူးသားဒီမိုကရေစီအဖွဲ့ ချူပ်ဥက္ကဌကြီး ခွန်ထွန်းဦးသည်၎င်း၏ရှေးဘ၀က ကုသိုလ်ကောင်းမှု ကြောင့် ရန်သူမျိူးငါးပါးဘေးဆိုးမှ လွတ်မြောက်သွားသူတဦးဖြစ်ကြောင်းသိရပေသည်။

ဇန်နဝါရီလ ၁၂ ရက်နေ့မှာ တွေ့ဆုံဘို့ တိုင်းရင်းသားခေါင်းဆောင်တွေကို သမ္မတဦးသိန်းစိန်ကဖိတ်ခေါ်ထားပြန်တာကိုလဲ တွေ့ရပြန်ပါတယ်။ခက်တာက ဖိတ်စာမှာ ကြိုတင်ကန့်သတ်ချက်တွေကို အတူတကွပေးပို့ထားပြန်တာကြောင့် တွေ့ဆုံ ဆွေးနွေးပွဲ မဖြစ်မီကပင် အဖြေထွက်ပြီးဖြစ်နေပြန်တာတွေ့ရပြန်ပါတယ်။ ဖိတ်စာနဲ့ အတူပါလာတဲ့ အစီအစဉ် ၃ခုကတော့

(၁) ဒီမိုကရေစီ အသွင်ကူးပြောင်းရေးနဲ့ ပြုပြင်ပြောင်းလဲမှုများဆက်လက်ဖြစ်ထွန်းစေရေး။

(၂) ငြိမ်းချမ်းရေးဖြစ်စဉ်ကို အခြေခံပြီး အမျိုးသားပြန်လည်စည်းလုံးညီညွတ်ရေးဆိုင်ရာနိုင်ငံရေး ဆွေးနွေးပွဲများ စတင် ကျင်းပနိုင်ရေး။

(၃) လွတ်လပ်ပြီး တရားမျှတသော ၂၀၁၅ခုနှစ်အထွေထွေရွေးကောက်ပွဲများအောင်မြင်စွာကျင်းပပြုလုပ်နိုင်ရေး၊ ညင်သာ သောအသွင်ကူးပြောင်းမှု နိုင်ငံရေးလုပ်ငန်းစဉ်များ ပေါ်ပေါက်ရေးနဲ့ ကျန်ရှိနေသေးသည့်နိုင်ငံရေးတည်ငြိမ်မှုရှိရေး။

ဟိုအရေး ဒီအရေး ဆိုတာတွေကို ဦးသိန်းစိန်းသမ္မတ စဖြစ်ဖြစ်ခြင်းပြောလိုက်တာ တချိူ့ ဆိုကြာလို့မေ့တောင်ကုန်တယ်။ ဆင်းရဲသားပပျောက်ရေးတို့၊ဖွဲ့ စည်းပုံအခြေခံဥပဒေပြင်ဆင်ရေးတို့၊ပညာရေး ကျမ္မာရေးတို့ဆိုတာတွေ ခဏမေ့ထားလိုက် ပုံရပါတယ်။ဒီမိုကရေစီအသွင်ကူးပြောင်းရေး ကိုဆွေးနွေးမယ်ဆိုတော့ တစ်ကပြန်စကြရမယ့်ပုံပါဘဲ။နိုင်ငံရေးဆွေးနွေးပွဲ တွေဖြစ်ဘို့ ခုမှတခါပြန်ဆွေးနွေးကြရဦးမယ်ဆိုတော့ ပြည်တွင်းငြိမ်းချမ်းရေးဟာနောင်အနှစ်၅၀လောက်များကြာဦးမလား လို့တွေးမိတယ်။ဒါလဲတစ်ကပြန်စကြရဦးမယ့်ပုံဘဲ။နောက်ဆုံးတခုဖြစ်တဲ့ ၂၀၁၅ ရွေးကောက်ပွဲ လွတ်လပ်ပြီး တရားမျှတ ဘို့ ဆိုပြန်တော့ သူခိုးက လူလူဟစ်နေသလိုများ ဖြစ်နေသလားလို့တွေးမိတယ်။ပြောရရင်တော့ဗျာ။ ရွေးကောက်ပွဲကို ဘယ်အတိုက်အခံကမှ ကလိမ်ကကျစ်လုပ်မှာ မဟုတ်ဘူးဆိုတာ ကျနော်ယုံတယ်။ ကလိမ်ကကျစ်လုပ်မှာကတော့ ကြံ့ဖွံ့  နဲ့ စစ်တပ်ကသာ ကလိမ်ကကျစ်မလုပ်ရင် ရွေးကောက်ပွဲဟာ လွတ်လပ်ပြီးတရားမျှတမယ်ဆိုတာ အသေအချာကို ပြော နိုင်မှာဖြစ်ပါတယ်။ကြည့်သောသူုသည် မြင်၏တဲ့။ ကျနော်တို့မြန်မာနိုင်ငံသားတွေက နလပိန်းတုန်းတွေ မဟုတ်ကြတော့ အရာအားလုံးကို အသိရှိရှိ သတိရှိရှိနဲ့ စဉ်ဆက်မပြတ် ကြည့်နေကြောင်းပါဗျား။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

ကျွန်ခေတ်ကိုပဲ လွမ်းရမလိုလို

ရေးသားသူ — ငြိမ်းချမ်းအေး




ဒီဆောင်းပါးကတော့ ကျနော့်ရဲ့ လွတ်လပ်ရေးနေ့ အတွေးတချို့ကနေ ပေါက်ဖွားခဲ့တဲ့ သမိုင်းသုံးသပ်ချက် အာဘော်ပါ။

ငယ်စဉ်က သူငယ်ချင်းများနဲ့ သမိုင်းကြောင်း စကားစမြည်ပြောရမှာ တယောက်တလေက “(၁၉၄၈) အင်္ဂလိပ်က လွတ်လပ် ရေးပေးတော့” ဆိုတာမျိုးပြောရင် “အင်္ဂလိပ်က ပေးတာမဟုတ်၊ အင်္ဂလိပ်ဆီက လွတ်လပ်ရေးရအောင် ယူခဲ့ရတာ” လို့ ပြင်ပြောခိုင်းတဲ့အထိ စကားလုံး အသုံးအနှုန်းကအစ ဆတ်ဆတ်ထိမခံဘဲ ရှေးလူကြီးများ လွတ်လပ်ရေး အရယူခဲ့ခြင်းရဲ့ တန်ဖိုးကို အသိအမှတ်ပြု လေးစားခဲ့ပါတယ်။

သပိတ်မှောက်ကျောင်းသား၊ စစ်အတွင်းခရီးသည်၊ ဘုံဘဝမှာဖြင့် အစရှိတဲ့ ဝတ္ထု၊ ခေတ်ပြိုင်မှတ်တမ်းတွေနဲ့ လွတ်လပ်ရေး ကြိုးပမ်းမှု သမိုင်းစာအုပ်တွေဖတ်ရင်း အမျိုးသားရေးစိတ်တွေ နိုးကြားခဲ့ဖူးတယ်ဆိုပါတော့။ ဒီအမျိုးသားရေးစိတ်က သမိုင်း သုံးသပ်ချက်နဲ့ မျက်မှောက်ခေတ်အပေါ် ပကတိအမြင်ကို မထိပါးစေပါဘူး။

မိုးမခ စာဖတ်သူများဆီမှာလည်း လွတ်လပ်ရေးနေ့အတွေးများရှိခဲ့ရင် ပြန်ကြားချင်ပါတယ်။
×××××××××××

ငယ်စဉ်က လွတ်လပ်ရေးသမိုင်းစာအုပ်တွေဖတ်ရင်း လွတ်လပ်ရေးကို ချစ်မြတ်နိုးစိတ် နိုးကြားခဲ့ရတယ်။ ဒါပေမဲ့ ကြီးပြင်း ခဲ့တဲ့ စစ်အစိုးရခေတ်အဆက်ဆက်ဟာ လွတ်လပ်ရေးရဲ့အရသာကို တစက်ကလေးမှတောင် မခံစားရတော့ပါဘူး။ ကျနော် ဟာ သမိုင်းကနေ သူ့ကျွန်ဘဝရဲ့ အောက်တန်းကျမှုတွေကို လေ့လာမိခဲ့သလို ကောင်းကွက်တွေကိုလည်း ကိုယ့်မျက်မှောက် ဖြတ်သန်းနေရတဲ့ ခေတ်နဲ့ နှိုင်းယှဉ်ကြည့်ရင်း အတွေးမျိုးစုံ ကွန့်မြူးခဲ့ရပါတယ်။

● အင်္ဂလိပ် ဘာလုပ်ပေးခဲ့သလဲ

သက်ဦးဆံပိုင် ပဒေသရာဇ်စနစ်ဆိုးကို စည်းမျဉ်းခံဘုရင်စနစ် အခြေခံ လစ်ဘရယ်ဒီမိုကရေစီအုပ်ချုပ်ရေးနဲ့ အစားထိုးခဲ့ တယ်။ အရင်းရှင်စီးပွားရေးစနစ်ကို မိတ်ဆက်ပေး အခြေကျစေခဲ့တယ်။ စနစ်ကျတဲ့ အုပ်ချုပ်ရေး၊ လမ်းပန်းဆက်သွယ်ရေး၊ ခေတ်လောကဓတ် ပညာရေး၊ စီးပွားရေး၊ ကျန်းမာရေး စတဲ့ အခြေခံအဆောက်အဦတွေကို ထူထောင်ပေးခဲ့တယ်။ စပါး၊ ရေနံ၊ ကျွန်းသစ်နဲ့ သဘာဝသယံဇာတများ နိုင်ငံခြားကုန်သွယ်စီးပွားပြုမှုကို ဖွံ့ဖြိုးစေခဲ့တယ်။ ဒါတွေ အားလုံးဟာ ကျွန် သက်ရှည်ရေး၊ အရင်းရှင်စနစ် စည်ပင်ရေးအတွက် ကုန်ကြမ်းပေါပေါရှာဖို့၊ ကုန်ချောများများ ရောင်းရဖို့အလို့ငှာ အင်္ဂလိပ်တွေ ကမ္ဘာအနှံ့က ကိုလိုနီဒေသတွေမှာ လုပ်ခဲ့တာတွေ နည်းတူပါပဲ။

ဥရောပနဲ့ အာရှကို ပိုမိုလွယ်ကူဆက်သွယ်ပေးနိုင်တဲ့ စူးအက်တူးမြောင်း (၁၈၆၉) ပြီးချိန်ကစလို့ တိုင်းပြည်ရဲ့ဆန်စပါးကဏ္ဍဟာ ပြည်တွင်းစားသုံးမှုလိုအင် အတွက်သာမက ပြည်ပပို့ကုန်အထိပါ တဖြည်းဖြည်း ပြောင်းလာခဲ့တယ်။ ဒီဖြစ်စဉ်ကနေ အခြေခံ လုပ်သားလိုအပ်မှုကို ဖြစ်ပေါ်စေခဲ့ပြီး အိန္ဒိယတိုက်သား အများအပြား အခြေချမှုတွေလည်း ဖြစ်ခဲ့တယ်။

အင်္ဂလိပ်ရောက်လာလို့ အကြွင်းမဲ့အာဏာရှင်မင်းဆိုးစနစ်က လွတ်ခဲ့တယ်။ အဲဒီခေတ်အခြေအနေအရ အင်္ဂလိပ်ဗြူရိုကရေစီအုပ်ချုပ်ရေးဟာ အရင် အကြောင်းသုံးပါးမရွေးတဲ့ ဘုရင်ခေတ်အုပ်ချုပ်ပုံထက် အများကြီး ပိုကောင်းတယ်။ စီးပွားအခွင့် အရေးတွေလည်း ပွင့်လာတယ်။ နောက်ဆုံးမင်းဆက် သီပေါခေတ် (၁၈၇၈-၁၈၈၅) မှာ အဆိုးဆုံးဖြစ်ခဲ့တဲ့ ခိုးဆိုးလုယက် သူခိုး၊ ဓားပြဒဏ် မတည်ငြိမ်မှုတွေ၊ မင်းမြှောက်ကပ်ပါးတွေရဲ့ ဖိနှိပ်မှုတွေအားလုံးဟာ အင်္ဂလိပ်အောက်မှာ ပျောက်ခဲ့ပြီး အခြေခံလူထုအများ လွတ်လွတ်လပ်လပ် ကုန်သွယ်စီးပွားပြုလာနိုင်တယ်။ လူမှုစီးပွား မြင့်တက်လာခဲ့တယ်။

● အင်္ဂလိပ်ကို ဘာမကျေနပ်ခဲ့ကြတာလဲ

ဒီလို ကောင်းမွန်တဲ့ လူမှုဘဝကို ထိုက်သင့်သလောက် မြန်မာတွေ ခံစားခဲ့ရပေမဲ့ ဘာကိုမကျေနပ်ခဲ့ကြသလဲ။ ကိုယ့်စီးပွား ကိုယ်ရှာစားရတဲ့ လူသာမန်အများစုဟာ အင်္ဂလိပ်အောက်မှာ ပိုမိုကောင်းမွန်တဲ့ အခွင့်အရေး၊ စနစ်ရှိတယ် ဆိုတာ သိပေမဲ့ ကိုယ့်မင်းကိုယ့်ချင်းသာလိုချင်တဲ့ အမျိုးသားရေးစိတ်အခံရှိတယ်။ မြန်မာဘုရင်ခေတ်မှာ အခွင့်ထူးခံရတဲ့ သာသနာ့ဝန်ထမ်း နဲ့ မင်းမှုထမ်းလူတစုကလည်း ဒီစိတ်အခံကို ပိုပြင်းစေတယ်။ သူများကျွန်ဘဝ၊ အထူးသဖြင့် ဘာသာ သာသနာ၊ လူမျိုး၊ စာ ပေ ဂုဏ်ညှိုးနွမ်းရခြင်းကို အသားပေးပုံဖော် လူအများကို နာစေတယ်။ စီးပွားဖွံ့ဖြိုးမှုနဲ့ အတူပါလာတဲ့ လူမျိုးခြား လွှမ်းမိုးခံရမှု ကို မနှစ်လိုခဲ့ကြဘူး။

ဒီလိုနဲ့ ဝိုင်အမ်ဘီအေ၊ ဂျီစီဘီအေစတဲ့အဖွဲ့အစည်းတွေပေါ်လာပြီး အမျိုးသားရေးလှုပ်ရှားမှုတွေ သန္ဓေတည်လာခဲ့တယ်။ အင်္ဂလိပ်ကလည်း ပြုပြင်ပြောင်းလာမှုအနေနဲ့ ဒီမိုကရေစီအုပ်ချုပ်ရေးစနစ်ကို စတင်မိတ်ဆက်ပေးတဲ့ ဒိုင်အာခီအုပ်ချုပ်ရေး (၁၉၂၃) ကို ကျင့်သုံးစေခဲ့တယ်။ မြန်မာတွေ အုပ်ချုပ်ရေးမှာ ပိုမိုပါဝင်ခွင့်ရလာတယ်။

(၂၀) ရာစုအစ ကမ္ဘာမှာလည်း (၁၉၁၇) ရုရှားအောက်တိုဘာ တော်လှန်ရေး အောင်မြင်မှုနဲ့အတူ လက်ဝဲဝါဒဟာ တဖြည်း ဖြည်း ထင်ရှားလာခဲ့တယ်။ ဒီလိုအနေအထားမှာ (၁၉၃၀) ကမ္ဘာ့စီးပွားပျက်ကပ်ဟာ တိုင်းပြည်ရဲ့ အောင်မြင်နေတဲ့ ဆန်စပါး လုပ်ငန်းကို အကြီးအကျယ် ထိခိုက်စေခဲ့တယ်။ လယ်သမားတွေ ငတ်လာတယ်၊ လယ်ပိုင်ရှင်တွေရဲ့လယ်တွေ လူမျိုးခြား လက်ထဲ ရောက်ကုန်တယ်။ လယ်ယာလုပ်ငန်းဖွံ့ဖြိုးခဲ့မှုကို အထောက်အပံ့ အများကြီးပေးခဲ့တဲ့ ချစ်တီးတွေရဲ့ ငွေချေး လုပ်ငန်းဟာ စီးပွားပျက် မြေတွေဆုံးရတော့ နောက်ဆုံးမှာ အပြစ်ဖို့စရာ ဖြစ်သွားခဲ့တယ်။

ဒီလိုနဲ့ နိုင်ငံရေးမှာ ဒိုင်အာခီအုပ်ချုပ်ရေးကို ပြုပြင်ပြောင်းလဲဖို့ တောင်းဆိုသံညံနေချိန်မှာပဲ ဆရာစံဦးဆောင်တဲ့ လယ်သမား လက်နက်ကိုင်တော်လှန်ရေး ပေါ်လာပြီး အထွေထွေ အမျိုးသားရေးလှုပ်ရှားမှုကြီးကို တွန်းအားဖြစ်စေခဲ့တယ်။ (၁၉၃၀) မှာ နောင် လွတ်လပ်ရေးမျိုးစေ့ဖြစ်မယ့် သခင်ဘသောင်း ဦးဆောင်တဲ့ သခင်အဖွဲ့အစည်း ပေါ်လာခဲ့တယ်။ နောက်တော့ အင်္ဂ လိပ်က ပြုပြင်ပြောင်းလဲမှုအနေနဲ့ (၉၁) ဌာနအုပ်ချုပ်ရေးကို ပြောင်းခဲ့တယ်။ တိုင်းပြည်လည်း ဗြိတိသျှ-အိန္ဒိယကနေ ခွဲထွက် သီးသန့်ရပ်တည်ခဲ့တယ်။

(၁၉၂၀) ပထမ ကျောင်းသားသပိတ်ဟာ အမျိုးသားရေးလှုပ်ရှားမှုကို ဦးဆောင်ခဲ့သလို (၁၉၃၆) ဒုတိယ ကျောင်းသား သပိတ်ဟာ နိုင်ငံရေးဝါဒကို အခြေခံတဲ့ လုံးဝလွတ်လပ်ရေး လှုပ်ရှားမှုကို ဖြစ်စေခဲ့တယ်။ သခင်နု၊ သခင်စိုး၊ သခင်သန်းထွန်း၊ သခင်အောင်ဆန်း၊ သခင်ဗဟိန်း အစရှိတဲ့ လူငယ်ခေါင်းဆောင်တွေဟာ နယ်ချဲ့ဆန့်ကျင့်ရေး လက်ဝဲဝါဒတွေကို တိုင်းပြည်နဲ့ မိတ်ဆက်ပေးခဲ့ပြီး အမျိုးသားရေးလှုပ်ရှားမှုကနေ နိုင်ငံရေးလှုပ်ရှားမှုအဖြစ် ပီပီပြင်ပြင် ဖြစ်စေခဲ့တယ်။

ဒီလိုနဲ့ (၁၃၀၀) ပြည့် အရေးတော်ပုံကြီးအပြီးမှာ လုံးဝလွတ်လပ်ရေး အတွက် နိုင်ငံခြား အကူအညီနဲ့ လက်နက်ကိုင်တော်လှန်ဖို့ စိတ်ကူး စတင်ခဲ့ပြီး နောက်ဆုံး သခင်အောင်ဆန်းနဲ့ လူငယ်တစုဟာ ဂျပန်အကူအညီနဲ့ ခေတ်သစ်တပ်မတော်ဖွဲ့၊ အင်္ဂလိပ် ကို လက်နက်ကိုင်တော်လှန်၊ ဒုတိယကမ္ဘာစစ်ဖြစ်၊ ဂျပန်ကို ထပ်တော်လှန်၊ နောက်ဆုံး စစ်ပြီး၊ အင်္ဂလိပ်ပြန်ဝင်၊ နိုင်ငံရေး နည်းနဲ့ လွတ်လပ်ရေးတောင်းဆို စတဲ့ သမိုင်းဖြစ်စဉ်တွေပေါ်လာပြီး လွတ်လပ်ရေးရလာခဲ့တယ်။

● လွတ်လပ်ရေးယူခဲ့တာ မှားသလား

မမှားပါ။ ယူခဲ့ပုံသာ မှားခြင်းပါ။ မြန်မာအပါအဝင် လူမျိုးစုအားလုံးဟာ လူမျိုးရေးရာကိုသာ ရှေ့တန်းတင်ခဲ့ကြတယ်၊ အမြင် ကျဉ်းမြောင်းခဲ့ကြတယ်။ နိုင်ငံရေးအယူဝါဒရေးရာမှာလည်း တယူသန် အစွန်းရောက်ခဲ့ကြတယ်။ အင်္ဂလိပ်ရဲ့ ပယောဂ မကင်းတဲ့ ဗိုလ်ချုပ်အောင်ဆန်းအပါအဝင် ခေါင်းဆောင်ကြီးများ လုပ်ကြံသတ်ဖြတ်ခံခဲ့ရခြင်းဟာလည်း လွတ်လပ်စ တိုင်း ပြည်ကို ထိခိုက်ခဲ့တယ်။ ကျွန်ဘဝ လွတ်မြောက်ရေးမှာ စုစည်းခဲ့တဲ့ ဝါဒစုံ၊ လူမျိုးစုံ ညီညွတ်မှုဟာ လွပ်လပ်ချိန်မှာ အတ္တ၊ မာန၊ အာဃာတများကြောင့် ပြိုကွဲခဲ့ရတယ်။

လူမျိုးစုစုံရဲ့ ဥမကွဲ သိုက်မပျက်စိတ်ဓာတ်ဟာ အင်္ဂလိပ်ရဲ့ သွေးထိုးမှု၊ လူမျိုးရေး သူငယ်နာမစင်မှုနဲ့ နိုင်ငံရေး သဘောတွေ ကြောင့် မှေးမှိန်လာခဲ့တယ်။ အခြေခံဥပဒေ (၁၉၄၇) မှာကိုက ပြည်ထောင်စုစစ်စစ်မူ မျှတတဲ့ ပြည်နယ်၊ အာဏာ၊ ခွဲဝေမှု အုပ်ချုပ်ရေးသဘောနဲ့ အကြိုသဘောတူညီထားခဲ့တဲ့ ပင်လုံကတိကဝတ်တွေကို အပြည့်အဝ မဖော်ဆောင်နိုင်ဖြစ်ခဲ့တယ်။ ဒီလိုနဲ့ တိုင်းရင်းသားလူမျိုးစု အချင်းချင်း သတ်ရတဲ့ ပြည်တွင်းစစ်ဟာ လွတ်လပ်ရေးရဲ့ ဖွားဖက်တော် အဖြစ် တွဲပါလာခဲ့တယ်။

● ကိုလိုနီ အမွေဆိုးလား

ဒါကို နောက်ပိုင်း စစ်အာဏာရှင်များက ကိုလိုနီအမွေဆိုးလို့ လုံးလုံးခေါင်းစဉ်တပ်ချင်ကြတယ်။ အပြည့်အဝ မမှန်ပါ။ လူမျိုး ရေး အမြင်မကြည်လင်အောင် အင်္ဂလိပ်တွေ သွေးခွဲအုပ်ချုပ်ခဲ့တယ်ဆိုတာ မှန်ပါတယ်။ ဒါပေမဲ့ ပြည်တွင်းစစ်မီး နှစ် (၆၀) ကျော် လက်ရှိတိုင် တောင်လောင်နေရခြင်းဟာ စစ်အစိုးရအဆက်ဆက်ကျင့်သုံးတဲ့ မူဝါဒတွေ၊ သဘောတွေ မမှန်လို့၊ ခွင့် တူညီမျှ ဝါဒဖြူစင်တဲ့ ပင်လုံစိတ်ဓာတ် ဖက်ဒရယ်ပြည်ထောင်စုစစ်စစ် မတည်ဆောင်နိုင်ခြင်းကြောင့်က အဓိကပါ။

● လွတ်လပ်ရေး ခေတ်ဦး ဒီမိုကရေစီ (၁၀) နှစ်တာ

ဖဆပလခေတ် (၁၉၄၈-၅၈) မှာ ပြည်တွင်းစစ်ဒုက္ခ ခံစားနေရပေမဲ့ အထိုက်အလျောက် ကောင်းမွန်တဲ့ အုပ်ချုပ်ရေးစနစ်နဲ့ လွတ်လပ်တဲ့ ဒီမိုကရေစီဝါဒ ထွန်းကားခဲ့တယ်။ ကိုရီးယားပြည်တွင်းစစ်၊ နောက် ဗီယက်နမ်စစ်တွေကြောင့် ဆန်စပါး တင် ပို့နိုင်မှု ဈေးကွက်ကိုချုပ်ကိုင်နိုင်ရင်း တိုင်းပြည်စီးပွားလည်းတိုးလာတယ်။ လယ်ယာလုပ်ငန်းကနေ စက်မှုလုပ်ငန်းကို တက် လှမ်းနိုင်ဖို့ အစပျိုးနိုင်ခဲ့တယ်။ ဒုတိယကမ္ဘာစစ်ကြွေးဒဏ်ကနေ နာလန်ပြန်ထူရုံမက ဒေသတွင်းမှာ အချမ်းသာဆုံးနိုင်ငံ အဖြစ်ရပ်တည်နိုင်ခဲ့တယ်။ တစ်တိုင်းပြည်လုံးအနေအထားမဟုတ်ပေမဲ့ လူမှု၊ စီးပွား၊ ကျန်းမာ၊ ပညာ အစစ အရာရာ လူအ များစု လူတမ်းစေ့အောင် ဖော်ဆောင်နိုင်မှုလမ်းကြောင်းမှန်ပေါ်မှာ ရှိနေခဲ့တယ်၊ အလားအလာ ကောင်းခဲ့တယ်။

ဒါပေမဲ့ တဖက်ကလည်း ပြည်တွင်းစစ်ဒဏ်၊ တရုတ်ဖြူကျူးကျော်ခံရမှုဒဏ်ကြောင့် တပ်မတော်ရဲ့ သြဇာအာဏာနဲ့ လုပ်ပိုင် ခွင့်ဟာ တဖြည်းဖြည်းကြီးလာပြီး စစ်တပ်ပိုင် စီးပွားလုပ်ငန်း အကျိုးစီးပွားတွေပေါ်လာတယ်။ ဒါတွေကို ရေရှည်တည်တံ့ဖို့ စစ်ခေါင်းဆောင်တွေ စိတ်ကူးမိလာတယ်။ ဒါ့အပြင် နိုင်ငံရေးမှာ ဖဆပလ မညီညွတ် နှစ်ခြမ်းကွဲမှုက စစ်တပ်နေရာဝင်ယူဖို့ အခွင့်ကောင်း ဖြစ်လာတယ်။ ဒီလိုနဲ့ (၁၉၅၈) မှာ စစ်တပ်ဟာ နိုင်ငံရေးအကွဲအပြဲကို ထိန်းတယ်ဆိုတဲ့ ခေါင်းစဉ်အောက်မှာ အိမ်စောင့်အစိုးရအမည်နဲ့ အာဏာကို စတင်မြည်းစမ်းခဲ့တယ်။ (၁၉၆၂) မှာ တိုင်းရင်းသားတွေလိုလားတဲ့ ဖက်ဒရယ်မူကို အပြစ်ဖို့ ပြည်ထောင်စုကြီး ပြိုကွဲမယ့် ရန်ကာကွယ်ရမယ်ဆိုပြီး တိုင်းပြည်ကို အပြီးအပိုင် မောင်ပိုင်စီးခဲ့ကြတယ်။

● စစ်ဝါဒ အောက်မှာ အရာရာပြိုလဲခြင်း

တော်လှန်ရေးကောင်စီ၊ မဆလပါတီ၊ ဆိုရှယ်လစ်ဝါဒ ဒီမျက်နှာဖုံးများအောက်က စစ်အာဏာရှင်စနစ်ဟာ တိုင်းပြည်မှာ ကောင်းမွန် အခြေတည်စပြုနေပြီဖြစ်တဲ့ ဒီမိုကရေစီစနစ်ကို အလုံးစုံ ဆိတ်သုန်းစေခဲ့တယ်။ လွတ်လပ်စွာ ပြောဆိုခွင့်၊ စာ နယ်ဇင်းလွတ်လပ်ခွင့် အားလုံးကို ထိန်းချုပ်ခဲ့တယ်။ ဆိုရှယ်လစ်စီးပွားရေး ဖော်ဆောင်မှုဟာ အကျင့်ပျက် ခြစားမှုအောက်မှာ ကျဆုံးခဲ့ရတယ်။ အမျိုးသားရေးဝါဒကို တလွဲအစွန်းရောက်သုံးခဲ့ပြီး တိုင်းပြည်ကို တံခါးပိတ်၊ နားပိတ်၊ မျက်စိပိတ် ကမ္ဘာနဲ့ အဆက်အသွယ်ဖြတ်ခဲ့တယ်။ အမျိုးသားရေးစိတ်အခြေခံတဲ့ ပညာရေးမူဝါဒအမှားတွေကို ဖော်ဆောင်ခဲ့တယ်။ ကျောင်း သားကို ပုန်ကန်သူအဖြစ်ပါ တွဲမြင်လာတာကြောင့် ပညာရေး စနစ်နဲ့ ပညာရေးလွတ်လပ်ခွင့်ကို စနစ်တကျ အမဲဖျက်ခဲ့တယ်။ (၁၉၈၈) ဒုတိယအကြိမ် စစ်အာဏာ ထပ်သိမ်းချိန်မှာလည်း စစ်ခေါင်းဆောင်များဟာ ဒါတွေကို မပြုပြင်ခဲ့ဘဲ ပိုသာဆိုးတဲ့ ဖိနှိပ်မှု၊ ကိုယ်ကျိုးရှာမှုတွေ ပြုလုပ်ခဲ့ကြတယ်။

ဆယ်စုနှစ် (၅) စုကျော် မှာ အာဏာရစစ်အုပ်စုနဲ့ အပေါင်းအပါတစုသာ အရာရာ အသာစီးရ စံစားနေခဲ့ပြီ လူထုအများကတော့ ဆင်းရဲတွင်း နက်သထက်နက်ခဲ့ရတယ်။ ဒီလိုအမှားအစုစုဒဏ်ကြောင့် အရှေ့တောင်အာရှမှာ အချမ်းသာဆုံး၊ အာရှရဲ့ အ လားအလာအကောင်းဆုံးနိုင်ငံအဖြစ်ကနေ လွယ်လပ်ရေးရပြီး နှစ်ပေါင်းခြောက်ဆယ်ကျော်အကြာ လက်ရှိမှာတော့ ဒေသတွင်းမှာ အနိမ့်ကျဆုံး၊ ကမ္ဘာ့အဆင်းရဲဆုံးစာရင်းဝင်ဖြစ်နေတဲ့ တိုင်းပြည်ကို ဝမ်းနည်းဖွယ် မြင်ရတော့တယ်။

● မျက်မှောက် အစိုးရသစ်

လက်ရှိမှာတော့ စစ်ခေါင်းဆောင်ဟောင်းများဟာ ပြုပြင်ပြောင်လဲမှုတွေလုပ်နေတယ် ဆိုပါတယ်။ ဒါပေမဲ့ ရေရှည် စစ်ဝါဒကြီး စိုးရေးအတွက် စီမံခဲ့တဲ့ (၂၀၀၈) အခြေခံဥပဒေကိုတော့ ပြုပြင်ပေးဖို့ ဝန်လေးနေကြတယ်။ စစ်တပ်အုပ်ချုပ်မှု၊ စစ်အာဏာရှင် စနစ် စိုးမိုးခဲ့မှု အပြစ်တွေကို အခုအချိန်ထိ ဝန်မခံနိုင်၊ အမှန်မမြင်နိုင် ဖြစ်နေကြတယ်။ စစ်ဗိုလ်ချုပ် အဟောင်း အသစ်များဟာ တိုင်းပြည်တာဝန်ကို တပ်မတော်က ကျရာနေရာက ဝင်ယူခဲ့ရတာ မှန်တယ်၊ အနာဂတ်နိုင်ငံရေးမှာ တပ်မတော်ရဲ့ ဦးဆောင်မှုကဏ္ဍ လိုတယ် ယုံကြည်ဆဲ ဖြစ်နေတယ်။ အမှားတွေကို ဝန်မခံချင်၊ သမိုင်းသင်ခန်းစာမယူချင် အတ္တ၊ မာန၊ အုပ်စု အကျိုးစီးပွားကို ရှေ့တန်းတင်လိုဆဲ ဖြစ်နေတယ်။

● သင်္ကြန်အမြောက် ဗိုလ်ရှုခံ (သို့မဟုတ်) မလွတ်လပ်သေးတဲ့ လွတ်လပ်ရေး

စစ်တပ်စီးပွားအာဏာကို စိုးစဉ်းမျှ မထိပါးနိုင်အောင် ပြင်ဆင်ထားတဲ့ (၂၀၀၈) ဖွဲ့စည်းပုံအောက်က သမ္မတဆိုသူကလည်း ခပ်တည်တည်ပဲ အခုလွတ်လပ်ရေးနေ့မှာ သူ့သြဇာမတည်တဲ့ စစ်တပ်ရဲ့ အလေးပြု ဗိုလ်ရှုခံခဲ့တယ်။ ဒီမိုကရေစီစနစ်မှာ စစ်တပ်ဟာ အရပ်သား သမ္မတအောက်မှာဖြစ်တာကြောင့် ဒီလို အလေးပြုခံရခြင်းဟာ တကယ်တော့ ကြိုဆိုအပ်တာပေါ့။ ဒါပေမဲ့ လက်ရှိ စစ်ဖွဲ့စည်းပုံအောက်မှာတော့ ဒီလုပ်ရပ်ဟာ ဟန်ပြသဘော အနှစ်သာရမဲ့နေဆဲပါ။ စစ်အုပ်စုနဲ့အပေါင်း အပါတသိုက်သာ တိုင်းပြည်မှာ အခွင့်ထူးခံ လူတန်းစားအဖြစ် သီးသန့်ရပ်တည်ရင်း နိုင်ငံရေး၊ စီးပွားရေး၊ အုပ်ချုပ်ရေး အရာရာလွှမ်းမိုး ဗိုလ်ကျနေနိုင်ခွင့်ရှိနေခြင်းဆိုတဲ့ အခြေခံသဘောက မပြောင်းလဲပါ။ စစ်ကျွန်ဘဝ မလွတ်လပ်သေးတဲ့ ပြည်သူအများရဲ့ ဒုက္ခကတော့ ဗိုလ်ရှုခံရုံမျှနဲ့ လျော့သွားနိုင်မှာမဟုတ်ပါ။ လူထု ချွေးနှဲစာ ပြည်သူ့ဘဏ္ဍာ ကုဋေချီသာ အလဟဿ ကုန်သွားခဲ့တယ်။

● ကျွန်ခေတ်ကိုပဲ လွမ်းရမလိုလို

ကိုယ့်ထီး ကိုယ့်နန်း ကိုယ့်ကြငှန်းအတွက် လွတ်လပ်ရေးယူခဲ့ပြီးမှ စစ်ဖိနပ်အောက်မှာ ကိုယ့်နိုင်ငံသားချင်း ဆက်လက် ကျွန်ပြုဖိနှိပ်ခံရင်း ကိုယ့်နိုင်ငံသားများ လူမှု၊ စီးပွားအတွက် နိုင်ငံတကာ ကျွန်ထွက်ခံနေရတဲ့ဘဝ၊ နိုင်ငံကြီးငယ်များရဲ့ လူမလေးခွေးမခန့် ခေတ်သစ် ကျွန်ပြုခံဖြစ်နေရတဲ့ လက်ရှိအနေအထားဟာ “လွတ်လပ်ရေး”ရဲ့ အဓိပ္ပာယ်ကို မဲ့စေတယ်။ မှီတင်းနေထိုင်နေတဲ့ လူမျိုး၊ ဘာသာစုံ တိုင်းသူပြည်သားများဟာ တန်းတူညီမျှ ဖွံ့ဖြိုးတိုးတက် လူ့သိက္ခာအပြည့်ရှိ လူစဉ်မီတဲ့ “တကယ့် လွတ်လပ်ရေး” အရသာ ကို မခံစားရသေးပါ။ “အမေကျော် ဒွေးတော်လွမ်း” ဆိုသလို “ကျွန်ခေတ်ကိုပဲ လွမ်း ရမလိုလို” အမှတ်မှားနေကြရတယ်။

● နိဂုံး



တကယ်တော့ တပ်မတော်ရဲ့ မှားယွင်းတဲ့ မူဝါဒ၊ အကျင့်၊ အလုပ်တွေရဲ့ဒဏ် ရာစုဝက်ခံခဲ့ရပြီး ဓားမနောက်ပိတ်ခွေး ဖြစ်ခဲ့ရ တဲ့ လက်ရှိ တိုင်းပြည်ကို လွပ်လပ်ရေးအရယူပေးခဲ့သူ ဗိုလ်ချုပ်အောင်ဆန်းနဲ့ ရှေးလူကြီးများသာ မြင်ခွင့်ရခဲ့ရင် “ငါတို့ လွတ်လပ်ရေးယူပေးခဲ့တာ မှားလေခြင်း” လို့ “လုံးဝ” ဆိုမှာ မဟုတ်ပါ။ အကြောင်းက တပ်မတော်ဖခင်ကြီးလည်းဖြစ်သူ ဗိုလ်ချုပ်အောင်ဆန်းဟာ သူမမြင်လိုက်ရတဲ့ တပ်မတော်ရဲ့ သမိုင်းအမှားတွေကို မသိဘဲနဲ့တောင် ဆိုခဲ့ဖူးပါတယ်။ “ပြည်သူ ကို အလုပ်မကျွေးမပြုဘဲ ဖိနှိပ်တဲ့ တပ်မတော် ရှိနေခြင်းထက် မရှိခြင်းက ပိုကောင်းပါတယ်” တဲ့။ ဆိုတော့ လက်ရှိတိုင်းပြည်ကို ဗိုလ်ချုပ်သာ မြင်ခွင့်ရရင် ပြည်သူအတွက် အကျိုးမဲ့စေတဲ့ စစ်ဝါဒ၊ တပ်မတော်ကြီးစိုးမှု အလုံး စုံ ပပျောက်ရေးကိုသာ လမ်းညွှန်မှာပါ။ လူထု လူတန်းစားအသီးသီး သာတူညီမျှ လူမှုတရားမျှတမှု ရရှိစေတဲ့ ဒီမိုကရေစီ စနစ်ကိုသာ တိုင်းပြည်မှာ ရှင်သန်အမြစ်တွယ်အောင် တိုက်တွန်းမှာပါ။

(၂၀၁၅) နှစ်သစ် အခါသမယမှာ စစ်တပ်ခေါင်းဆောင် အဟောင်း/အသစ်များဟာ “ကျွန်ခေတ်ကိုပဲ လွမ်းရမလိုလို” ယုံမှတ် မှားနေကြရတဲ့ လွတ်လပ်ရေးရပေမဲ့ မလွပ်လပ်နိုင်သေးဘဲ လူမှု စီးပွားဒဏ် ကျောကော့အောင် လှိမ့်ခံနေရဆဲဖြစ်တဲ့ ပြည်သူ အများရဲ့ ဆင်းရဲနုံခြာလှတဲ့ ဘဝတွေကို အမှတ်တကယ် စာနာနားလည် ကိုယ်ချင်းစာရင်ဖြင့် အနာဂတ်ကောင်းအောင် ဖွဲ့ စည်းပုံပြင်ဆင်ရေးအပါအဝင် အခြေခံအတွေးအခေါ်၊ ခံယူချက်၊ အယူဝါဒ၊ အလုပ် ပြောင်းလဲမှုများကို ဒီမိုကရေစီအင်အား စုနဲ့ပူးပေါင်း အမှတ်တကယ် လုပ်ဆောင်ကြဖို့ တိုက်တွန်းလိုက်ရကြောင်းပါခင်ဗျာ။

ငြိမ်းချမ်းအေး

(သည်လေဒီးစ် သတင်းဂျာနယ်၊ အတွဲ (၂)၊ အမှတ်စဉ် (၄၇)၊ (၂၀၁၅) ခုနှစ် ဇန်နဝါရ (၀၉) သောကြာနေ့ထုတ်၌ မူလ ပုံနှိပ်ခဲ့သည်။ ယခု မိုးမခတွင် ထပ်မံ အွန်လိုင်း ဖြန့်ချိသည်။ ဆောင်းပါးပါ အာဘော် ကို ဝေဖန်ရန်နှင့် သမိုင်းအချက်အလက် ဆက်စပ်ထောက်ပြရန် မှတ်ချက်ပြုနိုင်ပါသည်၊ သို့မဟုတ် nyeinchanaye81@gmail.com သို့လည်း စာရေးနိုင်ပါသည်။)

မှတ်ချက် — ခေါင်းစီးဒီဇိုင်းပါ နောက်ခံဓာတ်ပုံ၏လက်ရာရှင်မှာ ကိုဆောင်းဖြူ (တာဝန်ခံ အယ်ဒီတာ၊ သည်လေဒီးစ် သတင်း ဂျာနယ်) ဖြစ်ပါသည်။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Saturday, January 10, 2015

ခရစ်သက္ကရာဇ် ၂၀၁၄ (သို့မဟုတ်) မြန်မာ့နိုင်ငံရေးအနှုတ်လက္ခဏာပြတဲ့နှစ်

ရေးသားသူ — ဇင်လင်း



ခရစ်သက္ကရာဇ် ၂၀၁၄ ခုနှစ် ကုန်ဆုံးခဲ့ပါပြီ။ ဒါပေမယ့် မြန်မာနိုင်ငံအတွက်တော့ အောင်မြင်စွာ နိဂုံးသတ်နိုင်ခဲ့တဲ့ နှစ်တနှစ် မဟုတ်ခဲ့တာ အသေအချာပါပဲ။ ဘာကြောင့် အခုလိုသုံးသပ်ရသလဲလို့ မေးခွန်းထုတ်မယ်ဆိုရင်တော့ လုံလောက်တဲ့အကြောင်းရင်းတွေ ရှိပါတယ်။ အဲဒီ အထဲမှာ ပဓါနအကျဆုံး အချက်အနေနဲ့ပြောရရင် ၂၀၀၈ ဖွဲ့စည်းပုံအခြေခံဥပဒေဟာ ဒီမိုကရေစီနိုင်ငံထူထောင်ရေးအတွက် အထောက် အကူမပြုနိုင်ကြောင်း အထင်အရှား မြင်တွေ့နေရပါလျှက်နဲ့ အာဏာရပါတီနဲ့ တပ်မတော်က စနစ်တကျ ငြင်းပယ်ခုခံနေတဲ့အချက်ပါပဲ။

ပြည်သူလူထု ၅ သန်းလောက်က အပိုဒ် ၄၃၆ ကို ပြင်ဆင်ပေးဖို့ လက်မှတ်ရေးထိုးတင်ပြခဲ့တာကို လျစ်လျူရှုခံရတာ ကြည့်ခြင်းအားဖြင့် လွှတ်တော်နဲ့ အစိုးရအဖွဲ့ဟာ လူထုဆန္ဒကို ပစ်ပယ်တာတွေ့ရပါတယ်။ တကယ်တော့ ဒီ ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်ပြီး တိုင်းရင်းသားလက်နက်ကိုင်အဖွဲ့တွေနဲ့ အစိုးရအကြား သဘောထားကွဲလွဲမှုတွေ ဖြစ်ပေါ်နေတာလည်း ထင်ရှားတဲ့အချက်တစ်ရပ်ဖြစ် ပါ တယ်။

ဒါ့ပြင် အမျိုးသားရင်ကြားစေ့ရေး (တနည်း) ပြည်တွင်းစစ် ရပ်စဲရေး ပြည်တွင်းငြိမ်းချမ်းရေးအတွက် တပ်မတော်နဲ့ အရပ်သားနိုင်ငံရေး အဖွဲ့အစည်းတွေအကြား၊ တပ်မတော်နဲ့ တိုင်းရင်းသားလက်နက်ကိုင်အဖွဲ့များအကြား၊ ကွာဟနေတဲ့ကိစ္စတွေ အပေးအယူလုပ်မရ၊ ညှိနှိုင်းမရ သောင်မတင် ရေမကျဖြစ်နေရတာဟာလည်း ဒီဖွဲ့စည်းပုံအခြေခံဥပဒေကြောင့်ပါပဲ။ ဒါကြောင့် တရားဥပဒေစိုးမိုးရေးနဲ့ ပြည်တွင်း ငြိမ်းချမ်းရေးရရှိဖို့အတွက် “၂ဝဝ၈ ဖွဲ့စည်းပုံ အခြေခံဥပဒေ” ပြင်ဆင်ရေးဟာ ပဓါနကျပါတယ်။ ဦးသိန်းစိန်အစိုးရ သက်တမ်းတနှစ်မျှသာ ကျန်တော့ပေမယ့်၊ နိုင်ငံရေးပြုပြင်ပြောင်းလဲမှုအပိုင်းမှာ ကျေနပ်လောက်တဲ့ရလဒ် မတွေ့ရတာကလည်း ၂ဝဝ၈ ဖွဲ့စည်းပုံအပေါ် သဘော အယူ မမျှကြလို့ဆိုတာ ထင်ရှားပါတယ်။ ပြည်တွင်းငြိမ်းချမ်းရေးနဲ့ အခြေခံဥပဒေ ပြင်ဆင်ရေးအတွက် စေ့စပ်ညှိနှိုင်းမရဖြစ်နေတဲ့အချိန် မျိုးမှာ ရွေးကောက်ပွဲစနစ်တစ်ခုပြောင်းလဲဖို့ အဆိုတင်လာကြပုံကလည်း အခြေအနေကို ရှုပ်ထွေးအောင်လုပ်တာဖြစ်ပါတယ်။ နိုင်ငံရေးကို မရိုးမသား မိမိကိုယ်ကျိုးအခြေခံပြီး လုပ်စားကြတာလားလို့လူထုအကြား ဝေဖန်ပြောဆိုလာမှုဟာလည်း ၂၀၁၄ နှစ်အတွင်း ဆုတ်ယုတ်မှု တစ်ခု ဖြစ်ပါတယ်။

၂၀၁၄ ခုနှစ်အတွင်း စိတ်ပျက်စရာနောက်တစ်ခုက လက်ရှိအစိုးရအနေနဲ့ တရားဥပဒေစိုးမိုးမှုကို ကျေနပ်လောက်အောင် အကောင်အ ထည် မဖေါ်နိုင်တဲ့ကိစ္စဖြစ်ပါတယ်။ အပြည်ပြည်ဆိုင်ရာ လူ့အခွင့်အရေး ကြေညာစာတမ်း အပိုဒ် (၇) မှာ “လူအားလုံးတို့သည် ဥပဒေ အရာ၌ တူညီကြသည့်အပြင်၊ ဥပဒေ၏အကာအကွယ်ကို ခြားနားခြင်းမခံရစေဘဲ တူညီစွာ ခံစားပိုင်ခွင့်ရှိသည်။” လို့ ဖေါ်ပြထားပေမယ့် မြန်မာပြည်မှာတော့ ဥပဒေအထက်မှာ နေခွင့်ရတဲ့ လူတန်းစားတစ်ရပ် အထင်အရှားရှိနေလို့ပါပဲ။ အာဏာပိုင်အ၀န်းအ၀ိုင်းက ပုဂ္ဂိုလ်တချို့၊ ငွေကြေးဓနအင်ပါရာပိုင်ဆိုင်ကြတဲ့ ဘီလျံနာ ခရိုနီတချို့ ဥပဒေအထက်မှာရှိနေကြတာကို ဘယ်သူကမှ အရေးမယူနိုင်တာလည်း ထင်ရှား တဲ့အချက်ပါပဲ။ ဥပမာ ဘီလျံနာတွေနဲ့၊ အာဏာပိုင်တို့ရဲ့သားသမီးဆွေမျိုးတွေပိုင်တဲ့ ကုမ္ပဏီတွေအခွန်ရှောင်တာကို သိနေပါလျှက်နဲ့ အရေးမယူရဲပေမယ့်၊ သာမန်ပြည်သူထဲက စားဝတ်နေရေးအတွက် ခက်ခက်ခဲခဲလုပ်ကိုင်စားသောက်နေကြရတဲ့ လုပ်ငန်းငယ်တွေ အပေါ် ကိုတော့ အခွန်မျိုးစုံ တိုးပြီးစည်းကြပ်နေတာ တွေ့နေရပါတယ်။

နောက်ထပ် ဒီမိုကရေစီကျင့်စဉ်နဲ့ ပါစင်အောင်လွဲနေတဲ့ ၂၀၁၄ ရဲ့ ဖြစ်ရပ်တစ်ခုကတော့ တလနီးပါးပျောက်ဆုံးနေတဲ့ အလွတ်သတင်း ထောက် အောင်ကျော်နိုင် (ခ) ကိုပါကြီးကို တပ်မတော်က ပစ်ခတ်ဖမ်းဆီးမှုကြောင့် သေဆုံးသွားပြီဖြစ်ကြောင်း တရားနည်းလမ်းမကျ ကြေညာပြောဆိုခဲ့မှု ဖြစ်ပါ တယ်။ အောက်တိုဘာလလ ၂၃ ရက်နေ့စွဲနဲ့ အဖွဲ့အစည်း အမည်ဖော်ပြမထားဘဲ၊ သတင်းထုတ်ပြန်ချက်တခုမှာ အောင်နိုင် (ခ) ကိုပါကြီးကို စက်တင်ဘာလ ၃၀ ရက်က ကျိုက်မရောမြို့ စက်လှေဆိပ်မှာ ဗိုလ်ကြီး စုိုးဇေယျာလင်းနဲ့အဖွဲ့က မသင်္ကာလို့ ဖမ်းဆီးခဲ့တယ်။ နယ်မြေခံ ခမရ ၂၀၈ တပ်ရင်းကို လွှဲပြောင်းစစ်ဆေးနေစဉ်အတွင်း လက်နက်လုယူထွက်ပြေးရန် ကြိုပမ်းတဲ့အတွက်၊ ကင်းစောင့်တပ်သားက ပစ်ခတ်ဖမ်းဆီးမှုကြောင့် သေနတ်ဒဏ်ရာနဲ့ အသေဖမ်းမိ ခဲ့ကြောင်း ယုတ္တိကင်းမဲ့စွာ ကြေညာခဲ့ပါတယ်။ အခုတော့ ကိုပါကြီး ပစ်သတ်ခံရမှုပြဿနာဟာ၊ သတင်းလွတ်လပ်ခွင့်အပါအ၀င် ကြီးမားတဲ့ လူ့အခွင့်အရေးချိုးဖေါက်မှုကို ကျူးလွန်ခဲ့ကြောင်း ကမ္ဘာ သိ ဖြစ်လာပါတယ်။ ဒီ ဖြစ်ရပ် ကလည်း ၂၀၁၄ ခုနှစ် မြန်မာ့နိုင်ငံရေးပြုပြင်ပြောင်းလဲမှုကို အနှုတ်လက္ခဏာ ပြစေခဲ့ပါတယ်။ တဆက်တည်းမှာ ယူနတီဂျာနယ် အမှုဆောင် အရာရှိချုပ် အပါအ၀င် သတင်းထောက်လေးဦးကို နိုင်ငံတော်လျှို့ဝှက်ချက် အက်ဥပဒေနဲ့ ထောင်ချခဲ့တာ၊ ဒါ့အပြင် ဘိုင်မွန်းတည့်နေဂျာနယ်ကိုလည်း “ဒေါ်အောင်ဆန်းစုကြည်နှင့် တိုင်းရင်းသားဒီမိုကရေစီ အင်အားစုများအား ကြားဖြတ် အစိုးရအဖြစ် ပြည်သူများက တင်မြှောက်ကြောင်း MDCF က ထုတ်ပြန်” ဆိုတဲ့ သတင်းခေါင်းစဉ်ဖြင့် သတင်းဖော်ပြမှုကြောင့် ၁၉၅၀ ပြည့် နှစ် အရေးပေါ်စီမံချက် အက်ဥပဒေပုဒ်မ ၅ (ဃ) (ည) နဲ့ သတင်းသမား (၃) ယောက်၊ ပိုင်ရှင်နှစ်ဦးကို တရားစွဲဆိုခဲ့တယ်။ တကယ်ဆိုရင် သတင်းမီဒီယာ ဥပဒေနဲ့ တရားစွဲနိုင်ပါလျှက် မစွဲဆိုဘဲ နိုင်ငံတော် အကြည်ညိုပျက်စေမှု ပုဒ်မ ၅၀၅(ခ) နဲ့ ပြောင်းလဲပြီး အမြင့်ဆုံး ပြစ်ဒဏ် ထောင်ဒဏ် (၂) နှစ် ချမှတ်ခဲ့တာလည်း ဒီမိုကရေစီကျင့်စဉ်နဲ့ မလျော်ကန်တဲ့ ဖြစ်ရပ်ပါပဲ။ ဒါကြောင့်လည်း နိုင်ငံတကာ သတင်းထောက်များ ကာကွယ် စောင့်ရှောက်ရေးအဖွဲ့ (CPJ) က ၂၀၁၄ ခုနှစ်အတွင်း သတင်းထောက်များကို ဖမ်းဆီးထောင်ချဖိနှိပ်မှု အဆိုးဆုံး (၁၀) နိုင်ငံမှာ မြန်မာနိုင်ငံကို ထည့်သွင်းဖေါ်ပြခဲ့ပုံရပါတယ်။

၂၀၁၄ ခုနှစ်ရဲ့ နောက်ထပ် ဒီမိုကရေစီ ပြုပြင်ပြောင်းလဲရေးနဲ့ ဆန့်ကျင်လွန်းတဲ့အချက်က အစိုးရအာဏာပိုင်တွေ ကိုယ်တိုင်နဲ့ တပ်မတော် ကပါ ပြည်သူလူထုလုပ်ကိုင်စားသောက်နေတဲ့ လယ်ယာမြေတွေ ဧကပေါင်း သိန်းချီသိမ်းယူခဲ့ကြတဲ့ကိစ္စဖြစ်ပါတယ်။ မိမိတို့ အသုံးပြုနိုင် လောက်ရုံမက ပြန်လည်ရောင်းစားဖို့ပါ မြေယာတွေသိမ်းခဲ့တာကြောင့် တိုင်းပြည်ပြန်လည်ထူထောင်ရေး ပြုပြင်ပြောင်းလဲရေး နိုင်ငံခြားရင်းနှီးမြှုပ်နှံမှုဖွံ့ဖြိုးတိုးတက်ရေးတွေပါ ထိခိုက်နစ်နာခဲ့ရတာ မြင်တွေ့ရပါတယ်။ မြေယာကို အင်အားသုံးပြီး ဥပဒေမဲ့ လက်ဝါးကြီးအုပ် သိမ်းယူရောင်းဝယ်နေခြင်း ကို ကြည့်ရင် ၂၀၁၄ ခုနှစ်ဟာ မြန်မာနိုင်ငံအဖို့ ဒီမိုကရေစီ ပြောင်းပြန်နှစ်လို့ ဆိုရမှာပါပဲ။

အဆိုးဆုံးအချက်က နိုင်ငံ့ကာကွယ်ရေးတာဝန်ကိုယူဖို့ ပြည်သူလူထုက အပ်နှံထားတဲ့လက်နက်မျာကို ကိုင်စွဲထားတဲ့ တပ်မတော်က လက်နက်အားကိုးနဲ့ မြေယာသိမ်းယူနေတဲ့ကိစ္စဖြစ်ပါတယ်။ ပြည်သူလူထုအဖို့ ဥပဒေရဲ့အကာအကွယ်ကို မရရုံမက၊ လက်နက်နဲ့ ဗိုလ် ကျပြီး မြေယာအသိမ်းခံရတာကိုလည်း လည်စင်းခံနေရပါတယ်။ ၂၀၁၄ ခုနှစ်ရဲ့ ဆုတ်ယုတ်ခြင်းပြယုဂ်လို့ဆိုရမယ့်ဖြစ်ရပ်ကတော့ လက် ပန်တောင်းတောင် ကြေးနီစီမံကိန်း ဆန့်ကျင်ဆန္ဒပြတဲ့ ကျေးရွာလူထုကို လက်နက်အင်အားသုံး အကြမ်းဖက်ဖြိုခွဲတဲ့ ကိစ္စဖြစ်ပါတယ်။ ကျေးရွာသူ ဒေါ်ခင်ဝင်း (၅၆ နှစ်) ကို သေနတ်နဲ့ ပစ်ခတ်သတ်ဖြတ်မှုအပါအ၀င် မြန်မာကျေးရွာပြည်သူလူထုကို မြန်မာရဲတပ်ဖွဲ့က တရုတ်ဝမ်ပေါင်ဝန်ထမ်းများနဲ့အတူ အကြမ်းဖက်ဖြိုခွဲခဲ့မှုဟာ ရှက်ဖွယ်အကောင်းဆုံးဖြစ်ရပ်ပါပဲ။ ဒီဖြစ်ရပ်ကြောင့် မြန်မာပြည်သူ လူထုအ နေနဲ့ မိမိတို့ရဲ့အချုပ်အချာအာဏာကို တိုင်းတပါးက ထိပါးနေပြီလားလို့တောင် တွေးကြရတဲ့ အခြေအနေပါပဲ။ မိမိ ပြည်သူကို ကာကွယ် ရမယ့် မြန်မာရဲတပ်ဖွဲ့က မိမိပြည်သူတစ်ဦးဖြစ်တဲ့ ဒေါ်ခင်ဝင်းကို ပစ်သတ်တဲ့အဖြစ်ဟာ မယုံနိုင်စရာပါပဲ။

ကိုယ့်မြေကိုယ့်ယာ ကိုယ့်ပြည်သူလူထုကိုကာကွယ်ရမယ့်အစား တရုတ်ကုမ္ပဏီရဲ့အကျိုးစီးပွားကို ကာကွယ်နေတဲ့ဖြစ်ရပ်ကြောင့် မြန်မာ လူထုအကြား ကြေကွဲဝမ်းနည်းစရာ ဖြစ်ခဲ့ရပါတယ်။ ယခု ဆောင်းပါးရေးနေစဉ်မှာပဲ ကြေးနီ စီမံကိန်းအနီးက ဆည်တည်းရွာ မြောက်ဘက် ကျေးရွာလူထု သပိတ်စခန်းဖွင့်ထားတဲ့နေရာက ပုဒ်မ ၁၄၄ ထုတ်ထားတဲ့နေရာဖြစ်တဲ့အတွက် သပိတ်စခန်းကိုဖျက်ပေးဖို့နဲ့ ခြံစည်းရိုး ခတ်တာကို မနှောင့်ယှက်ဖို့ ရဲတပ်ဖွဲ့က ကြေညာနေကြောင်း ကြားသိနေရပါတယ်။ ဒီဇင်ဘာလ ၂၂ ရက်နေ့က လျော်ကြေးယူထားခြင်း မရှိတဲ့ လယ်ယာမြေတွေကို ဝမ်ပေါင်ကုမ္ပဏီက ခြံစည်းရိုးခတ်ခဲ့တဲ့ အတွက် လယ်သမားတွေနဲ့ ရဲတပ်ဖွဲ့ဝင်တွေအကြား ပဋိပက္ခဖြစ်ပွားခဲ့ပြီး မိုးကြိုးပြင်အလယ်ရွာက တောင်သူဒေါ်ခင်ဝင်း သေနတ်မှန်သေဆုံးခဲ့ရပါတယ်။

ဆက်လက်ပြီး ဒီဇင်ဘာ ၂၉ ရက်က တရုတ်သံရုံးရှေ့ လက်ပံတောင်းအရေးဆန္ဒပြပွဲမှာ ပါဝင်ခဲ့သူတွေအနက် ဦးနေမျိုးဇင်ကို လက်ပံ တောင်းသို့အသွား လမ်းခရီးမှာ တောင်ဒဂုံမြို့နယ် ရဲတပ်ဖွဲ့က ဖမ်းဆီးခဲ့ပြန်ပါတယ်။ ဒေါ်နော်အုံးလှနှင့် ဒေါ်စိန်ထွေးတို့ကိုတော့ နေအိမ်မှာ ၀င်ရောက်ဖမ်းဆီးခဲ့ကြောင်း မီဒီယာသတင်းများအရ သိရပါတယ်။သူတို့သုံးဦးကို ပြစ်မှုဆိုင်ရာ ပုဒ်မ-၂၉၄(ခ)၊ ၃၅၃၊ ၁၄၇၊ ၅၀၆၊ ၁၄၉၊ ၅၀၅(ခ)/၁၁၄ တို့ဖြင့် အမှုဖွင့်ဖမ်းဆီးခဲ့ပြီး ဒဂုံမြို့နယ် တရားရုံးမှာ ချုပ်မိန့်ရမန် ရယူပြီး ဒဂုံမြို့နယ်တွဲဖက် တရားသူကြီးက ၂၀၁၅ ခုနှစ် ဇန်န၀ါရီ ၁၃ ရက်အထိ ချုပ်မိန့်ပေးခဲ့ကြောင်း သတင်းတွှေအရ သိရပါတယ်။ ဒါက ပြည်သူလူထုအကျိုးဘက်က ရပ်တည်သူတွေအပေါ်မှာ ထားတဲ့ အစိုးရရဲ့ သဘောထားအမှန်ကို ပြသလိုက်တာပါပဲ။ နိုင်ငံရေးပါတီတွေ၊ အစိုးရမဟုတ်တဲ့ အဖွဲ့အစည်းတွေ၊ သတင်းစာ ဂျာနယ်တိုက်တွေနဲ့ သတင်းသမားတွေ၊အနုပညာလောကသားတွေ၊ စာရေးဆရာ ကဗျာဆရာတွေ ဒီလိုအဆုံးအဖြတ်ကာလမျိုးမှာ ဘယ် သူ့ဘက်က ရပ်မှာလဲဆိုတာကို မေးခွန်းထုတ်လိုက်တဲ့ဖြစ်ရပ်လို့ ဆိုနိုင်ပါတယ်။ ဒီဖြစ်ရပ်ကြောင့်လည်း ၂၀၁၄ ဟာ မြန်မာပြည်အဖို့ ဒီမိုကရေစီရေး အနှုတ်လက္ခဏာပြတဲ့ နှစ်လို့ ဆိုရပြန်ပါတယ်။

နောက်ဆုံး ဒီမိုကရေစီလမ်းကို ပြောင်းပြန်လျှောက်ကြတဲ့ မြင်ကွင်းကတော့ ဒီဇင်ဘာ ၂၇ ရက်နေ့မှာ ပြုလုပ်ခဲ့တဲ့ နှစ်ပေါင်း (၆၀) အတွင်း ပထမဆုံးဖြစ်တဲ့၊ ရန်ကုန်မြို့တော်စည်ပင်သာယာရေးကော်မတီ အဆင့်ဆင့် ရွေးကောက်ပွဲပါပဲ။ လူဦးရေ ငါးသန်းလောက်ရှိတဲ့ ရန် ကုန်မြို့မှာ မဲပေးခွင့်ရှိသူ လေးသိန်းကျော်သာရှိတယ်လို့ ဆိုပါတယ်။ မဲလာပေးသူက ၁၀ – ၁၅ ရာခိုင်နှုန်းပဲရှိတယ်လို့ မီဒီယာ သတင်း တွေအရ သိရပါတယ်။ ဒီတော့ အငြင်းပွားဖွယ်ပြဿနာ ကုဋေကုဋာနဲ့ဆိုတော့ ဒီမိုကရေစီနည်းမကျမှာ သေချာပါတယ်။ ဒီ မြူနီစပယ် ရွေးကောက်ပွဲရဲ့ဖြစ်စဉ်ဟာ ၂၀၁၅ ခုနှစ် အထွေထွေ ရွေးကောက်ပွဲအတွက် တပ်လှန့်သံလို့လည်း ဆိုနိုင်ပါတယ်။ ရာနှုန်းပြည့်နီးပါ အနှုတ်လက္ခဏာဆောင်တဲ့ သက္ကရာဇ် ၂၀၁၄ ဟာ ဒီမိုကရေစီ ဘက်တော်သားများကို သတိကြီးစွာထားကြဖို့ အချက်ပြရင်း နှုတ်ဆက် ထွက်ခွာသွားပါပြီ။ ဒါဟာ လာမယ့် ၂၀၁၅ ခုနှစ်မှာ အပေါင်းလက္ခဏာဆောင်ရေးအတွက် အရင်းအနှီးတွေ အမြောက်အမြားပေးကြရဦး မယ်လို့ သတိပေး နှိုးဆော်သွားတဲ့ သဘောပါပဲ။

ဒီနေရာမှာ ဒေါ်အောင်ဆန်းစုကြည်က RFA မြန်မာပိုင်းရေဒီယိုကို ပြောခဲ့တဲ့ စကားအရဆိုရင် – ရှေ့လာမယ့်နှစ် အတွင်း ဖွဲ့စည်းပုံပြင်ဆင်ရေး၊ နိုင်ငံရေးဆွေးနွေးပွဲတွေပေါ်ပေါက်ရေးနဲ့ လွတ်လပ်ပြီး တရားမျှတတဲ့ ရွေးကောက်ပွဲတွေ ဖြစ်ပေါ်ရေး အတွက် ဆက်လက် ကြိုးပမ်းရမယ်လို့ ဆိုထားပါတယ်။ ဒါကြောင့် လာမယ့်နှစ်မှာ ပြည်သူလူထုအားလုံး တာဝန်ကျေပွန်ကြ ရင် မြန်မာနိုင်ငံဟာ ကြိမ်းသေမုချ တိုးတက်မှာဖြစ်တယ် လို့ ဒေါ်အောင်ဆန်းစုကြည်က နှစ်သစ်ကူးစကားလက်ဆောင်ပါး လိုက်တာကို မြန်မာ ပြည်သူလူထုအနေနဲ့ လေးလေးနက်နက် စဉ်းစား အကောင်အထည်ဖေါ်ကြဖို့လိုကြောင်း သုံးသပ်တင်ပြလိုက်ပါတယ်။။။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Friday, January 9, 2015

မြန်မာအသင်း(ကိုရီးယား)တွင် အခမဲ့ ဆေးစစ်၊ဆေးကုရှိပါသည်။

ရေးသားသူ — မြန်မာအသင်း(ကိုရီးယား)

မေတ္တာရှင် ကိုရီးယား နယ်လှည့် ဆေးကုဆရာဝန်များအသင်းက လာမည့် ၂၀၁၅ ဇန်နဝါရီလ ၁၁ရက်၊ တနင်္ဂနွေနေ့ ၊ နေ့ လည် ၂ နာရီမှ ညနေ ၄ နာရီထိ ၊ မြန်မာအသင်း(ကိုရီးယား) တည်ရှိရာ ဘူချောန်းမြို့ ရွှေ့ပြောင်းသူများရိပ်သာ (부천외국인 근로자의집) တွင် အောက်ဖော်ပြပါ ရောဂါများကို ဦးရာလူစနစ်ဖြင့် ရှာဖွေ ကုသပေးမည်ဖြစ်ကြောင်း အသိပေးအပ်ပါသည်။  ။

- အိပ်စ်ရေး ၊ ဓါတ်မှန် ရိုက်ကူးခြင်း
- အာလ်ထရာဆောင်း ရိုက်ကူးပေးခြင်း
- သွား ရောဂါအမျိုးမျိုးကုသပေးခြင်း
- မျက်စိ ၊ နား ၊ နှာခေါင်း ၊ လည်ချောင်းရောဂါအမျိုးမျိုးကုသပေးခြင်း
- သားဖွား နှင့် မီးယပ်ရောဂါအမျိုးမျိုးတို့ဖြစ်သည်။


ဆက်သွယ်ရန်၊ ၊
ဦးခင်မောင်ရင်  ... ၀၁၀ - ၂၇၈၈ - ၇၁၅၃ 
ဦးသန့်ဇင်အောင်…ဝ၁ဝ-၉ဝ၅၄-၄၇၂၇ 
ဦးဘိန်း            … ဝ၁ဝ-၂၂၁၇-၇၃၉၁


မှတ်ချက်။ လူဦးရေများပြားသောကြောင့် ကြိုတင်သွားရောက်၍ တိုကင်များကိုယူထားရန်။


ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Wednesday, January 7, 2015

ပြည်သူခမျာ ကျွန်ဝယ်ရာ အဆစ်ပါ

ရေးသားသူ — ငြိမ်းချမ်းအေး



ဒီဆောင်းပါး က (၂၀၁၂) ခေတ်မောင်း ဆောင်းပါးဟောင်းကို အခြေခံပြီး (၂၀၁၅) အတွက် ရေးထားတာပါ။ စစ်လွှတ်တော် နိုင်ငံရေး မိုက်တွင်းနက်သထက် နက်လို့ လာနေပါပြီ။ ဘေးတီး၊ အပံ့အပိုး၊ ပယောဂတွေလည်း စုံလှပါတယ်။ သီတဂူ ဆရာတော်ရဲ့ မှတ်ချက်ကလည်း သြဇာရှိသူစကားမို့ ပွက်လောတွေရိုက်ခဲ့တယ်။

အခုဆိုရင် (၂၀၁၅) ရွေးကောက်ပွဲလည်း အချိန် အကြမ်းဖျင်း သတ်မှတ်ပါပြီ။ ဗိုလ်သိန်းစိန် သမ္မတ ဒုတိယသက်တမ်း အ တွက် လာမယ့်ရွေးကောက်ပွဲမှာ ဆက်လက်ယှဉ်ပြိုင်မယ့်အကြောင်းလည်း လော်ဘီတွေကတဆင့် လေသံတွေထွက် လာ ပါပြီ။ ဗိုလ်သိန်းစိန်၊ ဗိုလ်ရွှေမန်း သူတို့အချင်းချင်း သမ္မတနေရာလုဖို့ဖြစ်တဲ့ “အခက်” ဟာ ဒီမိုကရေစီအင်အားစုအတွက် “အချက်” ပဲလို့ ထင်မြင်ယူဆသူတွေ မှားပါမယ်။ သူတို့ ဘယ်လောက်ပဲ နေရာလုလု စစ်အုပ်စု၊ ဦးပိုင်နဲ့ အပေါင်းအပါ လူတစု အကျိုးစီးပွားကိုသာ ကာကွယ်လိုခြင်းမှ ဘုံတူပါတယ်။ ဒါကို အခြေခံတဲ့ စုစည်းမှုမျိုး စစ်ဗိုလ်ချုပ်တွေမှာ အမြဲရှိပါတယ်။ ဒီမိုကရေစီအင်အားစုဘက်ကတော့ စစ်လွှတ်တော်ထဲမှာပဲ တဝဲဝဲလည်ရင်း စစ်အုပ်စု စနစ်တကျ ကျုံးသွင်း ဖော်ဆောင် နေတဲ့ နေ့စဉ် ထိုထို ဤဤ ဖြစ်စဉ်တွေနောက်ကိုလိုက်ရင်း (၂၀၁၅) သာရောက်လာခဲ့တဲ့ ခိုင်မာတဲ့ဆုံးဖြတ်ချက်မျိုး၊ ရပ် တည်မှုမျိုး မပြနိုင်သလို၊ တိုင်းရင်းသားပါတီတွေအပါအဝင် ညီညွတ်တဲ့ စုစည်းမှုမျိုးလည်း မလုပ်နိုင်သေးပါဘူး။ တိုင်းပြည် အနာဂတ် ရတက်မအေးစရာပါပဲ။ ပြည်သူ့ဘဝတွေလည်း တကယ့်ကို နာလှပါပြီ။

ဒီ “ပြည်သူခမျာ ကျွန်ဝယ်ရာ အဆစ်ပါ” ဆောင်းပါးကဆိုခဲ့တဲ့ နောက်ဆုံးသတင်းတွေ အနည်မထိုင်ခင် ပြီးခဲ့တဲ့အပတ် ပြည် တွင်းဂျာနယ်အတွက် နှစ်စရက်မှာ ရေးခဲ့တာပါ။ မိုးမခစာဖတ်ပရိသတ်မှာလည်း ဗမာ့နိုင်ငံရေးအနာဂတ်အတွက် ပြောစရာ တခုခုရှိရင် အမြင်တွေ ပြန်လည်ကြားချင်ပါတယ်။

××××××××× နှစ်သစ်ဟာ ရောက်ရှိလို့လာခဲ့ပါပြီ။ ပြည်သူတွေရဲ့ (၂၀၁၅) ဒီမိုကရေစီအိပ်မက် ဘယ်လောက်အထိ ဒီနှစ်သစ်မှာ အကောင် အထည်ဖော်နိုင်ပါမလဲ။ ပြီးခဲ့တဲ့ (၂၀၁၄) ဟာ အကောင်းအပြောင်းအလဲ မျှော်လင့်ခြင်းတွေနဲ့စခဲ့ပေမဲ့ နောက်ဆုံးမှာတော့ အကြမ်းဖက် လူသတ် သွေးစွန်းမှုတွေ၊ မတရားမှုတွေ အပြည့်နဲ့သာ စိတ်ပျက်ဖွယ် အဆုံးသတ်ခဲ့ရတယ်။ လက်ရှိ စစ်တ ပိုင်းအစိုးရ၊ စစ်လွှတ်တော်နဲ့ စစ်တပ်ဟာ ဒီမိုကရေစီနဲ့ အပြောင်းအလဲ အသံဘယ်လောက်ပင် ညံနေပေမဲ့ စစ်အုပ်စု အကျိုးစီးပွားနဲ့ အာဏာကို နည်းနည်းလေးမှ အထိအပွန်းမခံနိုင်ကြောင်းကို အခြေခံဥပဒေ ပြင်ဆင်ရေး နှောင့်နှေးမှု၊ ငြိမ်း ချမ်းရေးဆွေးနွေးပွဲတွေမှာ သဘောထားတင်းမာပြမှုလိုမျိုးကအစ၊ ကချင်မှာ အမြောက်သံပေးခဲ့မှု၊ သတင်းထောက် ကိုပါ ကြီးကို သတ်ပြခဲ့မှုအလယ်၊ လက်ပံတောင်း အကြမ်းဖက်လူသတ်ဖြစ်စဉ်အဆုံး ပုံစံအမျိုးမျိုးနဲ့ ဘီလူးသရုပ် စစ်အာဏာရှင် စနစ် အစွယ်ငေါငေါကို ထုတ်ပြခဲ့တယ်။

ပြည်သူအတွက် ဒီမိုကရေစီမျှော်လင့်ချက် ဖြည့်ဆည်းပေးရာ ဒီမိုကရေစီအင်အားစုဘက်ရဲ့အလုပ်ကလည်း မှန်းချက်နဲ့နှမ်းထွက်မကိုက်ဖြစ်ခဲ့တယ်။ ဒီမိုကရေစီတိုက်ပွဲရဲ့မဏ္ဍိုင်ဖြစ်တဲ့ အတိုက်အခံပါတီ ဒီချုပ် နှစ်ကုန်သတင်းစာရှင်းလင်းပွဲပြုတော့ လူထုခေါင်းဆောင် ဒေါ်အောင်ဆန်းစုကြည်က ထည့်ဆိုသွားခဲ့တယ်။ (၂၀၁၂) ကြားဖြတ်ရွေးကောက်ပွဲဝင်စဉ်ကဆိုခဲ့တဲ့ တရားဥပဒေ စိုးမိုးရေး၊ (၂၀၀၈) အခြေခံဥပဒေပြင်ရေး၊ ပြည်တွင်းငြိမ်းချမ်းရေး ဆိုတာတွေက ပါတီမူဝါဒကိုသာ ချပြခဲ့ခြင်းပါ၊ ကတိကဝတ်မဟုတ်ပါ။ သူတို့ မတည်နိုင်တဲ့ ကတိတွေ မပေးခဲ့၊ မပေးလိုပါ။ အတတ်နိုင်ဆုံးကြိုးစားမယ်ဆိုတဲ့ ကတိသာ ပေးခဲ့၊ ပေးနိုင်ပါတယ်တဲ့။

ဒါ့အပြင် (၂၀၁၅) ရွေးကောက်ပွဲဝင်ဖို့တောင် အစိုးရက ရွေးကောက်ပွဲရက် သတ်မှတ်မှသာ ဝင်/မဝင် တရားဝင် လူထုကို အသိပေးမယ်လို့ပါ ဆိုသွားခဲ့တယ်။ ဒါဟာ ဒီချုပ်ရဲ့ ပြီးခဲ့တဲ့ ဒီဇင်ဘာလလယ်မှာပြုလုပ်ခဲ့တဲ့ ပထမအကြိမ် ဗဟိုကော်မတီ စတုတ္ထအကြိမ် အစည်းအဝေးက ရွေးကောက်ပွဲဆိုင်ရာဆုံးဖြတ်ချက်ကို ထပ်လောင်းအတည်ပြုခြင်းလည်း ဖြစ်တယ်။ ဒါပေ မဲ့ ဒီသဘောဟာ ပုဒ်မ (၄၃၆) ပြင်ရေး လူထုလက်မှတ် (၅) သန်းနီးပါး ကောက်ပြီးချိန်၊ စစ်အုပ်စုဘက်က မပြင်လိုကြောင်း သဘောထားတင်းပြချိန်၊ ပြည်သူကလည်း ဖွဲ့စည်းပုံပြင်ရေး လူထုလုပ်ရှားမှုတွေ ဆက်လက်ဖော်ဆောင်ဖို့ အားသန်နေချိန်မှာ အဖွဲ့ချုပ်ခေါင်းဆောင်တစ်ဦးဖြစ်သူ ဦးဉာဏ်ဝင်းဆိုခဲ့ဖူးတဲ့ “ပြင်ပြင်/မပြင်ပြင် ဝင်မယ်” ဆိုတဲ့ အရှုံးပေးရေးဝါဒ သဘောထား လမ်းကြောင်းခဲ့မှုမျိုး ဘာကြောင့်လုပ်ခဲ့သလဲဆိုတာကိုတော့ ကျေနပ်လောက်အောင် မဖြေရှင်းနိုင်ပါဘူး။

အခုအချိန်ကျမှ ဝင်/မဝင် မဆုံးဖြတ်သေးဘူး ဘယ်လောက်ပဲဆိုနေနေ (၂၀၁၅) ရွေးကောက်ပွဲကျင်းပရင် ဒီချုပ် ဝင်မှာ ကတော့ သေချာသလောက်ပါပဲ။ စစ်အုပ်စုဘက်ကလည်း အနောက်အုပ်စုနဲ့ စီးပွားဆက်ဆံလုပ်ခွင့် ပနံသင့်နေတဲ့ လက်ရှိ အနေအထားကို လက်လွှတ်လိုမှာမဟုတ်တဲ့အတွက် အရေခြုံဒီမိုကရေစီလမ်းကို ဆက်ဖော်ဆောင်၊ အသာစီးယူ ဖန်တီးထား တဲ့ ရွေးကောက်ပွဲနဲ့ စစ်လွှတ်တော်နိုင်ငံရေးကို ဆက်လျှောက်ဦးမှာပါပဲ။

လူထု ဒီမိုကရေစီ အရေးအတွက် (၂၀၁၅) မှာ ထိရောက်မယ့်အလုပ်တွေ မဖြစ်မနေလုပ်ပြဖို့ အရေးတကြီးလိုနေတဲ့ အခုလို အချိန်မှာ ဒီချုပ်ပြောတဲ့ဆိုခဲ့သမျှက ‘ကတိ’ မဟုတ် ‘မူဝါဒ’ သာဖြစ်တယ် အကြောင်းပြမှုတွေ၊ ရွေးကောက်ပွဲ ‘ဝင်/မဝင်’ ဆိုတာတွေ အတွက် စကားလုံးအငြင်းပွားမှု၊ အထအနကောက်လိုမှုတွေ မလုပ်လိုပါ။ တိုင်းရင်းသားအားလုံး ပြည်သူအများစု သာတူညီမျှ လွတ်လပ် ငြိမ်းချမ်း လူမှုစီးပွား ဖွံ့ဖြိုးတိုးတက် ရရှိစံစားနိုင်မယ့် အခင်းအကျင်းမျိုး အနာဂတ်မှာ အမှန်တကယ် ဖန်တီးတည်ဆောက်နိုင်မယ့် တိုင်းပြည်အုတ်မြစ် တရားမျှတတဲ့ ဖွဲ့စည်းပုံအခြေခံဥပဒေနဲ့ ဒီမိုကရေစီစနစ်အဖွဲ့အစည်း တခုသာ အခြေခံကျကျ ပြောင်းလဲတည်ဆောက်ယူနိုင်ဖို့သာ ဇောင်းပေးတိုက်တွန်းလိုပါတယ်။

၁) ‘ရှိသူများ’ နှင့် ‘မရှိသူများ’
လက်ရှိ တိုင်းပြည် ပြဿနာ ဟာ ဗိုလ်သိန်းစိန်၊ ဗိုလ်ရွှေမန်း၊ ဒေါ်အောင်ဆန်းစုကြည် အစရှိသဖြင့် စစ်အုပ်စု၊ အတိုက်အခံ ဒီမိုကရေစီအင်အားစု ပုဂ္ဂလိကသဘော အငြင်းပွား၊ အမြင်မတူဖြစ်နေတဲ့ အပေါ်ယံပြဿနာမဟုတ်ပါ။ တိုင်းပြည်မှာ ရာစု ဝက်ကျော် ရှင်သန်ခဲ့တဲ့ စစ်အာဏာရှင်စနစ်ဆိုးကြောင့် အာဏာပိုင်နဲ့ လူတစ်စုသာကောင်းစားစေတဲ့ တဖက်စောင်းနင်း လူမှု၊ စီးပွား၊ ကျန်းမာ၊ ပညာ အရာရာ တရားမျှတ သာတူညီမျှမှု ကင်းမဲ့နေတဲ့ စနစ်အဖွဲ့အစည်းဖြစ်နေခြင်းက အဓိက ပင်မ ရေသောက်မြစ် နိုင်ငံရေးရောဂါ ပြဿနာကြီးပါ။ ‘ရှိသူများ’ နဲ့ ‘မရှိသူများ’ ‘Haves’ Vs. ‘Have-nots’ ကွာခြားချက် မြင့်မား နေခြင်း၊ မတရားမှု အဓမ္မဝါဒ ကြီးစိုးနေခြင်းကို (၂၀၁၅) နဲ့ အလွန် အနာဂတ်တိုင်းပြည်မှာ အလေးထားပျောက်အောင် ဆောင်ရွက်ရမှာပါ။

၂) ဓားမိုးကာ ရေစီးကြမ်းတဲ့ ဒီမိုကရေစီအတုအိပ်မက်ကနေ နိုးထသင့်ပြီ
စစ်ဖွဲ့စည်းပုံနဲ့ သံမဏိကြိုးခတ် တုန့်နှောင်ပြီး စစ်အာဏာရှင် အသွင်ပြောင်း၊ အရေခွံလဲ၊ စစ်အုပ်စု အကျိုးစီးပွား၊ လုံခြုံမှု အတွက် သက်သက် စိတ်ကြိုက်ခြယ်လှယ် ထင်တိုင်းကြဲလုပ်ခဲ့တဲ့ (၂၀၁၀) ရွေးကောက်ပွဲ အပါအဝင် လက်ရှိ ဖြစ်ပေါ်နေတဲ့ နိုင်ငံရေးတိုးတက်မှု အပြောင်းအလဲဟာ အစကတည်းက သန္ဓေမမှန်ခဲ့တဲ့အတွက် ယုံကြည်ကိုးစားမျှော်လင့်မှုနဲ့ မထိုက် တန်ခဲ့ပါဘူး။ ဒါပေမဲ့ အကြောင်းကြောင်းကြောင့် (၂၀၁၁) နောက်ပိုင်းကနေ အခု “ဆုတ်လည်းဆူး စားလည်းရူး” ဖြစ်နေတဲ့ လက်ရှိအခြေအနေအထိရောက်ခဲ့ခြင်းဟာ လုံလောက်ပါပြီ။ ထောင်ခြောက်တွေအပြည့်နဲ့ ဆူးခင်းလမ်းကို ပန်းမွေ့ယာ၊ ရွှေကော်ဇော်ခင်း အလား အရာရာ အကောင်းမြင် စိတ်ကူးယဉ် လေထဲ တိုက်အိမ်ဆောက်၊ မစားရဝခမန်း ပြောနေ၊ တွေးနေ၊ လုပ်နေရတဲ့ ဓားမိုးကာ ရေစီးကြမ်းတဲ့ ဒီမိုကရေစီအတု အိပ်မက် (၂၀၁၅) မှာ နိုးထသင့်ပါပြီ။

၃) မိအေး အခါခါ နာရတဲ့ အဖြစ်
ဗိုလ်နေဝင်း က “ဆိုရှယ်လစ်” ဆိုင်းသံလေးတီးပေးတော့ ဗမာ့နိုင်ငံရေးသမားကြီးတွေ ‘ဂွေး’ တက်အောင် ‘က’ ခဲ့ဖူးကြတယ်။ ပြည်သူတွေလည်း နိုင်ငံရေးခေါင်းဆောင်ကြီးတွေ ကြည့်ပြီး ဟုတ်နိုးနိုးနဲ့ “ဆင်ဟဝါခွေးမျှော်” တဲ့ ဇာတ်လမ်းခင်းခဲ့ကြရတယ်။ ဗိုလ်ချုပ်ကြီး အစိုးရ ခင်းတဲ့ ဗမာ့ ဆိုရှယ်လစ် ခေတ်ပြောင်းတော်လှန်ရေးကြီးကို “ခွေးကတက်” ကနေပဲ လိုက်ရ လိုက်ရ ဆိုတဲ့ “သူတောင်းစား နိုင်ငံရေးလမ်းစဉ်” ခေတ်ထခဲ့ပြီး အတွေ့ကြုံရင့်၊ သိက္ခာရှိ၊ လွတ်လပ်ရေးသမိုင်းမှာ အရေးပါ၊ အရာ ရောက်ခဲ့တဲ့ နိုင်ငံရေးသမားကြီးတချို့ နိုင်ငံရေး သေ၊ ခွေးလုံးလုံး ဖြစ်ခဲ့ကြရတယ်။

အခုလည်း စစ်အုပ်စုက “ဒီမိုကရေစီ” ဗျောသံပေးတော့ နိုင်ငံရေးခေါင်းဆောင်တွေ မနေနိုင်၊ မထိုင်နိုင် ထပ် ‘က’ ခဲ့ကြပြန် တယ်။ မဟောသဓ သားတရားစီရင်ခန်းလို မိခင်ရင်းမို့ ဘီလူးမနဲ့ယှဉ် ပြည်သူဆိုတဲ့ ‘သား’ ကို အနာခံပြီး မလုချင်လို့ အခြေအနေ၊ အချိန်အခါအလျောက် အလိုက်သင့် ပြုမူဆောင်ရွက်နေရပါတယ်ဆိုတဲ့အကြောင်းပြချက်က လက်တွေ့မှာ အကျိုးပိုမဲ့၊ ပြည်သူကို ပိုနစ်နာစေခြင်းဖြစ်စေတယ်ဆိုတာဟာ ပြီးခဲ့တဲ့ (၄) နှစ်အတွက် ဖြစ်ပေါ်ခဲ့တဲ့ ပြည်သူ့ အသက်၊ အိုး အိမ်၊ စည်းစိမ်၊ ဆုံးရှုံး နစ်နာမှုတွေအပြည့်နဲ့ “မိအေး အခါခါနာရတဲ့အဖြစ်” တွေက သက်သေပါ။

၎) အာဏာရှင်ဆိုတာ
မင်းစည်းစိမ် ဆိုတာ လောကီစည်းစိမ်ထဲမှာ အကြီးတကာ့ အကြီးဆုံး စည်းစိမ်ဖြစ်တဲ့အတွက် တည်မြဲနိုင်ဖို့ အစွမ်းကုန် ကြိုး စားခဲ့ကြတာချည်းပဲဆိုတာကို ပဒေသရာဇ်နဲ့ အာဏာရှင်သမိုင်းအဆက်ဆက်က သက်သေပြုခဲ့ပါတယ်။ ဒီလိုအနေအထားမှာ အင်အားကြီးတဲ့ စစ်တပ်လို အုပ်စုကြီးတစ်ခုလုံးရဲ့ အကျိုးစီးပွားကိုကာကွယ်ပေးတဲ့ စစ်အာဏာရှင်စနစ်ဟာ သူ့အလိုအ လျောက် အမြစ်ပြတ် ပျောက်ကွယ်သွားဖို့ အင်မတန်ခက်ခဲလှပါတယ်။ တိုင်းပြည်အကျိုးအတွက် စစ်အုပ်စုဟာ “သိက္ခာရှိရှိ နောက်ဆုတ်ပေးနေပါပြီ (Graceful Retreat)” ဆိုတဲ့ အယူအဆဟာ စိတ်ကူးယဉ်၊ ရူးသွပ်မှုသက်သက်ထက် မပိုပါ။

၅) Liberalisation နှင့် Democratisation မတူ
နိုင်ငံရေး သဘော၊ သီအိုရီတွေမှာ မတရားတဲ့ ဥပဒေတွေ ဖြေလျှော့ပေးတာ၊ ဗဟိုချုပ်ကိုင်မှုကို လျှော့ချတာ၊ ပြင်းထန်တဲ့ ဖိနှိပ်မှုတွေဖြေလျော့သွားတာ စတဲ့ ပိုမိုလွတ်လပ်တဲ့ အခြေအနေမျိုးဖန်တီးပေးတဲ့ (Liberalisation) ဖြစ်စဉ်နဲ့ ဒီမိုကရေစီ ပြောင်းလဲဖြစ်တည်မှု (Democratisation) ဖြစ်စဉ် တွေဟာ သဘောထား၊ လက္ခဏာနဲ့ ရည်မှန်းချက်တွေ လုံးလုံးမတူညီပါဘူး။ (Liberalisation) ဟာ အာဏာရှင်အစိုးရတွေ တရားဝင်ရေရှည်ရပ်တည်နိုင်ရေးအတွက် ပြုပြင်ပြောင်းလဲမှုတချို့ ဟန်ပြ လုပ်ခြင်းသက်သက်သာပါ။

ဒီမိုကရေစီစနစ်ကို ပြုပြင်ပြောင်းလဲနေမှုဆိုတာကို အခြေခံသဘောအားဖြင့် အာဏာရှင်အစိုးရ လုံးလုံးပြုတ်ကျမှသာ တွေ့ နိုင်ပါမယ်။ “A Transition to Democracy = A Chang of Regime” ကသာ တကယ့် ပြည်သူလူထုအများစု အကျိုးရှိမယ့် ဒီမိုကရေစီအပြောင်းအလဲကို ဖြစ်ပေါ်စေပါတယ်။ ဒီလိုမဟုတ်ဘဲ “ငါ့အာဏာ၊ ငါ့အကျိုးစီးပွားကိုတော့ မထိနဲ့၊ အထိုက် အလျောက် လွတ်လပ်ခွင့်နဲ့ အခွင့်အရေးကို လူရွေးပြီးတော့ပေးမယ်” ဆိုတဲ့ “ဒီမိုကရေစီ ကွက်ကြားမိုး” ရွာနေခြင်းဟာ တိုင်းပြည်နဲ့ လူထုအများစုကို ပိုပြီးထိခိုက်နစ်နာစေပါတယ်။ ဒီလို အပေါ်ယံအပြောင်းအလဲမျိုးကို သြဇာရှိ၊ ပညာတတ်၊ ချမ်းသာတဲ့ ရေပေါ်ဆီ လူမလိုင်အသိုင်းအဝန်း အလိ (Elite) တွေက အားတက်သရော ထောက်ခံလေ့ရှိကြတယ်။ တိုင်း ပြည်ရဲ့အများစု နင်းပြား ပြည်သူလူထုကတော့ ဒုံရင် ဒုံရင်းဆိုတာထက် ပိုဆိုးတဲ့အခြေအနေမျိုးတွေကို ခံစားရတယ်။ ဒီအချက်ကို လူထုခေါင်းဆောင်တွေ၊ နိုင်ငံရေးသမားတွေ၊ ပညာတတ် လူလတ်တန်းစားတွေ ပကတိအရှိအတိုင်း သိမြင် ခံစားပေးနိုင်ဖို့ (၂၀၁၅) မှာ အင်မတန် အရေးကြီးလှပါတယ်။

၆) နိုင်ငံရေးသမား နိုင်ငံရေး အလုပ်လုပ်
လူအများစု လူမှုတရားမျှတမှု (Social Justice) မရရှိရင် ဒီမိုကရေစီစနစ်မဟုတ်ပါ။ ဒီအတွက် နိုင်ငံရေးသမားဆိုသူတွေ နိုင်ငံရေးအလုပ်စစ်စစ်လုပ်ဖို့ လိုနေပါတယ်။ တိုင်းပြည်ရဲ့ ပင်မရောဂါ နိုင်ငံရေးပြဿနာကိုမဖြေရှင်းဘဲ အဆွယ်အပွား ရော ဂါနဲ့ သူရဲ့လက္ခဏာတွေကိုသာ ဖြေရှင်းဖို့ကြိုးစားနေရင် အဖြေမှန်ရှာတွေ့နိုင်မှာ မဟုတ်ပါ။ တိုင်းပြည်မှာ ဆင်းရဲတာ၊ စာမ တတ်တာ၊ ရောဂါဘယထူပြောတာ စတဲ့ လူမှု၊ ကျန်းမာ၊ စီးပွားပြဿနာအားလုံးဟာ နိုင်ငံရေးဆိုတဲ့ ရေသောက်မြစ် ပြဿ နာကြီး အမြစ်ပြတ် မဖြေရှင်းနိုင်သရွေ့ ဘယ်တော့မှပြေပျောက်မှာ မဟုတ်ပါ။

နိုင်ငံရေးသမားတွေ လူမှု၊ စီးပွား၊ကျန်မားရေး တခဏတာ ဖြေရှင်းပေးတဲ့ လူမှုရေးဆေးမြီးတို လုပ်ဆောင်ချက်တွေနဲ့ချည်းပဲ ရောင့်ရဲတင်းတိမ်မနေဘဲ တိုင်းပြည်ရဲ့ ပင်မရေသောက်မြစ်ရောဂါ ဒီမိုကရေစီခေါင်းပါးမှု၊ တနည်းအားဖြင့် စစ်အာဏာရှင်စနစ် ဆက်လက် သက်ဆိုးရှည်နေမှုကို အားစိုက် ဖြေရှင်းနိုင်ဖို့ နိုင်ငံရေးလမ်းစဉ်၊ မူဝါဒတွေ ခိုင်ခိုင်မာမာချမှတ်ပြီး နိုင်ငံရေး အလုပ်တွေ (၂၀၁၅) မှာ အားသွန်ခွန်စိုက်လုပ်ဖို့ အရေးတကြီး လိုအပ်နေပါပြီ။

၇) ခေါင်းဆောင်ဆိုတာ ခေါင်းဆောင်ရမယ်
Democratisation စစ်စစ်ဖြစ်ဖို့အတွက် ဒီမိုကရေစီခေါင်းဆောင်ဆိုသူများ လူထုရှေ့က မားမားရပ်၊ အပြောနဲ့မဟုတ် လက် တွေ့ဦးဆောင်ပြဖို့လည်း လိုပါတယ်။ အပြောင်းအလဲတချို့ကြောင့် ယုံထင် ကြောင်ထင်ဖြစ် အတွေးအခေါ် ဝေဝါးနေတဲ့ ပြည်သူလူထုကို မျက်စိဖွင့်၊ တာဝန်ယူ၊ တာဝန်ခံ၊ အမှန်ကိုချပြ၊ ရှေ့ကခေါ်ဆောင် လမ်းပြပြီး ယခုထက်ပို ဦးဆောင်ဖို့လိုနေ ပါတယ်။ ပြည်သူတွေ အာဏာရှင်က နှိပ်စက်လို့ အတိဒုက္ခရောက်မှ ဝင်ရောက်ဖြေရှင်းစေ့စပ်ရတဲ့ အလုပ်ဟာ လူထုခေါင်း ဆောင်ဆိုသူများနဲ့ နိုင်ငံရေးအဖွဲ့အစည်းတွေရဲ့ အလုပ်မဟုတ်ပါ။ လူထုနဲ့အတူရပ်တည်ပြီး ပြည်သူ့ပြဿနာတွေကို ရှေ့က ထုတ်ဖော် ဟစ်ကြွေး၊ မတရားမှုမှန်သမျှကို တာဝန်ယူမှုရှိရှိ ဦးဆောင်ဆန့်ကျင်ပြမှသာ လူထုခေါင်းဆောင်း၊ လူထုကိုယ်စားပြု အဖွဲ့အစည်း ဖြစ်နိုင်ပါမယ်။

၈) လူထုက လူထုအလုပ် လုပ်
ကမ္ဘာ့သမိုင်းရဲ့ Democratisation ဖြစ်စဉ်တိုင်းမှာ လူထုအလုပ်မပါဘဲ၊ လူထုလှုပ်ရှားမှုမဖြစ်ဘဲ အောင်မြင်ပြီးမြောက် ဆုံး ခန်းတိုင် ရောက်သွားတယ်ဆိုတာမရှိပါ။ လူထုဟာ မိမိတို့ ဘဝလွတ်မြောက်ရေးအတွက် မိမိတို့ဘာသာပဲ ကြိုးစားလုပ်ကိုင် သွားရတာပါ။ ဗမာ့လူထု အနေနဲ့လည်း ဒီလို လူထုလူပ်ရှားမှု တာဝန်တွေကို စစ်အာဏာရှင်ခေတ် အဆက်ဆက်ဘယ်တုန်းကမှ မပျက်ကွက်ခဲ့ဖူးပါဘူး။ လက်ရှိအခြေအနေမှာလည်း လူထုအတန်းစားအသီးသီးရဲ့ အာဏာရှင်ရဲ့ မတရားဖိနှိပ်မှုတွေကို ပြန်လည် တွန်းလှန်တုံ့ပြန်အန်တုတဲ့ ဆန္ဒပြပွဲတွေ၊ သပိတ်တွေ၊ လှုပ်ရှားမှုတွေ နိုင်ငံအနှံ့အပြားမှာ ဖြစ်ပေါ်လျက်ပါပဲ။ ဆို တော့ အမြဲတမ်းတာဝန်ကျေတဲ့ လူထုကတော့ ဇွဲမလျှော့၊ စိတ်မပျက်ဘဲ၊ “ကိုယ့်ဘာသာ ကိုယ်ထူမှသာ ငါဒို့ထနိုင်မှာပဲ” ဆိုတဲ့ စိတ်ဓာတ်နဲ့ လူထုလုပ်ရမယ့်အလုပ်တွေကို ဆက်လုပ်ဖို့ပါပဲ။

၉) စာနယ်ဇင်းရဲ့ အလုပ်
ခေတ်မီလက်နက်အပြည့်အစုံနဲ့ အာဏာရှင်ဒေါက်တိုင် အင်အားကြီး စစ်တပ်နဲ့ လုံခြုံရေးအဖွဲ့အစည်းတွေကို လက်နက်နဲ့ ပြန်လည်တိုက်လို့ကတော့ ဘယ်လိုမှ အရာမရောက်နိုင်ပါ။ ဒါကြောင့် လူထုကြား လှုပ်ရှားမှုတွေ ပြန့်ပွားအောင်၊ အာဏာရှင် ရဲ့ လုပ်ရပ်ဆိုးတွေ တိုင်းသိ၊ ပြည်သိ၊ ကမ္ဘာသိအောင် ခေတ်မီဆက်သွယ်ရေး နည်းပညာရပ်တွေကို အသုံးချပြီး လှုံ့ဆော်၊ ဖြန့်ဝေ၊ တင်ပြတဲ့ မီဒီယာဆိုတဲ့ လက်နက်နဲ့ တိုက်မှသာ အာဏာရှင်တွေ၊ သူတို့ရဲ့ လက်ပါးစေ “ဘယ်သူသေသေ ငတေမာ” ရင်ပြီးရော လူတန်းစား စီးပွားသောင်းကျမ်း၊ ရမ်းကားတဲ့ လက်တဆုပ်စာခရိုနီတွေ အထိနာမှာ ဖြစ်ပါတယ်။ လူထု သပိတ် တိုက်ပွဲ သတင်းတွေတင်မကဘဲ အာဏာရှင်တွေနဲ့ အပေါင်းအပါတွေရဲ့ အကျင့်ပျက်၊ ခြစား၊ ကိုယ်ကျိုးရှာ ထင်ရာဆိုင်း နေတဲ့ အကြောင်းအရာ၊ အဖြစ်အပျက်တွေကို စုံစမ်း၊တူးဖော်၊ရှာဖွေ၊တင်ပြတဲ့ “Investigative Journalism” စာနယ်ဇင်း အလုပ်တွေလည်း အများအပြား ပိုမိုလုပ်နိုင်လာဖို့ (၂၀၁၅) မှာ လိုနေပါတယ်။

၁၀) နိဂုံး
ဆွေးနွေးခဲ့တဲ့ တိုင်းပြည်ရဲ့အုပ်စုအသီးသီးဖြစ်တဲ့ လူထုခေါင်းဆောင်၊ နိုင်ငံရေး အဖွဲ့အစည်း၊ ပြည်သူနဲ့ သတင်းမီဒီယာတွေ ကိုယ့်တာဝန် ကိုယ်ကျေ၊ တက်ညီလက်ညီ ဝိုင်းဝန်း ဖိအားပေး (Force) လုပ်နိုင်မှသာ တိုင်းပြည်ရဲ့ အဓိကပြဿနာ လူတစ်စု ကောင်းစားရေး စစ်အာဏာရှင်စနစ် အလုံးစုံပျက်သုဉ်းပြီး ဒီမိုကရေစီ အသီးအပွင့်တွေ လူအများစု တန်းတူခံ စားနိုင်မှာ ဖြစ်ပါတယ်။ လူမှုတရားမျှတမှု အခြေပြု တင်းပြည့်၊ ကျပ်ပြည့် ဒီမိုကရေစီစစ်စစ် တိုင်းပြည်မှာ မရှင်သန်သရွေ့ လူထုအများခမျာ နိုင်ငံရေးသမားများ၊ လူမလိုင်များ စစ်အုပ်စုနဲ့ပေါင်း သာယာနေတဲ့ နိုင်ငံရေးအဖြည့်ခံလမ်းစဉ်မှာ “ကျွန် ဝယ်ရာ အဆစ်ပါ” ရင်း ဒီမိုကရေစီအမည်ခံ အစိုးရရဲ့ မြေသိမ်း၊ လူသတ်၊ ထောင်ချ၊ အကြမ်းဖက် မတရားမှုအစုံစုံကို လှိမ့်ခံနေရတဲ့ဘဝက လွတ်မှာမဟုတ်ကြောင်း နှစ်သစ်မှာ ထပ်လောင်း မောင်းခတ်လိုက်ကြောင်းပါခင်ဗျာ။

ငြိမ်းချမ်းအေး ဇန်နဝါရီ ၀၁၊ ၂၀၁၅

(ဇန်နဝါရီ ၀၂၊ ၂၀၁၅၊ သောကြာနေ့ထုတ် သည်လေဒီးစ် နယူးစ် ဂျာနယ်၊ အတွဲ (၂) အမှတ်စဉ် (၄၆) တွင် မူလ ပုံနှိပ်ခဲ့သည်။ မိုးမခတွင် ယခု အွန်လိုင်းဖြန့်ချိသည်။ ဆောင်းပါးပါ အာဘော်ကို ဝေဖန်ထောက်ပြရန် nyeinchanaye81@gmail.com သို့ စာရေးနိုင်သည်။)

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Friday, January 2, 2015

ကိုကို အီးနိုင်းများ သိထားသင့်သည့် လိင်စော်ကားမှု အပြစ်ပေးခြင်းဆိုင်ရာ ဥပဒေ (성폭력처벌법 )

ကိုရီးယားနိုင်ငံသို့ ခက်ခက်ခဲခဲ ရောက်လာပြီး မမျှော်လင့်ဘဲ ကိုရီးယားနိုင်ငံ အလုပ်ခွင်မှ စောစောစီးစီး ထွက်ခွါသွားကြရတဲ့ ကျနော်တို့ မြန်မာလူငယ်လေးတွေ ရှိပါတယ် ။ အချို့မှာ ထောင်နန်းစံလိုက်ရတဲ့သူတွေရှိသလို ၊ ဆိုင်းငံပြစ်ဒဏ်ကျပြီး ပြည်တော်ပြန်သွားရတဲ့သူတွေလည်း ရှိပါတယ် ။ လိင်စော်ကားမှုနှင့် ပတ်သက်လို့ ကျနော်တို့ မြန်မာလူငယ်များအတွက် ကျနော် စကားပြန်လုပ်ပေးခဲ့ရတဲ့ အမှု ဆယ်ဂဏန်းနီးလာပါပြီ ။
- ညအချိန် ကိုရီးယား ပျိုပျိုမေရဲ့ အခန်းထဲဝင်မိပြီး အမှုဖြစ်တဲ့သူ
- ဆောင်ကြာမြိုင်မှာ မကျေနပ်လို့ အမှုဖြစ်တဲ့သူ
- ကားပေါ်မှာ ကျောင်းသူမလေးတစ်ဦးကို နောက်က နှိုက်လို့အမှုဖြစ်တဲ့သူ
- ကာရာအိုကေမှာ ခလေးမလေးကို အနမ်း ဖွဖွလေးပေးမိလို့ အမှုဖြစ်တဲ့သူ
- စက်ရုံမှ ဘဝတူလုပ်သမား ကိုရီးယားမတစ်ဦးရဲ့ ဖုန်းသို့ ကိုယ်လုံးတီး ဓါတ်ပုံ မက်ဆေ့တွေ ပို့ရာမှ ဖုန်းသုံးစွဲခွင့်ပါ ပိတ်ခံရပြီး အမှုဖြစ်တဲ့သူ
- နိုင်ငံခြားသားများကို သဘောကျနေတဲ့ ပေါတောတော ကိုရီးယား ပျိုမေတစ်ဦး နှင့် အပေးအယူတည့်ပြီး ပျော်ပါးခဲ့ကြရာမှာ အခြားလူက တိုင်လို့ အမှုဖြစ်တဲ့သူများ

ကျနော်တို့ ညီတော်နောင်တော်များ လိင် နှင့် ပတ်သက်ပြီး မဖြစ်သင့်တာတွေ မဖြစ်ရအောင် အသိပေးဖို့ လိုမယ် ထင်မိလို့ သည်ဆောင်းပါးကိုရေးဖြစ်ပါတယ် ။

ကိုရီးယားနိုင်ငံမှာ လိင်နှောင့်ယှက်(စော်ကား)မှုအတွက် ပြစ်ဒဏ်ပေးခြင်း စသည်ဆိုင်ရာ အထူးဥပဒေ (성폭력범죄의 처벌 등에 관한 특례법) ဆိုတာ ရှိပါတယ် ။ ရှေးဦးစွာ လိင် နှောက်ယှက် (စော်ကား) မှုဆိုတာ ဘာလဲလို့ သိထားစေချင်ပါတယ် ။
လိင် နှောက်ယှက်(စော်ကား)မှုဆိုရာမှာ ဒီအမှုတွေ ပါဝင်တယ် -
မုဒိမ်းမှု ၊ ခလေး လိင်ထိပါးမှု (အသက် ၁၈ နှစ်အောက် လူငယ်များ လိင်ကို ထိကိုင်ခြင်း ၊ ဓါတ်ပုံရိုက်ယူခြင်း ၊ ကိုယ်လုံးတီးချွတ်စေခြင်း၊ လိင် ဆက်ဆံခြင်း စသည်) ၊ ဓါးပြ မုဒိမ်း ၊ လိင် အရောင်းအဝယ် (ဆောင်ကြာမြိုင်ပျော်ပါးမှု) အမှုများသာမဟုတ်မူဘဲ ၊ လိင်ပိုင်းဆိုင်ရာ မြူဆွယ်မှု ၊ လိင်အကြောင်း ဖုန်းဖြင့်ပြောဆိုမှု ၊ လိင်ကို ခြောင်းကြည့်ခြင်း ၊ လိင်ပိုင်းဆိုင်ရာ လှည့်ဖျားမှု ၊ လိင်ပုံများပြသခြင်း ၊ လိင်ပုံများ ဖန်တီး ရာတွင် အသုံးပြုခြင်း စသည်ဖြင့် တစ်ပါးသူက မနှစ်သက်သော အကြောင်းအရာ စသည်တို့ကို ၊ ကိုယ်ဖြင့်ဖြစ်စေ နှုတ်ဖြင့်ဖြစ်စေ အမြင်အားဖြင့်ဖြစ်စေ စိတ်ပိုင်းအရဖြစ်စေ အနှောက်အယှက်ဖြစ်စေမှု ။
ဒါ့ အပြင် လိင်(စော်ကား)နှောက်ယှက်ရန်အကြံဖြင့် ဆေးဝါးတိုက်ခြင်းသည်လည်း သွယ်ဝိုက်သောအားဖြင့် လိင်နှောက်ယှက်မှု ဖြစ်ကြောင်း ။
ခလေးသူငယ် သို့မဟုတ် မသန်စွမ်းသူစသည်တို့အား ၄င်းတို့၏ လိင်ပိုင်းဆိုင်ရာ ဆုံးဖြတ်နိုင်စွမ်းမရှိမှု စကားမပြောဆိုနိုင်မှုတို့ကို အသုံးချလျက် လိင်ပိုင်းဆိုင်ရာ ဆက်ဆံခြင်းတို့လည်း ပါဝင်ကြောင်း ။

အဲသည်ကျနော်စကားပြန်အဖြစ်ဆောင်ရွက်ခဲ့ရတဲ့အမှုတွေထဲမှာ ကျနော် စိတ်ဝင်စားမှုအရှိဆုံး အမှုကတော့ နောက်ဆုံး (လက်ရှိ စစ်ဆေးနေဆဲ) အမှုပါ ။ ခလေး သူငယ်များ ၊ မသန်မစွမ်းသူများနှင့် ပတ်သက်ပြီး ကိုရီးယား နိုင်ငံတော်က စီမံပေးထားတဲ့ ဥပဒေ အကာအကွယ်က ကျနော့်ကို စိတ်ဝင်စားမှုဖြစ်စေခဲ့တာပါ ။ ဥပဒေမှာတော့ -
ပုဒ်မ ၆ ( မသန်စွမ်းသူနှင့် ပတ်သက်သော မုဒိမ်းမှု ၊ လိင်စော်ကားမှုစသည်) ပြဋ္ဌာန်းချက်
(၁) ရုပ်ပိုင်း သို့မဟုတ် စိတ်ပိုင်းဆိုင်ရာ မသန်စွမ်းသော သူနှင့်ပတ်သက်၍ (ပြစ်မှုဆိုင်ရာ ဥပဒေ ပုဒ်မ ၂၉၇) မုဒိမ်းမှု ကို ကျူးလွန်သူသည် နှစ်အကန့်အသတ်မဲ့ ထောင်ဒဏ် သို့မဟုတ် ၇ နှစ် အထက်ထောင်ဒဏ်ကို ချမှတ်ခံရမည် ။
(၂) ရုပ်ပိုင်း သို့မဟုတ် စိတ်ပိုင်းဆိုင်ရာ မသန်စွမ်းသော သူနှင့်ပတ်သက်၍ အနိုင်အထက်ပြု သို့မဟုတ် ခြိမ်းခြောက်၍ အောက်ဖော်ပြပါ တစ်ခုခုကို ကျူးလွန်သူအား ထောင်ဒဏ် ၅ နှစ်အထက်ကို ကျခံစေရမည်-
- ပါးစပ် သို့မဟုတ် စအိုအစရှိသည့် အင်္ဂါစပ်မှအပ ဒွါရပေါက်တစ်ခုခု တွင်းသို့ လိင်တန်အား ထိုးသွင်းခြင်း
- အင်္ဂါစပ်သို့မဟုတ် စအိုတွင်းသို့ လိင်တန်မှအပ လက်ချောင်း အစရှိသည့် ကိုယ်အင်္ဂါ၏ အစိတ်အပိုင်း တစ်ခုခု၏ တစ်စိတ်တစ်ပိုင်း သို့မဟုတ် အဆုံး ထိုးသွင်းခြင်း
//
제6조(장애인에 대한 강간•강제추행 등)
- ① 신체적인 또는 정신적인 장애가 있는 사람에 대하여 「형법」 제297조(강간)의 죄를 범한 사람은 무기징역 또는 7년 이상의 징역에 처한다.
- ② 신체적인 또는 정신적인 장애가 있는 사람에 대하여 폭행이나 협박으로 다음 각 호의 어느 하나에 해당하는 행위를 한 사람은 5년 이상의 유기징역에 처한다.
- 1. 구강•항문 등 신체(성기는 제외한다)의 내부에 성기를 넣는 행위
- 2. 성기•항문에 손가락 등 신체 (성기는 제외한다)의 일부나 도구를 넣는 행위
//
ပုဒ်မ ၇ ( အသက် ၁၃ နှစ်အောက် အရွယ်မရောက်သေးသူ နှင့် ပတ်သက်သော မုဒိမ်းမှု ၊ လိင်စော်ကားမှုစသည်) ပြဋ္ဌာန်းချက်
(၁) အသက် ၁၃ နှစ်အောက် အရွယ်မရောက်သေးသူ နှင့်ပတ်သက်၍ (ပြစ်မှုဆိုင်ရာ ဥပဒေ ပုဒ်မ ၂၉၇) မုဒိမ်းမှု ကို ကျူးလွန်သူသည် နှစ်အကန့်အသတ်မဲ့ ထောင်ဒဏ် သို့မဟုတ် ၇ နှစ် အထက်ထောင်ဒဏ်ကို ချမှတ်ခံရမည် ။
(၂) အသက် ၁၃ နှစ်အောက် အရွယ်မရောက်သေးသူ နှင့်ပတ်သက်၍ အနိုင်အထက်ပြု သို့မဟုတ် ခြိမ်းခြောက်၍ အောက်ဖော်ပြပါ တစ်ခုခုကို ကျူးလွန်သူအား ထောင်ဒဏ် ၇ နှစ်အထက်ကို ကျခံစေရမည်-
- ပါးစပ် သို့မဟုတ် စအိုအစရှိသည့် အင်္ဂါစပ်မှအပ ဒွါရပေါက်တစ်ခုခု တွင်းသို့ လိင်တန်အား ထိုးသွင်းခြင်း
- အင်္ဂါစပ်သို့မဟုတ် စအိုတွင်းသို့ လိင်တန်မှအပ လက်ချောင်း အစရှိသည့် ကိုယ်အင်္ဂါ၏ အစိတ်အပိုင်း တစ်ခုခု၏ တစ်စိတ်တစ်ပိုင်း သို့မဟုတ် အဆုံး ထိုးသွင်းခြင်း

//
제7조(13세 미만의 미성년자에 대한 강간, 강제추행 등)
- ① 13세 미만의 사람에 대하여 「형법」 제297조(강간)의 죄를 범한 사람은 무기징역 또는 10년 이상의 징역에 처한다.
② 13세 미만의 사람에 대하여 폭행이나 협박으로 다음 각 호의 어느 하나에 해당하는 행위를 한 사람은 7년 이상의 유기징역에 처한다.
1. 구강•항문 등 신체(성기는 제외한다)의 내부에 성기를 넣는 행위
2. 성기•항문에 손가락 등 신체(성기는 제외한다)의 일부나 도구를 넣는 행위
//
ခလေးသူငယ် လိင်နှောက်ယှက် (စော်ကား)မှု ပုံစံတွေကတော့ -
- ခလေးရဲ့ လိင်ကို ထိ ကိုင်ခြင်း
- ခလေးအား လူကြီးရဲ့ လိင်ကို ထိကိုင်စေခြင်း
- ခလေးရဲ့ အင်္ဂါစပ် သို့မဟုတ် စအိုသွင်းသို့ လက်ချောင်း သို့မဟုတ် ကိုယ်အင်္ဂါရဲ့ အစိတ်အပိုင်း တစ်ခုခုရဲ့ တစ်စိတ်တစ်ပိုင်း သို့မဟုတ် အဆုံး ထိုးသွင်းခြင်း
- ခလေးရဲ့ ပါးစပ် ထဲသို့ လိင်တန်အား ထိုးသွင်းခြင်း သို့မဟုတ် ခလေး၏ အင်္ဂါအား မိမိပါးစပ်ဖြင့် လျှက်ခြင်း
- လိင်တန်ကို ထိုးသွင်းခြင်း
- နမ်း(ကစ်စ်)ခြင်း

လိင် နှောက်ယှက်မှု သဘောသက်ရောက်စေနိုင်သော အပြုအမူများကတော့-
- ကိုယ်လုံးတီးပုံများပြသခြင်း
- ခလေးကို အသုံးချလျက် ကိုယ်လုံးတီးပုံများ ပြုလုပ်ခြင်း
- ကိုယ်လုံးတီးပုံများကို ခလေးမြင်နိုင်အောင် ထားခြင်း
- ခလေးအား မိမိလိင်ကို ပြသခြင်း
- ခလေးလိင်စိတ် နှိုးကြွအောင် ပြုလုပ်ခြင်း
- လိင်အကြောင်း နားထောင်စေခြင်း
- ခလေးရဲ့ လိင်ကို ကြည့်ရှုခြင်း

ကျနော် လိုက်ပါပြီး စကားပြန်အဖြစ်ဆောင်ရွက်ပေးနေတဲ့ နောက်ဆုံး (လက်ရှိ စစ်ဆေးနေဆဲ) အမှုအကြောင်း အနည်းငယ်တင်ပြချင်ပါတယ် ။ ဖြစ်ပုံကတော့ ကိုရီးယားမ တစ်ယောက် ၊ နိုင်ငံခြားသားတွေကို တော်တော်လေး ခင်မင်တတ် ပြီး သံယောဇဉ်လည်း ရှိတယ်လို့ဆိုပါတယ် ။ သည်လိုနှင့် နိုင်ငံခြားသား အလုပ်သမားများ နှင့် တတွဲတွဲပေါ့ ။ မြန်မာလူငယ်များလည်း ဘာသားနှင့်ထုထားတာမှတ်လို့ပေါ့ဗျာ ။

သည်လိုနှင့် မြန်မာ လူငယ်တစ်စု လွန်ခဲ့သော ၆ လ လောက်ခန့်က ပိုက်ပိုက်လေးပေးပြီး ၊ တစ်ည အတူတူ ပျော်ပါးခဲ့ကြလေသည်တဲ့ ။ နောက်တော့ အဲသည် အမျိုးသမီးက အခန်း ခဏခဏလာ ၊ တစ်နေ့တော့ ပိုက်ဆံအိတ်ယူသွားလို့ ဆက်ဆံရေးတွေ ပျက်ခဲ့ကြတယ်လို့ဆိုပါတယ် ။

ခုတော့ သူမမှာ ကိုယ်လေးလက်ဝန်ရှိနေပြီ ။ မနေနိုင်တဲ့ တာဝန်သိ ပြည်သူတစ်ယောက်က ရဲစခန်းသို့ တိုင်ကြားရာမှာ ကာယကံရှင်က ထွက်ဆိုချက်ပေးရပါတယ် ။ သွေးစစ်တာတွေ ဒီအင်န်အေစစ်တာတွေ အသာထား ၊ ကိုယ်ဝန်ကာလ နှင့် နောက်ကြောင်းပြန် ခန့်မှန်းရက်တွေ အတွင်း အတူတတူ ပျော်ပါးခဲ့သူ စာရင်း ရေတွက်ကြည့်လိုက်တော့ ကံဆိုးသူမောင်ရှင် မြန်မာ လူငယ် ၄ ဦး ထွက်ရှိလာပါသတဲ့ ။ အဲသည် စာရင်းမှာ တစ်ယောက်ကိုတော့ နေရပ်မသိ ဆက်သွယ်ရန် မသိလို့ ရှာမရပေမယ့် ၊ ၃ ယောက်သော သူများကတော့ အခန်းကိုလည်း သိ ၊ ဆက်သွယ်ရန်လည်း ရှိနေလို့ ၊ အခုအခါမှာ လိင်စော်ကား မှုဆိုင်ရာ အပြစ်ပေးခြင်း ဥပဒေနှင့် ရင်ဆိုင်နေကြရပါတယ် ဆိုတဲ့ အကြောင်းပါ ။

ရဲ စွဲချက်မှာတော့ ၊ သူမဟာ စိတ်ပိုင်းဆိုင်ရာ ချွတ်ယွင်းသူ(အရူးမ)လို့ဆိုထားပါတယ် ။
အရူးမ ခေါင်းစဉ်တပ်ထားတာမို့ သူမရဲ့ ကာမကိုရယူရာမှာ သဘောတူညီချက်ရရ မရရ ၊ အင်အားသုံးမသုံး အမှုကမြောက်နေပါသတဲ့ ။ စိတ်ပိုင်းဆိုင်ရာ ချို့တဲ့သူဖြစ်နေတာမို့ ၊ လူမှုရေးအရ သူမကို ကူညီကာကွယ် ပေးရမယ့်တာဝန်လည်း အလိုလိုရှိ နေတယ်လို့ လည်း ဆိုပါတယ် ။

ဒါ့အပြင် စိတ်ပိုင်း မသန်စွမ်းသူဖြစ်နေတာမို့ မိမိကိုယ်ကို ခုခံကာကွယ်နိုင်စွမ်း ၊ ငြင်းဆန်နိုင်စွမ်း လည်း ချို့တဲ့နေသူမို့ အင်အားမသုံး အကြမ်းမဖက်သည့်တိုင် မသန်စွမ်းသူများဟာ မူလကတည်းက အင်အားချို့တဲ့ နေသူအဖြစ်ကို ရောက်ရှိနေပြီးဖြစ်နေပြီလို့လည်း ဆိုပါတယ် ။

ဒါတင် မကသေးပါဘူး အမှန်အတိုင်း ဆုံးဖြတ်နိုင်စွမ်းလည်း ချို့တဲ့နေတာမို့ သူမ ပေးခဲ့တဲ့သဘောတူညီချက်ကလည်း သဘောတူညီချက်အထမမြောက်ဘူးလို့ ဆိုပါတယ် ။

ဒါ့အပြင် ကာယကံရှင်က အကျိုးအကြောင်း နားမလည်လို့ အမှု တိုင်ကြားခြင်း မပြုသည့်တိုင် ၊ အုပ်ထိန်းသူ သို့မဟုတ် သူမရဲ့ ကောင်းကျိုးကိုလိုလားတဲ့ သို့မဟုတ် သူမ ရဲ့ အကျိုးကို ကာကွယ်ပေးလိုသူ တစ်ဦးဦးက တရားလိုပြုလုပ်ပြီး တိုင်ကြားနိုင်ခွင့်လည်း ရှိနေပါသတဲ့ခင်ဗျား ။

အရူးမပဲ ပေါချောင်ကောင်းဆိုပြီး စိတ်ကူးမလွယ် စိတ်ကူးမလွဲကြစေဖို့ပါ ။

ကလေးသူငယ်ပဲ အရူးမပဲ ဆိုပြီး မလေးမစား မလုပ်ကြစေလိုပါ ၊ သူတို့ရဲ့ အကျိုးလိုလားသူ သို့မဟုတ် သူတို့ကို ကာကွယ်စောင့်ရှောက်ပေးလိုသူ တစ်ဦးဦး ရှိနေတတ်သည်ကို သတိပြု ဆင်ခြင်ကြဖို့ပါ ။

ကဲ ၊ ကျနော့် ညီအစ်ကိုများ စိတ်မနှံတဲ့ ပေါတောတော ကိုရီးယားမများနှင့် နှစ်ပါးသွားလိုလျင်…………………. ။


လေးစားမှုဖြင့်-
ကိုဝိုင်း (မိုးညှင်း)
၂၀၁၅၀၁၀၂

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Thursday, January 1, 2015

DVB Debate:What is the impact of new nationalism?

စီစဉ်တင်ဆက်သူ - ဒီဗွီဘီ

 “ ဒီကနေ့အမျိုးသားရေးဝါဒမှာ ဘာအကျိုးသက်ရောက်မှုတွေရှိနေလဲ” ဆိုသည့်ခေါင်းစဉ်ဖြင့် ၇.၁၂.၂၀၁၄ ရက်နေ့တွင် ဒီဗီဘီ ရုပ်သံသတင်းဌာနမှ ထုတ်လွှင့်ပြသသွားခဲ့သည့် ဒီဗီဘီ ဒီဘိတ်

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Thursday, December 25, 2014

မြန်မာစကားတွင်ပျောက်ကွယ်သွားလုပြီ ဖြစ်သည့် မွေးစားဝေါဟာရများ (အပိုင်း ၂၊ နိဂုံး)

ရေးသားသူ — ခင်မောင်စော (ဘာလင်)




ဃ။ ဗြိတိသျှကိုလိုနီခေတ်ပေါ်ရောပြွန်းထားသော ဝေါဟာရများ

၁။ ဂါတ်တဲ

အင်္ဂလိပ်စကား Guard ကို “ဂါတ် “ဟုအသံလှယ်ထားပြီး မြန်မာစကားလုံး “တဲ” နှင့် ပေါင်းစပ်ထားခြင်း ဖြစ်ပါသည်။ ဗြိတိသျှကိုလိုနီခေတ် ကပုလိပ်ရုံးဟု၎င်း၊ ဟင်ဒူစတန်နီစကားမှလာသော “ဌာနာ”ဟု၎င်း အရပ်သုံးစကားလုံးများပေါ်ခဲ့ပါသည်။ Sub-inspector of Police ကိုအတိုကောက် အက်စ်အိုင်ပီ (S.I.P) ဟူ၌၎င်း၊ မြန်မာဘာသာဖြင့် ရာဇဝတ်အုပ် ဟူ၌၎င်း၊ Inspector of Police ကိုအတိုကောက် အိုင်ပီ (I.P) ဟူ၌၎င်း၊ မြန်မာဘာသာဖြင့်ဌာနာအုပ် ဟူ၌၎င်း ခေါ်ခဲ့ကြသည်။ လွတ်လပ်ရေးရပြီးချိန်က Burma Policeကိုမြန်မာမှုပြုပြီး မြန်မာနိုင်ငံရဲအဖွဲ့၊ “ဌာနာ”ကို ” ရဲဌာန”ဟုပြောင်းကာ အက်စ်အိုင်ပီကို ရဲအုပ်၊ အိုင်ပီကို ရဲမှူး ဟုပြောင်းသော်လည်း အရပ်သုံး စကားတွင်မူ ပုလိပ်ရုံး၊ ဂါတ်တဲ၊ အက်စ်အိုင်ပီ၊ အိုင်ပီ ဟူသောအသုံးများမပျောက်ကွယ်ပါ။

ရဲနှင့်သက်ဆိုင်သော ရုံးသုံး ဝေါဟာရများသည်မြန်မာဘာသာ၌ပြောင်းလဲမှုအများဆုံး ဝေါဟာရများထဲ တွင်ပါသည်။ တော်လှန်ရေးကောင်စီအစိုးရတက်စက ရဲအုပ် (S.I.P) ကို ဒုလုံခြုံရေးမှူး၊ ရဲမှူး (I.P) ကို လုံခြုံရေးမှူး၊ Deputy Superintendent of Police (Dy.S.P) ရဲဝန်ထောက် ကို ဒု ကြီးကြပ်ရေးမှူး၊ District Superintendent of Police (D.S.P) ခရိုင်ရဲဝန်ကို ကြီးကြပ်ရေးမှူး၊ စသည်ဖြင့် အခေါ်ပြောင်း သော်လည်း ၎င်းအခေါ်များသည် ငါး နှစ်ပင်မခံပါ။

မဆလခေတ်တွင် မြန်မာနိုင်ငံရဲအဖွဲ့ကို ပြည်သူ့ရဲတပ်ဖွဲ့ ဟုအမည်ပြောင်းပြီး ဂါတ်တဲကို ရဲစခန်းဟု၎င်း၊ Police Constable (PC) or Policeman ရဲသားကို ရဲတပ် သား ဟု၎င်း၊ High Constable (HC) ရဲကြပ်ကို ရဲတပ်ကြပ်ဟု၎င်း၊ Sub-inspector of Police (S.I.P)ကို ရဲအုပ် မှ ဒုရဲအုပ် ဟု၎င်း၊ Inspector of Police အိုင်ပီ (I.P) ကို ရဲမှူး မှ ရဲအုပ်ဟု၎င်း၊ Deputy Superin-tendent of Police (Dy.S.P) ကို ရဲဝန်ထောက်မှ ဒုရဲမှူး ဟု၎င်း၊ District Superintendent of Police (D.S. P) ခရိုင်ရဲဝန်ကို ရဲမှူး (Police Major) ဟု၎င်း၊ Deputy Commissioner of Police လက်ထောက် ရဲမင်းကြီးကို ဒုရဲမှူးကြီး (Police Lt. Colonel) ဟု၎င်း၊ Commissioner of Police ရဲမင်းကြီး ကို ရဲမှူးကြီး (Police Colonel) ဟု၎င်း၊ ပြောင်းခေါ်ကာ စစ်တပ်ပုံသွင်းသည်။ နဝတခေတ် Burma မှ Myanmar သို့ ပြောင်းချိန်မှပြီး Myanmar Police ဟုအင်္ဂလိပ်လိုခေါ်တွင်စေပြီး မြန်မာဘာသာဖြင့် မြန်မာနိုင်ငံရဲတပ်ဖွဲ့ ဟုခေါ်သော်လည်း ရာထူးအခေါ်အဝေါ်များ၊ ရဲစခန်းစသည်တို့ကိုမူ ဆက်သုံးသည်။

စခန်းသည်ခေတ္တကွန်းခိုရာသာဖြစ်သည်။ အမြဲနေရသည့်နေရာမဟုတ်ပါ။ ခဏနားပြီးရှေ့ဆက်ရပါမည်။ “ကျိုက်ထီးရိုးဘုရားအတက် ရေမြောင်ကြီးစခန်းမှာနားမယ်” ဟု ကျိုက်ထီးရိုးဘုရားဖူးများပြောလေ့ရှိ သည်။ “စစ်ဆင်တွေ တသီတတန်းနဲ့ စစ်စခန်းချရာမြေ”ဟုပြည်လှဖေ၏ နတ်ရှင်နောင်သီချင်းတွင်လည်း ပါပါသည်။ မှန်ပါသည်။ ရှေ့သို့ဆက်၍စစ်ချီရပါဦးမည်။ စခန်းသည် စစ်တပ်၊ စစ်ပုလိပ်တပ်၊ စစ်ရဲတပ်များ အတွက်မှန်သော်လည်း ပုလိပ် (ဝါ) ရဲ အတွက်မှာ မမှန်၊ မဆီလျော်ပါ။ အင်္ဂလိပ်စကားတွင် camp သည် စခန်းဖြစ်သည်။ Police Camp ဟုမသုံးဘဲ Police Station ဟုသာသုံးပါသည်။ လမ်းမတော် ပုလိပ်ရုံး၊ အလုံဂါတ်တဲ၊ ကမာရွတ်ဌာနာ၊ ပုစွန်ထောင်ရဲဌာန၊ စသည်တို့မှာ အင်္ဂလိပ်ခေတ်မှယနေ့တိုင် အနှစ်တ ရာခန့် အတည်တကျ အမြဲနေနေခဲ့ရသည့်နေရာဖြစ်ပါသည်။ ခေတ္တကွန်းခိုရာစခန်းမဟုတ်ပါ။ မဆလ ခေတ်မှစ၍ ဌာနတိုင်းကိုစစ်ပုံသွင်းကာ စက်ရုံလက်ထောက်အင်ဂျင်နီယာကို အလုပ်ရုံခွဲမှူး (တပ်ခွဲမှူးကိုတု ထား) စသည်တို့လုပ်လာရာမှ မြန်မာစာနှင့်စကားလည်းပျက်ကာ ရဲစခန်း ဖြစ်လာရလေတော့၏။

၂။ စက်ရှင်မင်းကြီး

အင်္ဂလိပ်စကား Session Judgeကို “စက်ရှင် “ဟုအသံလှယ်ထားပြီး မြန်မာစကားလုံး “မင်းကြီး” နှင့် ပေါင်းစပ်ထားခြင်းဖြစ်ပါသည်။”မင်းကြီး”ဟုခေါ်ထားသော်လည်း အမှန်တွင် ဗြိတိသျှကိုလိုနီခေတ်က Session Judge များသည် ရာထူးအဆုံးတွင် “ဝန်” သို့မဟုတ် “အရေးပိုင်”ထည့်ခေါ်သော ခရိုင်အဆင့် အရာရှိသာဖြစ်သည်။ ဥပမာ၊ သစ်တောဝန် (ဝါ) သစ်တောအရေးပိုင်။ ရာထူးအဆုံးတွင် “မင်းကြီး”ထည့် ခေါ်ရသော တိုင်းအဆင့် အရာရှိမဟုတ်ချေ။

၃။ ကော်မရှင်နာမင်းကြီး

အင်္ဂလိပ်စကား Commissionerကို “ ကော်မရှင်နာ “ဟုအသံလှယ်ထားပြီး မြန်မာစကားလုံး “မင်းကြီး” နှင့် ပေါင်းစပ်ထားခြင်းဖြစ်ပါသည်။ မြန်မာလို “တိုင်းမင်းကြီး” ဟုဘာသာပြန်ကြပါသည်။ ထို့ကြောင့် Commissioner of Police ကို တိုင်းရဲမင်းကြီး ဟုခေါ်ခဲ့ကြသည်။

၎။ စစ်ပုလိပ်

မြန်မာစကား “စစ်” နှင့် အင်္ဂလိပ်စကား Policeကို “ပုလိပ်”ဟု အသံလှယ်ထားပြီးပေါင်းစပ်ထားခြင်းဖြစ် ပါသည်။ မူရင်းအင်္ဂလိပ်စကားမှာ Paramilitary Police Force ဖြစ်သည်။ စစ်တန်းလျားတွင်နေရပြီး စစ် တပ်သဖွယ်တာဝန်ထမ်းရသော လက်နက်ကိုင်ပုလိပ်တပ်ဖြစ်သည်။ ဗြိတိသျှကိုလိုနီခေတ်တွင် စစ်ပုလိပ် များ၏ ၈၀%ခန့်မှာ ကုလားများဖြစ်သည်။ မြန်မာပြည်တွင်သာမက အာဖရိကတိုက်ရှိ ဗြိတိသျှ ကိုလိုနီ နိုင်ငံတိုင်း၌ တော်လှန်ရေးများ၊ သပိတ်၊ ဆန္ဒပြပွဲများကို ကုလားများဖြင့်ဖွဲ့ထားသော စစ်တပ်၊ စစ်ပုလိပ် တပ်၊ ပုလိပ်များဖြင့် နှိမ်နင်းခဲ့သဖြင့် ယနေ့တိုင် ၎င်းနိုင်ငံများတွင် တိုင်းရင်းသားများက ကုလားများကို မနှစ်သက်ကြပေ။

နိုင်ငံတိုင်း၌ ကြည်းတပ်၊ ရေတပ်၊ လေတပ်၊ ကမ်းတက်တပ်တို့သည် ကာကွယ်ရေးဝန်ကြီးဌာနအောက် တွင်ရှိပြီး စစ်ပုလိပ်တပ်နှင့်အလားတူ လက်နက်က်ိုင်များမှာ ပြည်ထဲရေးဝန်ကြီးဌာနအောက်တွင်ရှိသည်။ မြန်မာပြည်တွင် ဖဆပလ အစိုးရခေတ်က ပြည်ထဲရေးဝန်ကြီးဌာနအောက်တွင် အတိုကောက် ယူအမ်ပီ U.M.P ဟုခေါ်သည့် Union Military Police Force ပြည်ထောင်စု စစ်ရဲတပ်၊ အရပ်သုံးစကားတွင် လဲဗျီး (Levies) ဟုခေါ်သည့် စစ်ဝန်ထမ်းတပ်၊ အတိုကောက် ဘီတီအက်ဖ် (B.T.F) Burma Territorial Force ခေါ် ဗမာ့နယ်စပ်စောင့်တပ်၊ ပျူစောထီး ဟုခေါ်သည့် ကာကွယ်ရေးတပ်များရှိခဲ့ဘူးသည်။ တပ်အားလုံး ပေါင်းလိုက်လျှင်ကြည်းတပ်ရှိတပ်သားဦးရေနီးပါးရှိခဲ့သည်။ ၎င်းတပ်များတွင် တပ်ရင်း ၂၅ ရင်းရှိသော ယူအမ်ပီ U.M.P ဟုခေါ်သည့် ပြည်ထောင်စု စစ်ရဲတပ်သည် အင်အားအကြီးဆုံးဖြစ်ပြီး စက်သေနတ်များ၊ သံချပ်ကာကားများ (Armoured Cars) နှင့်စိန်ပြောင်းများအထိရှိခဲ့သည်။

ဖဆပလ အစိုးရခေတ်ကောင်း စဉ်က ကျားကြီးဦးဗဆွေ ၊ ဦးကျော်ငြိမ်း၊ ဗိုလ်ခင်မောင်ကလေး၊ စသောဆိုရှယ်လစ်ခေါင်းဆောင်များက ၎င်း၊ ဗိုလ်မှူးအောင်၊ ဗိုလ်မင်းခေါင်စသော ရဲဘော်သုံးကျိပ်ဝင်ဝန်ကြီးများက၎င်း၊ စစ်တပ်ကတနေ့အာဏာ သိမ်းရန်ကြံခဲ့သော်ကာကွယ်နိုင်ရန် ပြည်ထောင်စုစစ်ရဲတပ်ကိုတိုးချဲ့ခဲ့သည်။ အရပ်သားများက စစ်ရဲတပ် သားများနှင့်ဗိုလ်များကို စစ်သား၊ စစ်ဗိုလ်ဟုသတ်မှတ်ထားသော်လည်း ကြည်းတပ်သားးများနှင့် ဗိုလ်များ ကမူ စစ်တပ်မဟုတ်၊ ပုလိပ်တပ်ဟုသတ်မှတ်ထားပြီးနှိမ်လေ့ရှိသည်။ စစ်ရဲတပ်သားများနှင့်ဗိုလ်များက လည်း ဖဆပလ အစိုးရအားကိုးနှင့်ပြန်တွယ်တတ်ကြ၍ ဘောလုံးပွဲ၊ လက်ဝှေ့ပွဲစသည်တို့ တွင် အသင်း နှစ်သင်းဆုံတွေ့ကြလျှင် ကြည်းတပ်သားများနှင့်စစ်ရဲတပ်သားများ ရန်ဖြစ်လေ့ရှိပြီး ထိုးပွဲ၊ ရိုက်ပွဲများဖြစ် တတ်သဖြင့် နှစ်တပ်လုံးမှတပ်ထိန်းများ၊ တပ်ရဲများ အထူးစောင့်ကြပ်ရသည်။

အိမ်စောင့်အစိုးရလက်ထက်၌ စစ်ဝန်ထမ်းတပ်များနှင့်ဘီတီအက်ဖ်များကို ကြည်းတပ်ထဲသို့ပေါင်းထည့် လိုက်သည်။ ပျူစောထီးတပ်ကိုလည်း “အရံရဲ” အဖြစ်ပြန်လည်ဖွဲ့စည်းလိုက်သည်။ ကြည်းတပ်မှ ဗိုလ်မှူး ကြီးမင်းသိန်းကို စစ်ရဲမင်းကြီး ခန့်ပြီး U.M.P ဟုခေါ်သည့် Union Military Police Force ပြည်ထောင်စု စစ်ရဲတပ်ကို ပြည်စောင့်ရဲတပ် Union Constabulary ဟုအမည်ပြောင်းလိုက်သည်။ စစ် (Military) ပါသောအမည် မထားလို၍ဖြစ်ဟန်ရှိသည်။ စစ်ရဲတပ်သားများနှင့် ဗိုလ်များက ကြည်းတပ်က သူတို့ကို လာပြီးဗိုလ်ကျသည်ဟုယူဆကာ မကြေနပ်ကြပေ။ စစ်ရဲတပ်မှအရာရှိ အချိ့ကို ၁၉၅၈ ခု အိမ်စောင့် အစိုးရမတက်နိုင်စေရန် ကြည်းတပ်ကိုတိုက်ရန်ကြံသည် ဆိုပြီးရုံးတင်စစ်ဆေးသည်။ သန့်ရှင်းဖဆပလ အစိုးရခေတ်က ပြည်ထဲရေးဝန်ကြီး ရဲဘော်သုံးကျိပ်ဝင် ဗိုလ်မင်းခေါင်ကို အရေးယူလို၍ဖြစ်သည်။ တည် မြဲဖဆပလဘက်ယိမ်းသော အထောက်တော်ဦးအုန်းမြင့်က “ခက်ဖွယ် ရယ်ကြုံပါတယ်။ လက်နက်ကယ် စုံအညီနဲ့” အမည်ဖြင့်စာအုပ်ရေးသားထုတ်ဝေသည်။ ၎င်းအမှုမပြီးမီ ရွေးကောက်ပွဲ၌ သန့်ရှင်းဖဆပလ အနိုင်ရပြီး ဗိုလ်မင်းခေါင် ပြည်ထဲရေးဝန်ကြီးပြန်ဖြစ်သဖြင့် အမှုပြီးသွားသည်။

နောက်ပိုင်းတွင် ကြည်း တပ်မှ ဗိုလ်မှူးကြီးတန်ယုဆိုင် ပြည်စောင့်ရဲတပ်မှူးချုပ်ဖြစ်လာသည်။ ၁၉၆၂ မတ်လ စစ်တပ်က အာဏာ သိမ်းပြီးအောက်တိုဘာလဆန်းတွင် ပြည်စောင့်ရဲတပ် Union Constabulary ကိုဖျက်သိမ်းကာ တပ် ရင်းပေါင်းအစိတ်လောက်ကို ကြည်းတပ်ထဲသို့ပေါင်းထည့်လိုက်သည်။ ပြည်စောင့်ရဲတပ်မှ ဒုဗိုလ်မှူးကြီး အဆင့်ရှိသူများကို ကြည်းတပ်၌ဗိုလ်မှူး၊ ပြည်စောင့်ရဲတပ်မှ ဗိုလ်မှူးအဆင့်ရှိသူများကို ကြည်းတပ်၌ ဗိုလ်ကြီး၊ ပြည်စောင့်ရဲတပ်မှ ဗိုလ်ကြီး အဆင့် ရှိသူများကို ကြည်းတပ်၌ဗိုလ်၊ စသည်ဖြင့် ရာထူးတဆင့် စီချလိုက်သော်လည်း ပြည်စောင့်ရဲတပ်မှဗိုလ်နှင့် အောက်တပ်သားအဆင့်အထိကိုမူ မူလရာထူးအတိုင်း လွှဲပြောင်းလက်ခံသည်။

၅။ ဒေါက်ကတ်လှည်း

အင်္ဂလိပ်စကား Dog Cartကို “ ဒေါက်ကတ်”ဟု အသံလှယ်ထားပြီး မြန်မာစကားလုံး”လှည်း” နှင့် ပေါင်းစပ်ထားခြင်းဖြစ်ပါသည်။ ” ဒေါက်ကတ်”ဟုခေါ်ထားသော်လည်း အမှန်တွင် မြင်းဆွဲသောလှည်း သာဖြစ်သည်။ ခွေးဆွဲသောလှည်းမဟုတ်ပါ။ အင်္ဂလိပ်အဘိဓာန်က “a light, two-wheeled, horse-drawn vehicle for ordinary driving, with two transverse seats back to back, and originally having a box under the rear seat for carrying a dog.” ဟုအနက်ပေးထားပါသည်။ ဆရာကြီးရွှေ ဥဒေါင်း၏ဝထ္ထုများတွင် ဒေါက်ကတ်လှည်းဆိုသောစကားလုံး ပါလေ့ရှိသည်။

၆။ ပလိပ်ရောဂါ

အင်္ဂလိပ်စကား Plagueကို “ပလိပ်”ဟုအသံလှယ်ထားပြီး ပါဠိမှမွေးစားထားသည့် မြန်မာစကားလုံး “ရော ဂါ ” နှင့် ပေါင်းစပ်ထားခြင်းဖြစ်ပါသည်။ ကြွက်များမှတဆင့် လူများထံကူးစက်တတ်သည့်ကပ်ရောဂါဖြစ် သည်။ မြန်မာအသံထွက်တွင် “ပုလိပ်” (police) နှင့်တူနေသဖြင့် ရဲအဖွဲ့ဝင်ဖြစ်နေသောသူငယ်ချင်းကို “ဟေ့ကောင်၊ မင်းပလိပ်ဖြစ်နေတယ်ဆို” ဟူသော အဓိပ္ပါယ်နှစ်ခွထွက်သည့်မေးခွန်းဖြင့်နောက်လေ့ရှိ သည်။

င။ ဘန်းစကားများ

၁။ နတ်သမီး

အင်္ဂလိပ်ခေတ်ကစ၍ ပြည်သူပိုင်သိမ်းအပြီး ၆၇ခုလောက်အထိ နတ်သမီးတံဆိပ်ပါသော သစ်သားမီးချစ် များရှိခဲ့သည်။ ဘူးခွံစက္ကူနီပေါ်၌ နတ်သမီးရုပ်ကလေးနှင့် “ဥတုသုံးပါးခံသည်” ဟုရေးထား၏။ မိုးဥတု၌ အစိုမပြန်၊ ဆောင်းရာသီတွင် အေးသော်လည်းမီးတောက်လွယ်သည်။ နွေဥတု၌ပူပြင်းသော်လည်း မိမိ အလိုအလျောက် မီးထမတောက်နိုင်ပါ ဟုဆိုလိုသည်။ သို့ရာတွင်ကာလသားများက “ဥတုသုံးပါးခံသည်” ဆိုသည့်စကားကို ကိုယ်လိုရာဆွဲတွေးပြီး ” ပြည့်တန်ဆာ”ကို “နတ်သမီး” ဟုဘန်းစကား၌ခေါ်ကြသဖြင့် “နတ်သမီး”ဟူသောဘန်းစကားပေါ်လာသည်။

၂။ ဂျစ်လေဒီ

ဂျပန်ခေတ်ပြီးစ အင်္ဂလိပ်တပ်များဝင်လာချိန်ကပေါ်ခဲ့သောဘန်းစကားဖြစ်သည်။ မြန်မာများထွင်သော အင်္ဂလိပ်ဝေါဟာရ Jeep Lady ကို “ဂျစ်လေဒီ” ဟု အသံလှယ်ထားခြင်းဖြစ်ပါသည်။ မဟာမိတ်တပ်များ က စစ်ဗိုလ်များ Jeep ဂျစ်ကားစီးချိန်ဖြစ်သဖြင့် ၎င်းစစ်ဗိုလ်များနှင့်ပေါင်း၍ ဂျစ်ကားစီးပြီး ခန္ဓာကိုယ်နှင့် ရင်းကာ “ပိုက်ဆံရှာ”သည့်မိန်းမဟုအဓိပ္ပါယ်ရသော Jeep Lady ဂျစ်လေဒီ ဆိုသည့် ဘန်းစကားပေါ် ခဲ့သည်။

၃။ “ပြည်တော် သာသွားပြီ”

ဖဆပလ အစိုးရခေတ်က “ပြည်တော်သာ”စီမံကိန်းကိုအစွဲပြု၍ပေါ်လာသောစကားဖြစ်သည်။ ပြည်တော် သာကား၊ ပြည်တော်သာတိုက်၊ ပြည်တော်သာကျောင်း ဆိုသည့်စကားလုံးများပေါ်ခဲ့ပါသည်။ “ပြည်တော် သာသွားပြီ” ဟူသောဘန်းစကားလည်းပေါ်လာသည်။ အဆင်ပြသွားပြီ၊ ဇိမ်ကျသွားပြီ ဟုဆိုလိုသည်။ ဥပ မာ။ “ဒီငနဲနဲ့ငတိမ အစကမိဘသဘောမတူဘူးဆို၊ အခုတော့ “ပြည်တော်သာသွားပြီ” ပါလား။

၎။ ကာတစ်နှင့်ဝါဟစ်

ဗြိတိသျှကိုလိုနီခေတ်ကပေါ်ခဲ့သောမန္တလေးသုံးဘန်းစကားများဖြစ်သည်။ ဗြိတိသျှကိုလိုနီခေတ်က မန္တလေးမြို့လယ်၌ ကာတစ် (Curtis) ဆိုသူ၏ဆေးဆိုင်ရှိပြီး ဆေးဖေါ်သည့်ဆုံပုံနှင့် ကာတစ်ဆေးဆိုင် (Curtis Pharmacy)ဆိုသောဆိုင်းဘုတ်ကြီးရှိရာကာလသားများကကိုယ်လိုရာဆွဲတွေးပြီး မိန်းမတင်ပဆုံ ကို “ကာတစ်”ဟုဘန်းစကား၌ခေါ်ကြသည်။ ကာတစ်ဆိုသူ၏ဆေးဆိုင် နှင့်ကပ်လျက်တွင် “ဝါဟစ်” (Wahid) ဆိုသည့်ကုလားဆိုင်ရှိရာ ကာလသားများက မိန်းမရင်သားကို “ဝါဟစ်”ဟုဘန်းစကား၌ ခေါ်ကြလေတော့သည်။”ဒီစမူ ကာတစ်ရော ဝါဟစ်ပါ တယ်ဖြိုးပါလား” ဆိုသောဗြိတိသျှကိုလိုနီခေတ်က ပေါ်ခဲ့သောမန္တလေးသုံးဘန်းစကားသည်၎င်း၊ သဘင်သည်ဆိုင်းသမားများသုံးသော “ဘွဲ့ရော စည်ရော ကိတ်တယ်” ဆိုသောဘန်းစကားသည်၎င်း၊ ယခုခေတ်လူငယ်များသုံးနေကြသည့် “ဘီရာဂျီပါ အိုကေဘဲ” ဆိုသောဘန်းစကားသည်၎င်း၊ အနက်တူပင်ဖြစ်သည်။

၅။ ၇ မိုင်ခွဲရောက်နေပြီ

ရန်ကုန်မြို့ ရှစ်မိုင်တံတားလေးအရပ်တွင် စိတ္တဇဆေးရုံ (အရပ်အခေါ်”အရူးထောင်)ရှိသဖြင့် တယောက် ယောက်ကို “ကြောင်နေပြီ၊ ရူးတော့မယ်။ စိတ္တဇဆေးရုံရောက်ဖို့နီးနေပြီ”စသည်ဖြင့်နောက်လိုသောအခါ “သူကတော့ ၇ မိုင်ခွဲရောက်နေပြီ ” ဟုပြောလေ့ရှိသည်။ ရန်ကုန်သုံးဘန်းစကားဖြစ်သည်။

၆။ ယူပြန်ဘီတပ်

ဖဆပလ အစိုးရခေတ်က အတိုကောက် ယူအမ်ပီ U.M.P ဟုခေါ်သည့် Union Military Police Force ပြည်ထောင်စု စစ်ရဲတပ်ရှိခဲ့သည်။ စစ်ရဲတပ်များမှာ ဖဆပလ အစိုးရအဖွဲ့ဝင် ဆိုရှယ်လစ်ပါတီ၏ ခါးပိုက် ဆောင်တပ်များဟု နာမည်ကြီးသည်။ တက္ကသိုလ်ကျောင်းသားသမဂ္ဂ ရွေးကောက်ပွဲများ၌ “တပ်ဦး” က အမြဲနိုင်ကာ ဆိုရှယ်လစ်များထောင်ပေးသည့် “ရဲခေါင်”ကို ကျောင်းသားထုကြီးကမကြိုက်ကြ။ ထို့ကြောင့် ကျောင်းသားသပိတ်များ၊ ဆန္ဒပြပွဲများကို ပြည်ထဲရေးဝန်ကြီး ဗိုလ်ခင်မောင်ကလေးကိုယ်တိုင် စစ်ရဲများ ကိုဦးစီးပြီးဖြိုခွဲကာ စစ်ရဲတပ်ဌာနချုပ်၌ ကျောင်းသားစစ်ဆေး ညှင်းဆဲရေးစခန်းဖွင့်လှစ်လေ့ရှိကြောင်း စာရေးဆရာမကြီးဒေါ်ခင်ဆွေဦး၏ဝတ္ထုအချို့တွင်ပါပါသည်။

သင်္ကြန်အချိန်တွင် တက္ကသိုလ်နှင့် ကျောင်း ပေါင်းစုံကျောင်းသားတို့ သည် ယခုခေတ် ပြည်သူ့ ဥယျာဉ်ဖြစ်နေသည့် ပြည်ထောင်စုစစ်ရဲတပ်ဌာနချုပ် ရှေ့သို့သွားပြီး စစ်ရဲတပ်၏ အင်္ဂလိပ်အမည်မှာ Union Military Police (UMP) ဖြစ်သဖြင့် မြန်မာသံဖြင့် “ယူအမ်ပီ” ဟု မခေါ်ဘဲ အဓိပ္ပါယ်ဖြင့် “ယူပြန်ဘီ” တပ်ဟုခေါ်ကာ “ယူပြန်ဘီတပ်လာမယ်ဆို၊ သမီးပျို လေးတွေ တခြားရွာတွေ မြန်မြန်ပို့ကြ။ ယူပြန်ဘီတပ်ပြန်သွားရင်၊ ထဘီစုတ်မကျန်သယ်သွားဆိုဘဲ” စသည့်သံချပ်များထိုးကာ သရော်လေ့ရှိပါသည်။

၇။ စစ်ပုလိပ်ရောဂါ၊ ယူပြန်ဘီနာ

အင်္ဂလိပ်စကား ဆစ်ဖလစ် syphilis ကို “စစ်ပုလိပ်”ဟုအသံလှယ်ထားပြီး ပါဠိမှမွေးစားထားသည့် မြန်မာစကားလုံး “ရောဂါ ” နှင့် ပေါင်းစပ်ထားခြင်းဖြစ်ပါသည်။ ဗြိတိသျှကိုလိုနီခေတ်တွင် စစ်ပုလိပ်များ ကို ချဉ်နေသူများ က ချိုးနှိမ်သည့်သဘောနှင့်ထွင်ခဲ့ဟန်ရှိပါသည်။ ၎င်းကာလသားရောဂါအကြောင်း သုတေသနစခဲ့သူ အီတလီဆရာဝန် Giovanni Fracastoro (1478-1553) က ထိုရောဂါကို “ပြင်သစ် ရောဂါ၊ ပြင်သစ်နာ”ဟု ချိုးနှိမ်ခေါ်ခဲ့သည့်သဘောမျိုးပါပေ။ ဖဆပလ အစိုးရခေတ်က စစ်ပုလိပ်တပ်သည် ယူအမ်ပီဟုခေါ်သည့် စစ်ရဲတပ်ဖြစ်ပြီး ၎င်း”ယူပြန်ဘီတပ်”မှာလည်းကျောင်းသားထုကြီး၏ “ချဉ်ဖတ်” ဖြစ် ရကား ကျောင်းသားများ က “စစ်ပုလိပ်ရောဂါ” ခေါ် ဆစ်ဖလစ်ကို “ယူပြန်ဘီနာ”ဟု အမည်သစ်ထွင်ပေး လိုက်ကြတော့၏။ သူငယ်ချင်းတယောက်ယောက်နေမကောင်း၍ တက္ကသိုလ်ဆေးရုံသို့သွားလျှင် “ယူပြန် ဘီနာရလို့ ဒီကောင် ပင်နီစလင်သွားထိုးရပြီထင်တယ်”ဟုနောက်လေ့ရှိသည်။ တက္ကသိုလ်ကျောင်းသား သုံးဘန်းစကားဖြစ်သည်။

၈။ “ခွန်နစ်ပဲ”

မြန်မာပြည်တွင် ၁၉၅၃ ခုနှစ် ပြားတရာတကျပ် စနစ်သို့မပြောင်းမီက မူး၊ပဲများသုံးနေသေးရာ အတို အားဖြင့် သုံးကျပ်ခြောက်မူးတပဲကို ၃ိ ၆ူး ၁ဲ ဟုရေးကြသည်။ “ရဲ” စာလုံးပေါင်း မှာ ခွန်နစ်ပဲ အတိုအားဖြင့် ၇ဲ နှင့်အလွန်ဆင်သဖြင့် ပုလိပ်ခေါ်ရဲကို ဘန်းစကား၌ “ခွန်နစ်ပဲ” ဟုခေါ်လေ့ရှိခဲ့သည်။

၉။ “တိုးတိုးသား”

ဦးနုခေတ်က ကျွဲနွားသတ်ခွင့်၊ အမဲသားရောင်းခွင့်တို့ကို တရားဝင်ပိတ်ပင်ထားပါသည်။ သို့သော် အမဲ သားခိုးပေါ်ပြီး ဝယ်သူကလည်းတိုးတိုးမေးရကာ ရောင်းသူကလည်းတိုးတိုးဖြေရပြီး လျှိ့ဝှက်ရောင်းဝယ် သော “မှောင်ခိုဈေး”လုပ်ကြသဖြင့် “တိုးတိုးသား” ဟုခေါ်ခဲ့သည်။ “အမဲသားမပေါ်ရ၊ နွားသားပေါ်ကြ သည်။ ကုလားစု၌ခိုးပေါ်သည်။ “တိုးတိုးသား”ဟုခေါ်ပါသည်။ တပ်ထဲမှတော့ပြောင်ပေါ်သည်။ ဘုရား အလောင်းကြီး မျက်စေ့မှိတ်ကာပုတီးစိတ်နေ၏။ ဒါပေမဲ့ပြည်တော်သာပါသည်”။ ဆိုသောပြက်လုံးလည်း ခေတ်စားခဲ့ပါသည်။

၁၀။ ဇိမ်မယ်

ပြည့်တန်ဆာကို “ဇိမ်မယ်” ဟုဘန်းစကား၌ခေါ်ကြသည်။ ရန်ကုန်သုံးဘန်းစကားဖြစ်သည်။ အခြားအရပ် တွင်နေသူများ ၎င်းဘန်းစကားကို မသိသူ များ၏။

တခါက တောမှရန်ကုန်သို့ ပထမဆုံးအကြိမ်ရောက်လာသူ လူရိုးကြီးတယောက်သည် ဗိုလ်ချုပ်ဈေးထဲ၌ ခေတ်မီမှန်လုံကားကလေးကို ကိုယ်တိုင်မောင်းပြီး ဈေးဝယ်လာသူ ခပ်ချောချောမိန်းမရွယ်တယောက် က်ိုမြင်လေရာ သူ့အဖော်တောသူတောသားများအား ထိုမိန်းမရွယ်ကို လက်ညှိုးထိုးပြကာ “မမြင်ဘူးရင် ကြည့်ထားကြ၊ ဇိမ်မယ်ဆိုတာ ဒီိမိန်းမလို ဝတ်စားသွားလာနေထိုင်တာ” ဟုပြောလိုက်ရာ ထိုမိန်းမရွယ် လည်း အလွန်ဒေါသထွက်သွားပြီး ပုလိပ်ခေါ်ကာ အသရဖျက်မှုနှင့်တရားစွဲရန် တိုင်တော့၏။ ပုလိပ်က ထိုတောသားလူရိုးကြီးအား အဘယ့်ကြောင့် ဂုဏ်သိက္ခာရှိ အမျိုးကောင်းသမီးအား ” ဇိမ်မယ်” ဟုယိုး စွပ်ရကြောင်းမေးသောအခါ “ဒီလောက်စည်းစိမ်နဲ့နေရတဲ့မိန်းကလေးဟာ ဇိမ်ရှိတဲ့ဘဝရောက်နေတာ ကြောင့် ကျုပ်က “ဇိမ်မယ်” လို့ပြောမိတာ ကျုပ်ဘာမှားလို့လဲဗျာ။ ခုတော့နေရင်းထိုင်ရင်းရုံးရောက်၊ ဂါတ် ရောက် ဖြစ်ရတော့မယ်။ဒါကြောင့် ဆရာစိန်ကတော့ “ထိပ်ခတ်၊ ကြိုးချည် ခံရကိန်းရှိတယ်လို့ ဟောလိုက် သားဘဲ” ဟုပြောလိုက်မှ ပုလိပ်က “ဦးကြီးကတောသား လူရိုးကြီးမို့ မသိသေးဘူးထင်ပါရဲ့။ ရန်ကုန်မှာ ဇိမ်မယ် ဆိုတာ ပြည့်တန်ဆာမ ကို ခေါ်တာဟုတည့်တည့်ပြောလိုက်မှ “အမယ်လေးဗျာ၊ ဇိမ်မယ် ဆိုတာ ဖာသယ်၊ ကန်တော့ပါရဲ့ သူငယ်မရယ်” ဟုထိုင်ရှိခိုးတော့မလို တောင်းပန်နေလေတော့ရာ မိန်းမရွယ်မှာ လည်း “ငိုအားထက် ရယ်အားသန်”ဆိုသကဲ့သို့ဖြစ်သွားပြီး တရားမစွဲနိုင်ဘဲ ခွင့်လွှတ်လိုက်ရလေတော့ သည်ဟူ၏။

ဇာတိ၊ ဇရာ၊ ဗျာဒိ၊ မရဏာဆိုသောစကားအတိုင်း နုပျိုရာမှအိုမင်းရင့်ရော်ကာကွယ်လွန်ကြပြီး လူဟောင်း များနေရာသို့လူသစ်များရောက်ရှိလာသည့်နည်းတူ၊ ဝေါဟာရအသစ်များက အဟောင်း များနေရာသို့ ဝင်ရောက်လာခြင်းမှာလည်းဓမ္မတာဖြစ်ပါသည်။ လက်ရှိသုံးနေဆဲဘာသာစကားတိုင်း (living languages) မှာ အမြဲအစဉ် ဝေါဟာရ ပြောင်းလဲမှုများ ရှိခဲ့သည်၊ ရှိနေသည်၊ နောင်လည်းရှိနေဦးမည်ဆိုသည့်အချက် အတိုင်း ကောင်းသော ဝေါဟာရပြောင်းလဲမှုများကိုလက်ခံရမည်ဖြစ်သကဲ့သို့ပင် အဆိုးဘက်နွယ်သော ဝေါဟာရပြောင်းလဲမှုများကိုတော့ လက်မခံသင့်ပါ။ ဘန်းစကားဆိုသည်မှာတခေတ်ဟောင်း၍ တခေတ် ပြောင်းသည်နှင့်အတူ ပျောက်ကွယ်သွားလေ့ရှိပါသော်လည်း စကားပုံများမှာမူထိုသို့ဖြစ်လေ့မရှိပါ။

ကိုးကားသောကျမ်းများ။
၁။ လှသမိန်၊ မြန်မာစာအဆီအနှစ်၊ ပညာအလင်းပြတိုက်၊ ရန်ကုန်၊ ၁၉၆၆
၂။ လှသမိန်၊ မြန်မာစာအရသာ၊ ပညာအလင်းပြတိုက်၊ ရန်ကုန်၊ ၁၉၆၈
၃။ လှသမိန်၊ မြန်မာဘန်းစကားများ၊ ပညာအလင်းပြတိုက်၊ ရန်ကုန်၊ ၁၉၆၇
၎။ မြန်မာစာအဖွဲ့၊ မြန်မာအဘိဓာန်၊ ရန်ကုန်၊ ၁၉၈၇
၅။ မြန်မာစာအဖွဲ့၊ Myanmar English Dictionary, ရန်ကုန်၊ ၁၉၉၃
၆။ Gehard Naumann, Le Francှais Pratique, VEB Verlag Enzyklopaedie, Leipzig, 1980
၇။ Gisela Liebold, Harald Liebold, Woerterbuch Deutsch -Franzoesisch, VEB Verlag Enzyklopaedie, Leipzig, 1983
၈။ Patricia Forbes and Margaret Ledésert, French-English, English-French Dictionary, George G. Harap & Co. Ltd. London, 1977
၉။ U Tin Htway, Word-Borrowing and Word-Making in Burmese Language, South Asian Digest of Regional Writing, Vol. 4: Essays on Transliteration, University of Heidelberg, Germany, 1975

မှတ်ချက်။ ကဝိလက္ခဏာသတ်ပုံကျမ်းလာ သတ်ပုံသတ်ညွှန်းများကိုသာသုံးထားပါကြောင်း။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Tuesday, December 23, 2014

မြန်မာစကားတွင်ပျောက်ကွယ်သွားလုပြီ ဖြစ်သည့် မွေးစားဝေါဟာရများ (အပိုင်း ၁)

ရေးသားသူ — ခင်မောင်စော (ဘာလင်)




မြန်မာတို့အတွက် အခြားဘာသာများမှစကားလုံးများကို မွေးစားစကားလုံးများတီထွင်ခြင်းသည် အဆန်း မဟုတ်ပါ။ ရှေးပဝေဏီကပင် ပါဠိ၊ သင်္သကရိုက် စကားလုံးများကို မွေးစားဝေါဟာရများတီထွင်ခဲ့ကြပါ သည်။ ပုဂံခေတ်တွင်မွန်ဘာသာမှ မွေးစားသောစကားလုံးများပေါ်လာသည်။ ဟံသာဝတီဆင်ဖြူများရှင် (ဘုရင့်နောင်)နှင့်ကုန်းဘောင် ဆင်ဖြူရှင် (မြေဒူးမင်း)တို့လက်ထက်တွင် ယိုးဒယားကိုအောင်နိုင်ပြီးသုံ့ပန်း များခေါ်လာခဲ့ရာမှ ယိုးဒယားဘာသာမှ မွေးစားသော စကားလုံးများပေါ်လာသည်။ သုခုမအနုပညာ၊ သ ဘင် စသည်တို့တွင် ဖိန်းချားသီချင်းစသည့် ယိုးဒယားဘာသာမှ အသံဖလှယ်ပြီး မွေးစားသော စကားလုံး များပေါ်လာသည်။ စားဖွယ်တို့တွင်လည်း မုန့်လုပ်ဆောင်းသည် ယိုးဒယားစကား လုပ်ဆောင်း (ကြမ်း ပေါက်မှကျွံကျသောမုန့် (ဝါ) ဆန်ခါတိုက်မုန့်)၊ ဆနွင်းမကင်းသည် ယိုးဒယားစကား ကနွမ်မော်ဂန်း (ဒယ် အိုးဖုတ်မုန့်)၊ ခဲလံကျည်တောက် (ကောက်ညှင်းကျည်တောက်)သည် ယိုးဒယားစကားခေါက်လမ် (ဝါး ကျည်တောက်ထဲက ကောက်ညှင်း) တို့မှ မြန်မာမှုပြုထားခြင်းဖြစ်ပြီး ကလေးကစားနည်းတခုဖြစ်သော “စွတ်ကပါစိ၊ နံပါစိ” မှာလည်း မူရင်းယိုးဒယားဘာသာမှ အသံဖလှယ်ပြီး မွေးစားသော စကားလုံးဖြစ်ပါ သည်။ အချိုကလည်း ခဲလံကျည်တောက် (ကောက်ညှင်းကျည်တောက်)သည် ရှမ်းစကားခေါက်လမ်မှ လာသည်ဟုယူဆသည်။ မည်သို့ပင်ဖြစ်စေအသံဖလှယ်ပြီး မွေးစားသော စကားလုံးသာ ဖြစ်ပေ၏။

ကုန်းဘောင်ခေတ် နှောင်းပိုင်း ရတနာပုံနေပြည်တော်ခေတ်၌ “ဖရန်စစ်”တို့နှင့်မဟာမိတ်ဖြစ်ရာ ပြင်သစ် ဘာသာမှ မွေးစား သောစကားလုံးများပေါ်လာသည်။ ဗြိတိသျှကိုလိုနီခေတ်သို့ရောက်သောအခါ ခေါ် တောအစ၊ ကျူလီယာအလယ်၊ ပန်ချာဘီအဆုံး၊ ကုလားနွယ်တိုင်းမသိ၊ ထုပတိ သောကုလားများ တံခါး မရှိ ဓားမရှိ ဝင်လာကြသည်မှာ မြန်မာပြည်လူဦးရေ ၁၄ သန်းတွင်ကုလားက ၁.၇ သန်းရှိနေရာတွင် အင်္ဂ လိပ်ဘာသာမှမွေး စားသောစကားလုံးများသာမကဘဲ ကုလားစကားများမှ မွေးစားသောစကားလုံးများ လည်း ပေါ်လာသည်။

ဆရာလှသမိန်ကမြန်မာတို့သည် မွေးစားစကားလုံးများတီထွင်ရာ၌ နည်း ၆ မျိုးသုံးခဲ့ကြောင်းနှင့်၎င်းတို့မှာ

၁။ တိုက်ရိုက်ယူခြင်း၊ ဥပမာများ၊ ဓမ္မတာ၊ ဆန္ဒ၊ ရေဒီယို၊ ကင်မရာ၊
၂။ မြန်မာမှုပြုခြင်း၊ ဥပမာများ၊ ဧဝံဂလိ(အီဗန်ဂျဲလိစ်)၊ ပုလိပ် (ပုလစ်)၊ ကိုဓ (ကုဒ်)၊ ဒက်ထိ (ဒက်ဟိ)၊ ဥပဒ် (ဥပဒ္ဒဝ)၊ ရဟန်း (အရဟန္တ)၊
၃။ အသံလှယ်ယူခြင်း၊ ဥပမာများ၊ ဟိုက်ဒရိုဂျင်၊ ဒီမိုကရေစီ၊ ကွန်မြူနစ်၊
၎။ ထပ်တူဘာပြန်ခြင်း၊ ဥပမာများ၊ ပြည့်တန်ဆာ (နာဂရသောဘိနီ)၊ တဖက်ကမ်းခတ် (ပါရဂူ)၊ ကြက်ခြေနီ (Red Cross)၊ ကြိုးနီစနစ် (Red Tape System)၊
၅။ ရောပြွန်းခြင်း၊ ဥပမာများ၊ ဆင်းရဲဒုက္ခ၊ တရားဓမ္မ၊ ကိတ်မုန့်၊ ရှပ်အင်္ကျီ၊
၆။ သံယောင်လိုက်ခြင်း၊ ဥပမာများ၊ ယမ်းတမ်းသန်းတန်း (ယန္တံသန္တံ)၊ ရောကောသောကော (သောကောရောဂေါ)၊

စာရေးသူကမူ တိုက်ရိုက်ယူခြင်းနှင့်အသံလှယ်ယူခြင်းတို့မှာ တတန်းတစားတည်းဖြစ်သည်ဟုထင်မြင် ယူဆပါသည်။ ဆရာလှသမိန် ပေးထားသောဥပမာများကသက်သေပြနေပါသည်။ ထို့ကြောင့် မွေးစား စကားလုံးများတီထွင်ရာ၌ နည်း ၅ မျိုးသာသုံးခဲ့သည်ဟုထင်မြင်ယူဆပါသည်။

၎င်းပြင် ဆရာလှသမိန်က ဒက်ထိသည် အင်္ဂလိပ်စကား dead heat ကိုမြန်မာမှုပြုခြင်းဖြစ်သည် ဟုရေး ခဲ့ပါသည်။ဤအချက်တွင်လည်း စာရေးသူသည် ဆရာလှသမိန်ကိုလေးစားကြည်ညိုသော်လည်း ဆရာ ၏အဆိုအမိန့်ကိုလက်မခံလိုပါ။ အကြောင်းမှာအင်္ဂလိပ်စကားတွင် dead heat သည် “ပြိင်တူပန်းဝင် သည်၊ အရှုံး အနိုင်မရှိသရေကျသည် ဟု အဓိပ္ပါယ်ရသော်လည်း မြန်မာမှုပြုထားသည်ဟု ဆရာကဆို ထားသည့် မြန်မာ ဒက်ထိ တွင်မူ ပက်ပင်း၊ ရင်ဆိုင်၊ တည့်တည့်၊ တန်းတန်းမတ်မတ် (face to face, exactly, precisely) စသော အဓိပ္ပါယ်ပြောင်းသွားသည့် အတွက်ဖြစ်ပါသည်။ ၎င်းပြင် ဒက်ကနဲ (quickly, immediately); ဒိုးကနဲ ဒက်ကနဲ (responding immediately) စသောကြိယာဝိသေသနများ ရှိနေသည်ကိုလည်းမမေ့အပ်ပါ။ တခါတရံ တိုက်ဆိုင်မှုများရှိတတ်ပါသည်။ ဥပမာ အင်္ဂလိပ်ကြိယာ pay နှင့်မြန်မာကြိယာ “ပေး”၊ အင်္ဂလိပ်နာမ် womb နှင့်မြန်မာနာမ် “ဝမ်း”၊ ဂျာမန်နာမ် Bauch နှင့်မြန်မာနာမ် “ဗိုက်” တို့ အသံထွက်ချင်းရော အဓိပ္ပါယ်ချင်းပါ နီးစပ်မှုများရှိသော်လည်း အသံလှယ်ထားခြင်းမဟုတ် သည်ကိုသတိချပ်ရပေမည်။

ဤစာတမ်းတွင် မွေးစားဝေါဟာရများအားလုံးအကြောင်းတင်ပြမည်မဟုတ်ပါ။ မြန်မာစကားတွင်ပျောက် ကွယ်သွားလုပြီဖြစ်သည့် မွေးစားစကားလုံးများအကြောင်းကိုသာတင်ပြပါမည်။

က။ ပြင်သစ်အသံထွက်မှအင်္ဂလိပ်အသံထွက်သို့ပြောင်းသွားသောဝေါဟာရများ

ဗြိတိသျှကိုလိုနီခေတ်သို့ရောက် သောအခါ ပြင်သစ်ဘာသာမှအသံဖလှယ်ပြီး မွေးစားသောစကားလုံး များနေရာတွင် အင်္ဂလိပ်ဘာသာမှ အသံဖလှယ်ပြီး မွေးစားသောစကားလုံးများနှင့်အစားထိုးသည်။

ဥပမာများမှာ

၁။ ပြင်သစ်ဘာသာမှ oxygène ကို ကုန်းဘောင်ခေတ်နှောင်းပိုင်း၌ “အုပ်ဇူဇင်”ဟုအသံလှယ်ထားသည်။ အင်္ဂလိပ်ခေတ်၌ “အောက်စီဂျင်” ဟုပြင်သော်လည်း သိပ္ပံပညာမသင်ဘူးသူများ၊ အထူးဖြင့် အင်္ဂလိပ်စာ မတတ်သူများကမူ “အုပ်ဇူဇင်”ဟု သာခေါ်မြဲအတိုင်းခေါ်ခဲ့ကြပါသည်။ ကျောင်းသုံး ဒေါင်းတံဆိပ်မြန်မာ ဖတ်စာတွင်လည်း “အုပ်ဇူဇင်” ဟုသာရေးထားပါသည်။ အရပ်သုံးစကားတွင် “အုပ်ဇူဇင်” ဟူသော အ သုံးသည် ၁၉၆၂ အလွန်ပိုင်းအထိ သုံးနေခဲ့ဆဲပါ။

၂။ ပြင်သစ်ဘာသာမှ bière ကို “ဗျစ်” ဟုအသံလှယ်ပြီး မွေးစားသောစကားလုံးကို အင်္ဂလိပ်ဘာသာ beer “ဘီယာ”ဟုပြောင်းရာတွင်မူ အရပ်သုံးစကား၌လျှင်မြန်စွာပြောင်းနိုင်ခဲ့သော်လည်း “မန္တလေး ဗျစ်နှင့် အရက်ချက်စက်ရုံ” ဟူသော အမည်မှာ ပြည်သူပိုင်သိမ်းပြီးချိန်အထိရှိနေခဲ့သေးသည်။

၃။ ကော်ဖီနှင့်ကာဖီ နှစ်ခုလုံးကိုမြန်မာတို့လက်ခုပ်လက်ဝါးသုံးခဲ့ကြရာ ကော်ဖီသည် အင်္ဂလိပ်စကား coffeeမှ အသံဖလှယ်ထားပြီး ကာဖီသည် ပြင်သစ်ဘာသာ café မှလာသည်။ ယခုခေတ်တွင် ကော်ဖီ က ပို၍အသုံးတွင်ကျယ်နေသော်လည်း စာရေးသူတို့ငယ်စဉ်က အထူးဖြင့် အင်္ဂလိပ်စာမတတ်သူများကမူ ကာဖီ ဟုသာသုံးကြပါသည်။ တောသားများ ကော်ဖီနှင့်ပေါင်မုန့်ခြောက်ကို ပထမဆုံးအကြိမ် စားဘူး သောက်ဘူးခဲ့စဉ်ကအရသာအလွန်တွေ့သွားပုံကို စာရေးဆရာကြီးဦးရန်အောင်က “ကာဖီရည် ကောင်း ပါပေရဲ့ အထူး၊ ပေါင်မုန့်ခြောက်ကိုလ၊ တကြွပ်ကြွပ်ဝါးခါပ၊ စားရမေ့ဘူး” ဟု ၁၉၆၁ ခုနှစ်လောက်က မြဝ တီမဂ္ဂဇင်းတွင်ပါသည့် “နှစ်ဇာတ်တစိတ်” ဝထ္ထုတွင်ရေးခဲ့ပါသည်။ ၎င်းဝထ္ထုမှာ မူရင်း ဆရာမင်းသုဝဏ် ၏ “နှစ်ဇာတ်တစိတ်” ကဗျာကို ဇတ်လမ်းဆင်ကာ ဝထ္ထုအဖြစ်ရေးခဲ့ခြင်းဖြစ်ပါသည်။

လက်ဖက်ရည်၊ ကော်ဖီနှင့်ဖုတ်မုန့်စုံရောင်းသောဆိုင်များကိုလည်း “လ္ဘက်ရည်ဆိုင်”၊ “လက်ဘက်ရည် ဆိုင်”၊ “ကဖီး”၊ “ကာဖေး” စသည်ဖြင့်ခေါ်ကြသည်။ ရန်ကုန်မြို့ရှိ”ဆန်းကဖီး” Sun Café မှာ ဗိုလ်ချုပ် အောင်ဆန်း၏မိန့်ခွန်းထဲပါသည် အထိနာမည်ကြီးခဲ့သည်။

၎။ ကပ္ပီတန်
ပေါ်တူဂီစကား Capitano ကိုမြန်မာမှုပြုထားခြင်းဖြစ်သည်။ မာလိန်မှူးဟုလည်းခေါ်သည်။ ဗြိတိသျှကိုလို နီ ခေတ်တွင် အင်္ဂလိပ်အသံထွက် ကက်ပတိန် Captain ဟုပြင်သဖြင့်သင်္ဘောကက်ပတိန်ဆိုသည့် ဝေါဟာရပေါ်လာသည်။ ယခုခေတ်တွင်ရေယာဉ်ဦးစီးမှူးဟု၎င်း၊ သင်္ဘောဦးစီးမှူးဟု၎င်း ဘာသာပြန်ထား သော်လည်း အရပ်သုံးစကားတွင် “သင်္ဘောကက်ပတိန်” ဟုသာသုံးနေဆဲပါ။

၅။ မှတ်ပုံတင်ပြီးပို့သောချောစာများကို “ရေစစ္စရီ”လုပ်သည်ဟုအသံလှယ်ထားသည်။ မြန်မာစာအဖွဲ့ ထုတ် မြန်မာအဘိဓာန်တွင် အင်္ဂလိပ်စကား registry မှလာကြောင်းပြဆိုထားသည်။ သို့ရာတွင် အင်္ဂလိပ် အသံထွက်မှာ “ရေစစ္စရီ” မဟုတ်ဘဲ “ရယ်ဂျစ်ထြီ” ဖြစ်နေသည်။ “ရေစစ္စရီ” သည်ပြင်သစ်အသံထွက် ဆန်နေသော်လည်းပြင်သစ်ဘာသာ၌ ချောစာများမှတ်ပုံတင်သည် ဆိုသောကြိယာကို recommander မှတ်ပုံတင်ပြီးပို့သောချောစာများကို lettre recommandrée ဟုသာခေါ်သဖြင့် ပြင်သစ်ဘာသာမှ အသံ လှယ်ခြင်းမဖြစ်နိုင်ပါ။ ဗြိတိသျှကိုလိုနီ ခေတ်ဦးပိုင်းက အသံလှယ်ရာတွင်ပြင်သစ်အငွေ့အသက် လွှမ်းမိုး မှုများ ကျန်နေသေး၍ပင်လော သို့မဟုတ် အင်္ဂလိပ်စကား registry ကိုမြန်မာမှုပြုခြင်းပင်လောဟုတွေးရ တော့မလိုဖြစ်နေပါသည်။ အခန်း(ခ) ဗြိတိသျှကိုလိုနီခေတ်တွင် မြန်မာမှုပြုထားသော ဝေါဟာရများတွင် ထည့်သွင်းရန် အသံထွက်အနီးစပ်ဆုံး မြန်မာဝေါဟာရရှာကြည့်ရာ ရေစ္စလီငှက်ကိုသာတွေ့ရသည်။ အသံလှယ်ထားသည်က “ရေစစ္စလီ”မဟုတ် ဘဲ “ရေစစ္စရီ”ဖြစ်နေသဖြင့် မည်သည့်ကဏ္ဍတွင် ထည့်သင့် သနည်းဟုစဉ်းစားရာတွင် အခက်ကြုံရသည်။

၆။ ဘီရို၊ ဗီရို
ဘီရို/ဗီရိုကို Myanmar English Dictionary စာမျက်နှာ ၃၁၃ ၌ ပုံဖြင့် two wheeled bullock cart with a wooden, box-like body. [Fr. Bureau] ဟုဖော်ပြထားသည်။ “ဘီရိုပေါ် မောင်နှံတင်၍ ဆောင်ရာအ ရှင် ဇာတာနွမ်းလို့ မြန်းရရှာလေပြီ” ဟု အင်္ဂလိပ်ခေတ်ကဆရာရွှေတိုင်ညွန့်ရေးစပ်ပြီး ဒေါ်စိန်ပါတီသီဆိုခဲ့ သည့် “ပါတော်မူ”သီချင်း၌လည်းပါပါသည်။ စာရေးသူအတွက်ဘဝင်မကျသည်မှာ အနောက်တိုင်းသား များသည် နွားဆွဲသောရထား/လှည်းများကိုစီးလေ့မရှိ၍ပင်ဖြစ်သည်။ French-English Dictionary ၌ bureau ကိုကြည့်ရာ bureau [byro] (pl bureaux) nom masculin [meuble -généralement] desk; [ – à rabat] bureau; bureau à cylindre roll-top desk; [pièce d’une maison] study; [lieu de travail] office စသောအနက်များသာပေးထားပါသည်။ သေတ္တာ၊ ရထား၊ လှည်း စသည်တို့နှင့် နီးစပ်သောအနက်စိုးစဉ်းမျှပြမထားပါ။ ပို၍သေချာစေရန် French – German Dictionary ကိုကြည့်ရာတွင်လည်း အလားတူအနက်ပင်ပေးထားပါသည်။ နောက်ဆုံးအဆင့်အဖြစ် အင်္ဂလိပ် – ပြင် သစ် နှင့် ဂျာမန် – ပြင်သစ် အဘိဓာန်များ၌ှကြည့်ရာ သေတ္တာကို ပြင်သစ်လို boite, အမိုးမပါသော ရထားကို ပြင်သစ်လို calèche, ရထားလုံးကို ပြင်သစ်လို carosse, လှည်းကို ပြင်သစ်လို charette ဟုခေါ်ကြောင်းသာတွေ့ရပါသည်။ ဘီရို၊ ဘီိဒိုစသောအသံထွက် ဆင်တူရိုးမှားကိုသော်မျှ မတွေ့ရသဖြင့် Myanmar English Dictionary စာမျက်နှာ ၃၁၃ ၌ ပုံဖြင့် two wheeled bullock cart with a wooden, box-like body. ဟုဖော်ပြထားသည့် ဘီရို/ဗီရိုလှည်း၏ မူရင်းဇာစ်မြစ်ဗီဇ (etymology) သည် ပြင်သစ်ဘာသာမှမဟုတ်ကြောင်း သေချာသွားပါသည်။ မြန်မာစာအဖွဲ့သည် နိုင်ငံခြားဘာသာသိပ္ပံရှိ ပြင် သစ်ဘာသာဌာနနှင့်ဆက်သွယ်မေးမြန်းခဲ့လျှင်သော်၎င်း၊ သို့မဟုတ်ယခုစာရေးသူ လုပ်ခဲ့သည့်နည်း အ တိုင်း အင်္ဂလိပ် – ပြင်သစ်နှင့် ပြင်သစ် – အင်္ဂလိပ် အဘိဓာန်များ၌ကြည့်ခဲ့လျှင်သော်၎င်း ဤအမှားမျိုးနှင့် ကြုံရမည်မဟုတ်ပေ။ ဝေါဟာရ၏မူရင်းဇာစ်မြစ်ဗီဇ (etymology) ကို အဘိဓာန်၌ပေးရာတွင် ကြားဘူး နားဝဖြင့်မလုပ်သင့်ပါ။ အထပ်ထပ်အခါခါစစ်ဆးသင့်ပါသည်။

ကောင်းပါပြီ။ ဘီရို/ဗီရို လှည်း၏ မူရင်း ဇာစ်မြစ်ဗီဇ (etymology)သည် ဘယ်ကလာသနည်း။ အဝတ် ထည့်သည့် ဘီရို/”ဘီဒို”သဏ္ဌန်လှည်းဖြစ်၍ ပင်လော။ မှန်ခဲ့လျှင် ဘီရို/”ဘီဒို”၏ မူရင်း ဇာစ်မြစ်ဗီဇ (etymology) သည် ဘယ်ကလာသနည်း။ ကုလားစကားတခုခုမှလာသလော။

ခ။ ဗြိတိသျှကိုလိုနီခေတ်တွင် မြန်မာမှုပြုထားသော ဝေါဟာရများ

၁။ သဗြုသီး
အင်္ဂလိပ်စကား deputy ကို အသံထွက်အနီးစပ်ဆုံးမြန်မာဝေါဟာရဖြင့် မြန်မာမှုပြုခြင်းဖြစ်ပါသည်။

ထို့ကြောင့် Deputy Township Officer ကို သဗြုသီးမြို့အုပ်၊ Deputy Road Engineerကို သဗြုသီး လမ်းဗိုလ်၊ Deputy Station Master ကို သဗြုသီးရုံပိုင် စသည်ဖြင့်အရပ်သုံးစကားများပေါ်ခဲ့ပါသည်။ ယခုခေတ် တွင်တော့ “သဗြုသီး” ကို “လက်ထောက်” ဆိုသောဝေါဟာရနှင့်အစားထိုးခဲ့ပြီ။

၂။ ပိန္နဲသီး
ဘောလုံးပွဲ ကြည့်သူများသုံးစကား (Soccer Fans’ Jargon) ဖြစ်သည်။ အင်္ဂလိပ်စကား penalty ကို အသံထွက်အနီးစပ်ဆုံးမြန်မာဝေါဟာရဖြင့် မြန်မာမှုပြုခြင်းဖြစ်ပါသည်။

“ဒီနေ့ ရက်ဖရီ က ဘသောင်း ဆိုတော့ ပိန္နဲသီး ဘယ်နှစ်လုံးပေးမလဲကြည့်ရမယ်ဟေ့” ဟူသောစကားကို ၁၉၆၀ ခု နှစ်များအထိရန်ကုန်မြို့အောင်ဆန်းကွင်း၌ ပင်နယ်တီပေးလွယ်သည်ဟုနာမည်ကြီးခဲ့သည့် မြို့မ ကျောင်းဆရာ ဦးဘသောင်း ဒိုင်လုပ်မည့်နေ့များတွင် “ရှေးမီနောက်မီဘောဝါသနာအိုးကြီးများ”ထံမှကြား ခဲ့ရပါသည်။ ယခုခေတ်တွင်တော့ “ပိန္နဲသီး” ကို “ပြစ်ဒါဏ်ဘော” ဆိုသောဝေါဟာရနှင့်အစားထိုးခဲ့ပြီ။

ထိုနည်းတူစွာပင် ယခင် ၅ – ၃ – ၂ – ၁ ဘောလုံးကစားနည်းပုံစံ အရခေါ်ခဲ့သော လက်ဝင်း Left Wing (နံပတ် ၁၁)၊ လက်အင်နာ Left Inner (နံပတ် ၁၀)၊ စင်တာဖော်ဝပ် Centre Forward (နံပတ် ၉)၊ရိုက် အင်နာ Right Inner (နံပတ် ၈)၊ ရိုက်ဝင်း Right Wing (နံပတ် ၇)၊ လက်ဟတ် Left Half-back (နံပတ် ၆)၊ စင်တာဟတ် Centre Half-back (နံပတ် ၅)၊ ရိုက်ဟတ် Right Half-back (နံပတ် ၄)၊ လက်ဘက် Left Back (နံပတ် ၃)၊ ရိုက်ဘက် Right Back(နံပတ် ၂)၊စသောအသုံးတို့သည် ဘောလုံး ကစားနည်းပုံစံပြောင်း သွားသဖြင့် မြန်မာစကား၌သာမကဘဲ ဘောလုံးကစားနည်း တည်ထွင်ခဲ့သည့် အင်္ဂလိပ်စကား၌ပင်ခေတ် ကုန်သွားခဲ့ပေပြီ။ ဂိုးလီဗာ Goal Keeper (နံပတ် ၁) ကို ယခုခေတ်တွင် “ဂိုးသမား (ဝါ) ဂိုးစောင့်”ဆိုသည့် ဝေါဟာရနှင့်အစားထိုးခဲ့ပြီ ဖြစ်ပါသည်။

၃။ သမ္ဗန်စာ
အင်္ဂလိပ်စကား Summons ကို အသံထွက်အနီးစပ်ဆုံးမြန်မာဝေါဟာရဖြင့် “သမ္ဗန်” ဟု မြန်မာမှုပြုခြင်း ဖြစ်ပါသည်။ မြန်မာလို “ဆင့်ခေါ်စာ” ဟုပြန်န်ိုင်ပါသည်။ ၎င်းစာလာပို့သူကို “သမ္ဗန်ပျာတာ”၊ ၎င်းစာကို လက်နှိပ်စက်ဖြင့် ရိုက်ပေးသူကို “သမ္ဗန်စာရေး”စသော ဝေါဟာရသစ်များပေါ်လာသည်။

၎။ ဘီးလစ်
အင်္ဂလိပ်စကား bailiff ကို အသံထွက်အနီးစပ်ဆုံးမြန်မာဝေါဟာရဖြင့် “ဘီးလစ်” ဟု မြန်မာမှုပြုခြင်းဖြစ် ပါသည်။ မြန်မာလို “တရားရုံး ပစ္စည်းထိန်းသူ” ဟုပြန်န်ိုင်ပါသည်။ ဘီးလစ်စာရေးဆိုသော ဝေါဟာရသစ် ပေါ်လာသည်။

၅။ ပြီစီဒင့်
အင်္ဂလိပ်စကား precedent ကို အသံထွက်အနီးစပ်ဆုံးမြန်မာဝေါဟာရဖြင့် “ပြီစီဒင့်” ဟု မြန်မာမှုပြုခြင်း ဖြစ်ပါသည်။ မြန်မာစကားဖြင့် “ယခင်ကအလားတူသေါ်၎င်း ဆင်တူရိုးမှားအမှုကိစ္စတွင်၎င်း ချမှတ်ခဲ့ သည့် ဖြတ်ထုံးဟောင်းကိုကိုးကားပြီးချမှတ်သည့်စီရင်ချက်”ဟုပြန် န်ိုင်ပါသည်။ ပြီစီဒင့် ဆိုသောဝေါဟာရ သစ် ပေါ်လာသည်။

၆။ ပုလိပ်
အင်္ဂလိပ်စကား police ကို “ပုလိပ်”ဟု မြန်မာမှုပြုထားခြင်းဖြစ်ပါသည်။ Police Constable (PC) or Policeman ကို ပုလိပ်သား ဟုတချို့လူများကခေါ်ခဲ့ကြသည်။

“ငါဟဲ့ယောက်ျား၊ ဧကရီနှိပ်ဘွဲ့တံဆိပ်နှင့် ပုလိပ်သား” အစချီသည့် “ပုလိပ်ပတ်တိုက်”ပေါ်ခဲ့ဘူးသည်။

ဗြိတိသျှကိုလိုနီခေတ်ဦးတွင် မြန်မာပြည်ပုလိပ်များ၊ အထူးသဖြင့်ရန်ကုန်ပုလိပ်များ၏ ၈၀%ခန့်မှာ ကုလား များဖြစ်သည်။ “ဂါတ်တဲလေး ပေါ်မှာနော်ဗျာ၊ ကျွန်တော်ဟာ အငယ်ဆုံးပါဘဲ၊ ပန်ချာပီပုလိပ်ကြီးတွေဝိုင်း ပါလို့၊ ကြောက်အားလန့်အားပို၊ ငိုယိုကာရှိခိုးတောင်းပန်ပါသော်လဲ၊ လက်ထိပ်ကခတ်ထားဆဲ” ဟု ၂၀ ရာစုအစပိုင်းလောက်က ဇာတ်မင်းသားတဦး ချွဲချွဲနွဲ့နွဲ့သီိဆိုခဲ့သည်ကိုထောက်၍လည်းသိနိုင်ပါသည်။

ကိုလိုနီခေတ်က နယ်ချဲ့ လက်က်ိုင်တုတ် ပုလိပ်အချို့ကြောင့် ပုလိပ်များနာမည်ပျက်ခဲ့ရပြီး ယောက်ျား ဖျင်းလျှင် ပုလိပ်၊ မိန်းမဖျင်းလျှင် “ကွိတ်” ဆိုသောစကားပုံတခု ပေါ်လာသည်။ “ကွိတ်”ဆိုသည်မှာ “မိန်းမရွှင်၊ ကြေးစားမကို အင်္ဂလိပ်ခေတ်က ခေါ်သော ဘန်းစကား ဖြစ်သည်။

ဂျပန်ခေတ်မှစပြီး “ရဲ” ဟု အမည်ပြောင်းခဲ့သော်လည်း အရပ်သုံးစကား ၌လျှင်မြန်စွာမပြောင်းနိုင်ခဲ့ပေ။ ယခုခေတ်၌ ရဲကားများတွင် ယခင်ကဲ့သို့ မြန်မာစာဖြင့် “ရဲ” ဟုရေးမထားတော့ဘဲ အင်္ဂလိပ်စာဖြင့် Police ဟုသာတွေ့ရပါသည်။ အင်္ဂလိပ်စကားသုံးနိုင်ငံများတွင်ရောပြင်သစ်စကားသုံးနိုင်ငံများတွင်ပါ ရဲကားများ တွင် Police, ဂျာမန်စကားသုံးနိုင်ငံများတွင် Polizei, စကင်ဒီနေဗီယန်နိုင်ငံများတွင် Politi, စပိန်စကား သုံးနိုင်ငံများတွင်Policia ဟုရေးထားတတ်သဖြင့် အပြည်ပြည်က လူတကာ နားလည်နိုင်သည့် အမည်ကို သုံးသည်ဖြစ်၍လက်ခံကြိုဆိုရပေမည်။ ကြာလျှင် အရပ်သုံးစကား၌ “ပုလိပ်”ဟူသောအသုံး ပြန်၍ခေတ် စားလာနိုင်လေသည်။

၇။ ဆားပုလင်း
အင်္ဂလိပ်စကား surveillanceကို အသံထွက်အနီးစပ်ဆုံးမြန်မာဝေါဟာရဖြင့် “ဆားပုလင်း” ဟု မြန်မာမှု ပြုခြင်းဖြစ်ပါသည်။ မြန်မာစကားဖြင့် “နောက်ကွယ်မှစောင့် ကြည့်ထောက်လှန်းနေမှု” ဟုပြန်န်ိုင်ပါသည်။ အရပ်သုံးစကား၌ “ဆားပုလင်း”ဟူ၍၎င်း “လူဆိုးထိန်း ပုလိပ်” ဟူသောအသုံး ပေါ်လာသည်။ မဆလ ခေတ်က ဆရာမင်းသိင်္ခ၏ “ဆားပုလင်းနှင်းမောင်” ဝထ္ထု များနှင့်အသံထွက်ဇာတ်လမ်းများ ခေတ်စားခဲ့ သဖြင့်အင်္ဂလိပ်ခေတ်သုံး“ဆားပုလင်း” ဆိုသောဝေါဟာရ ပြန်လည်အသက်ဝင်လာသည်။

၈။ စာသင်
အင်္ဂလိပ်စကား sergeantကို အသံထွက်အနီးစပ်ဆုံးမြန်မာဝေါဟာရဖြင့် “စာသင်” ဟု မြန်မာမှုပြုခြင်းဖြစ် ပါသည်။ ယခုခေတ်တွင်တော့ “စာသင်” ကို “တပ်ကြပ်” ဆိုသောဝေါဟာရနှင့်အစားထိုးခဲ့ပြီ။

၉။ ဂေါ်ရာ
ကုလားစကားများမှ Gora ကို အသံထွက်အနီးစပ်ဆုံးမြန်မာဝေါဟာရဖြင့် ” ဂေါ်ရာ” ဟု မြန်မာမှုပြုကာ မွေးစားသောစကားလုံးဖြစ်ပါသည်။ အနောက်တိုင်းသားဟုအဓိပ္ပါယ်ရ၏။ “အရှေ့ပြုဗ္ဗာ၊ အနောက်ဂေါ ယာ” ဆိုသော မြန်မာ – ပါဠိစာချိုးရှိပါသည်။ မျက်နှာဖြူတပ်ကြပ် အထူးသဖြင့်စကော့တလန်သားတပ် ကြပ်များကို ” ဂေါ်ရာစာသင်”ဟုခေါ်သည်။ ရန်ုကုန်မြို့ရွှေတိဂုံဘုရားအနီး၌ ဂေါ်ရာကုန်းဟုခေါ်သော တောင်ကုန်းတခုရှိ၏။ အင်္ဂလိပ်ခေတ်ကစကော့တလန်တပ်သားများတပ်စွဲရာကုန်းဖြစ်သဖြင့် ဂေါ်ရာကုန်း ဟုအမည်တွင်သွားသည်။

“ဂေါ်ရာစာသင်” များသည်မြန်မာပြည်တွင်နာမည်ကောင်းရခဲ့ဟန်မရှိပါ။ ၁၉၃၆ ခု၌ တက္ကသိုလ်ကျောင်းသားများသပိတ်မှောက်ကြရာ မူလတန်း (Primary)၊ အလယ်တန်း (Secondary)နှင့်အထက်တန်း (Higher Grade) ဆရာဖြစ်သင်ကျောင်းများမှ ဆရာမလောင်းများကို ကျောင်းမတက်ရန်သပိတ်တားရာတွင်မအောင်မြင်သဖြင့်တက္ကသိုလ်ကျောင်းသားများက ပထမတွင် “သပိတ်မမှောက်တဲ့ကျောင်းသူတွေ၊ ဒေါက်တာဘမော် နင်တို့လင်လား”ဟုကလိပြီးသံချပ်ထိုးကြရာ၌ ခပ်စွာစွာ၊ခပ်ရွဲ့ရွဲ့ကျောင်းသူအချို့က ” ဒေါက်တာဘမော်ကိုလင်တော်ရရင် နန်းရင်းဝန်ကတော်တောင် ဖြစ်မှာ၊ ဒို့ဘာမှနာစရာမရှိဘူး”ဟုပြန်ရွဲ့ကြသဖြင့် ကျောင်းသားများအကြံထုတ်ပြီး “သပိတ်မမှောက်တဲ့ ကျောင်းသူတွေ၊ ဂေါ်ရာစာသင် နင်တို့လင်လား”ဟုပြောင်းပြီးသံချပ်ထိုးရာတွင်မူကား ” ဂေါ်ရာစာသင် ကိုတော့ လင်မတော်ချင်ဘူး” ဟုဆိုကာ သပိတ်မှောက်ကြသည်ဟု ထိုစဉ်ကဆရာမလောင်းများဖြစ်ခဲ့ ကြသော ကျွန်တော်တို့၏ကျေးဇူးရှင်ဆရာမကြီးများထံမှကြားခဲ့ဘူးပါသည်။

၁၀။ စပါးလင်
လေသင်္ဘော Air Ship ကိုအရပ်သုံးစကား၌ခေါ်သော ဇက်ပလင် Zeppelin ကို အသံထွက်အနီးစပ် ဆုံးမြန်မာဝေါဟာရဖြင့် “စပါးလင်” ဟု မြန်မာမှုပြုခြင်း ဖြစ်ပါသည်။ ကျွန်တော်တို့ငယ်စဉ်ကသင်ခဲ့ရသော ဒေါင်းတံဆိပ် တတိယတန်းမြန်မာဖတ်စာတွင် လေယာဉ်ပျံနှင့်လေသင်္ဘောအကြောင်း၌ ” လေသင်္ဘော မျိုးစုံတွင် ဂျာမနီပြည်မှ ဇက်ပလင်အမည်ရှိအမတ်ကြီးတည်ထွင်သော လေသင်္ဘောမျိးမှာ အထူးကောင်း မွန်သဖြင့် နောင်တွင် လေသင်္ဘောများကို ဇက်ပလင် ဟုသာခေါ်ကြလေတော့သည်” ဟုရေးထားပါသည်။ ၁၉၃၇ ခု မေလက ပထမဆုံးအကြိမ် အတ္တလန်တိတ်သမုဒ္ဒရာကိုဖြတ်ပျံသော ဟင်းဒဲန်ဘုဂ် (Hindenburg) ဟုအမည်ပေးထားသည့် ဂျာမန်လေသင်္ဘော (ဇက်ပလင်) နယူးယောက်လေသင်္ဘော ဆိပ်ပေါ်ရောက်နေပြီး ဆိုက်ကပ်ရန်လုပ်နေစဉ် မီးလောင်ပေါက်ကွဲသွားသဖြင့် ခရီးသည်များစွာသေကျေ မှုဖြစ်ပြီးနောက်ပိုင်း လေသင်္ဘော (ဇက်ပလင်) ခေတ်ကုန်သွားသည့်နည်းတူ လေသင်္ဘော (ဇက်ပလင်) ကို “စပါးလင်” ဟု မြန်မာမှုပြုထားသည့်ဝေါဟာရသည်လည်း ခေတ်ကုန်သွားလေသည်။

ဂ။ ဗြိတိသျှကိုလိုနီခေတ်တွင် အသံလှယ်ထားသော ဝေါဟာရများ

၁။ ဘာဆာ
တက္ကသိုလ်၊ ကောလိပ်များသုံးစကား (University/College Jargon) ဖြစ်သည်။ အင်္ဂလိပ်စကား bursar ကို “ဘာဆာ”ဟု အသံလှယ်ထားခြင်းဖြစ်ပါသည်။ မြန်မာလို “တက္ကသိုလ်၊ ကောလိပ်များ ၏ငွေစာရင်း နှင့်ဘဏ္ဍာရေးမှူး” ဖြစ်ပါသည်။

၂။ ကေဂျီ (KG)
အင်္ဂလိပ်စကား Kindergarten ၏အတိုကောက် KGကို အသံလှယ်ထားခြင်းဖြစ်ပါသည်။ မူရင်းမှာ ဂျာမန် စကားဖြစ်သည်။ Kinder = Children = ကလေးများ၊ Garten = Garden = ဥယျာဉ်။ အင်္ဂလိပ် အဘိ ဓာန် တွင် Kindergarten ကို a school or class for young children between the ages of four and six years ဟုဆိုထားသဖြင့် မြန်မာလို သူငယ်တန်းဟုပြန်ထားခြင်းမှာ ဆီလျော်ပါ သည်။ စာရေးသူ တို့ ငယ်စဉ်က ခရစ်ယာန်သာသနာပြု ကျောင်းများတွင် ကေဂျီ KG ကို LKG (Lower Kindergarten) သူငယ်တန်း ကလေး၊ MKG (Middle Kindergarten) သူငယ်တန်းအလတ်၊ HKG (Higher Kinder-garten) သူငယ် တန်းအကြီး အဖြစ်သုံးတန်း ထားသည်။ နောက်ပိုင်းပေါ်လာသည့် “မူကြိုကျောင်း”များ အလားတူပင်ဖြစ်သည်။

၃။ ဗြန်ဒီ
အင်္ဂလိပ်စကား Brandy ကို ” ဗြန်ဒီ”ဟု ကုန်းဘောင်ခေတ်နှောင်းပိုင်း ရတနာပုံနေပြည်တော်ခေတ်၌ ယောအတွင်းဝန်ဦးဘိုးလှိုင်က အသံလှယ်ထားခြင်းဖြစ်ပါသည်။ ယခုခေတ် တွင်တော့ ” ဗြန်ဒီ” ကို “ဘရန်ဒီ” ဆိုသောစာလုံးပေါင်း နှင့်အစားထိုးခဲ့ပြီ။ ” ဗြန်ဒီ”စာလုံးပေါင်းကိုကြည့်ခြင်းဖြင့် ကုန်းဘောင် ခေတ်နှောင်းပိုင်း ရတနာပုံနေပြည်တော်ခေတ်အထိမြန်မာစာလုံးပေါင်းပုံနှင့်ရခိုင်စာလုံးပေါင်းပုံ နီးစပ် နေသေးကြောင်းထင်ရှားသည်။ ရခိုင်တို့က program ကို “ပြောဂြမ်း” ဟုအသံလှယ်ပုံနှင့်ယှဉ်ကြည့်ပါ။

၎။ အင်စပက်တော်
အင်္ဂလိပ်စကား Inspector ကို “အင်စပက်တော်”ဟု အသံလှယ်ထားခြင်းဖြစ်ပါသည်။ ပုလိပ် အင်စပက်တော်၊ ယစ်မျိုးအင်စပက်တော်၊ ကျန်းမာရေးအင်စပက်တော်၊ စသောဝေါဟာရသစ်များပေါ်လာသည်။

၅။ ကွန်ပေါင်ဒါ
ဆေးရုံသုံးစကား (Hospital Jargon) ဖြစ်သည်။အင်္ဂလိပ်စကား Compounder ကို “ကွန်ပေါင်ဒါ “ဟု အသံလှယ်ထားခြင်းဖြစ်ပါသည်။ မြန်မာစကားဖြင့် “ဆေးစပ်သူ (ဝါ) ဆေးဖေါ်သူ” ဟုပြန်န်ိုင်ပါသည်။ အရပ်သုံးစကား၌ “ဆေးရုံကွန်ပေါင်ဒါ ” ဟူသောအသုံးပေါ်လာသည်။

၆။ ဝါဒါ
အကျဉ်းထောင်သုံးစကား (Prison Jargon) ဖြစ်သည်။ ဗြိတိသျှအင်္ဂလိပ်စကား (British English) Warder ကို “ဝါဒါ”ဟု အသံလှယ်ထားခြင်းဖြစ်ပါသည်။ မြန်မာလို ” ထောင်ကြပ်” ဟုပြန်ပါသည်။ “ထောင်ဝါဒါ၊ ထောင်ပျာတာ” စသည်ဖြင့်အရပ်သုံးစကားလုံးများပေါ်ခဲ့ပါသည်။

၇။ ဝါဒင်
တက္ကသိုလ်၊ ကောလိပ်များသုံးစကား (University/College Jargon) ဖြစ်သည်။ ဗြိတိသျှအင်္ဂလိပ်စကား (British English) Warden ကို “ဝါဒင်”ဟု အသံလှယ်ထားခြင်းဖြစ်ပါသည်။ မြန်မာလို “အဆောင်မှူး” ဟုပြန်ပါသည်။ အမေရိကန်သုံးအင်္ဂလိပ်စကား (American English) တွင်မူ Warden သည် အကျဉ်း ထောင်တခု၏အကြီးဆုံးအရာရှိ (ဝါ) ထောင်ပိုင်ကြီးဖြစ်သည်။

၈။ ကပ်စတန်
အင်္ဂလိပ်စကား Customs ကို “ကပ်စတန်”ဟု အသံလှယ်ထားခြင်းဖြစ်ပါသည်။ လွတ်လပ်ရေးရပြီးချိန်က အကောက်ရုံး ဟုခေါ်ခဲ့ပြီးယခုခေတ်တွင်အကောက်အခွန်ဦးစီးဌာန ဟုခေါ်နေသည်။

၉။ ပိုင်းလော့
အင်္ဂလိပ်စကား pilot ကို “ပိုင်းလော့”ဟု အသံလှယ်ထားခြင်းဖြစ်ပါသည်။ မြန်မာလို လေယာဉ်ပျံ ပိုင်း လော့နှင့်သင်္ဘောပိုင်းလော့ ဟူသာအခေါ်တို့ရှိခဲ့သည်။ ယခုခေတ်တွင်လေယာဉ်မှူးနှင့်ရေကြောင်းပြအရာ ရှိ ဆိုသောဝေါဟာရများဖြင့်အစားထိုးလိုက်ပြီဖြစ်သည်။

၁၀။ ဂေါ်ဝါနာ
အင်္ဂလိပ်စကား Governor ကို “ ဂေါ်ဝါနာ”ဟု အသံလှယ်ထားခြင်းဖြစ်ပါသည်။ မြန်မာလိုဘုရင်ခံဟု၎င်း ဘုရင်ခံမင်းကြီးဟု၎င်းဘာသာပြန်ကြပါသည်။ ထို့ကြောင့် Lt. Governor ကို ဒုတိယဘုရင်ခံဟု၎င်း၊ ဒုတိ ယဘုရင်ခံမင်းကြီးဟု၎င်းဘာသာပြန်ကြပါသည်။

ဘုရင်ခံ ဆိုသောဝေါဟာရအကြောင်းနှင့်ပတ်သက်၍ ပြောလိုသည်မှာမင်းတုန်းမင်းခေတ်အစ ဦးနေဝင်း ခေတ်အဆုံး မြန်မာ “စာနယ်ဇင်း” များတွင် အမေရိကန်ပြည်နယ်များမှ Governor များကို ပြည်နယ် ဘုရင်ခံဟုသာရေးခဲ့ကြပါသည်။ ယခုခေတ်တွင် အချို့လူများက ” ပြည်နယ်အုပ်ချုပ်ရေးမှူး” ဟု မြန်မာ လိုဘာသာပြန်ခဲ့ကြပါသည်။ မြန်မာစကား၌ ဝန်ကြီးသည် အုပ်ချုပ်ရေးမှူးထက် ရာထူးကြီးပါသည်။ ဘုရင် ခံ သည် ဝန်ကြီးထက်မြင့်သော ရာထူးဖြစ်ပါသည်။ ဝန်ကြီးချုပ် (တချိန်က ရုပ်သေးစကားအတိုင်း နန်းရင်း ဝန်ဟုခေါ်ခဲ့သော) ဒေါက်တာ ဗမော်၊ ဂဠုန်ဦးစော တို့မှာ အင်္ဂလိပ်ဘုရင်ခံ Governor ၏ လက်အောက် တွင် Prime minister တာဝန်ယူရပါသည်။ ၎င်းတို့အောက်တွင် ဝန်ကြီးများ ministers ရှိပါသည်။ ယနေ့ တိုင် ကနေဒါ၊ ဩစတြေးလျတို့မှ Governor General များကို ဘုရင်ခံချုပ် ဟု မြန်မာလို ဘာသာပြန်နေ ဆဲပင်ဖြစ်ပါသည်။

အင်္ဂလိပ်အဘိဓာန်တွင် governor ကို “the representative of the Crown in a British colony” ဟုအဓိပ္ပါယ်ပေးကာ အမေရိကန်အဘိဓာန်တွင် governor ကို “the executive head of a state in the U.S.” ဟုအဓိပ္ပါယ်ပေးပါသည်။ အုပ်ချုပ်ရေးမှူးဆိုလျှင် administrator သာဖြစ်ပါ လိမ့်မည်။ ထို့ကြောင့် governor ကို ပြည်နယ်အုပ်ချုပ်ရေးမှူးဟု မြန်မာလိုဘာသာမပြန်သင့်ပါ။ အချို့လူ များကလည်း ယခု မြန်မာပြည်၏ပြည်နယ်များက Chief Minister များကိုခေါ်သည့်အတိုင်း အမေရိကန် ပြည်နယ်များမှ Governor များ နှင့် Lt. Governor များကို ဝန်ကြီးချုပ်၊ ဒုဝန်ကြီးချုပ်ဟု မြန်မာလို ဘာ သာပြန်နေကြပါသည်။ အမေရိကန်ပြည်ထောင်စုမှာရော အမေရိကန်ပြည်နယ်များမှာပါ ဝန်ကြီးချုပ် premier, prime ministerဆိုသောအသုံးများမရှိပါ။ ထို့ ကြောင့်ဝန်ကြီးချုပ်၊ ဒု ဝန်ကြီးချုပ် ဟု မြန်မာလို ဘာသာမပြန်သင့်ပါ။

(ဆက်လက်ဖော်ပြပါမည်)

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>