Tuesday, April 22, 2014

မြန်မာစင်တာမှ ဒုတိယကြိမ်မြောက် ခရီးထွက်ပါမည်။


ရေးသားသူ — မြန်မာစင်တာ

ကိုရီးယားနိုင်ငံရောက် ညီအကိုမောင်နှမများခင်ဗျာ။
လာမည့် ၂ဝ၁၄ ခုနှစ် မေလ ၅ ရက်(တနင်္လာနေ့) နှင့် ၆ရက်(အင်္ဂါနေ့) တွင် (တစ်ညအိပ်နှစ်ရက်)ခရီးစဉ်အဖြစ် မြန်မာစင်တာမှ ဒုတိယကြိမ်မြောက် ခရီးထွက်ပါမည်။ ကိုရီးယားနိုင်ငံအတွင်း လှပသောရုပ်တုပန်းခြံ(정동진)၊ ၆၇၁ ခုနှစ်က ရှီလာဘုရင်တည်ထားကိုးကွယ်ခဲ့သော စေတီ၊ ရှေးခေတ်ယဉ်ကျေးမှုနှင့်သဘာဝအလှတို့တည်ရှိရာ(낙산사)နေရာ၊ပင်လယ်ပြင်မှ လျောင်းတော်မူ ဘုရားဆင်းတုပုံသဏ္ဍာန် ကျောက်တုံးကြီးရှိရာ(휴휴암)၊ ပင်လယ်ပြာပြာ ရှုခင်းလှလှ (강릉 경포대) နှင့် အထူးထင်ရှားသောတောင်(설랃산)တို့ပါဝင်ပါသည်။



  ဂျောင်ဒုံးဂျင်း(정동진) 
SUN CRUISE RESORT & YACHTသည် ကိုရီးယားနိုင်ငံ နေထွက်ရာအရပ်ဖြစ်သော အရှေ့ပိုင်းတွင်ရှိပြီး၊ တက်သစ်စ အာရုဏ်ဦး ၏ သဘာဝအလှကို ခံစားရန် အကောင်းဆုံးသော နေရာအဖြစ်တင်စားခံထားရပြီး၊ ခရီးသွားများအား ဆွဲဆောင်မှုအပေးဆုံးမှာ ပင်လယ်ရေပြာပြာ၊ သဲသောင်ဖြူဖြူ ပြန့်ပြန့်နှင့် အတူ တောင်ရှိနေပြီး၊ ထိုတောင်ပေါ်တွင်လည်း ရေမှာရှိရမည့် သဘောင်္က တောင်ထိပ်ပေါ်ရောက်နေပြီး တောင်ထိပ်မှ ပင်လယ်ထဲသို့ ဆင်းမည့် ဟန်ဖြင့် တင်ထားလျက်ရှိပါသည်။ ထိုသဘောင်္ကို ဟိုတယ်၊ ပြတိုက်၊ ပန်းပု ဥယျာဉ်တို့နှင့်တွဲဖက်ထားလျက်ရှိခြင်းကိုက ခရီးသွားများအား ဆွဲဆောင်မှုကို ပေးနိုင်ဆုံးသောနေရာဖြစ်ပါသည်။ ၁နှစ်ပတ်လုံး ပြည်တွင်းပြည်ပ ခရီးသွားများဖြင့် စည်းကားလျက်ရှိသည့်နေရာလည်း ဖြစ်သည်။ 









ငြိမ်းချမ်းရေးပန်းခြံ(평화공원)၊မြေအောက်လှိုဏ်ဂူ (쳥곡동굴)
ဂန်ဝန်းခရိုင် ချောင်းဂုတ်သဘာဝလှိုဏ်ဂူသည် လွန်ခဲ့သောနှစ်သန်းပေါင်း ၅၀၀ခန့်ကတည်းက ဖြစ်တည်လျက်ရှိနေသော သဘာဝလှိုဏ်ဂူတစ်ခုဖြစ်ပါသည်။ ၁၉၉၁ ခုနှစ်တွင် မြို့ပြစီမံကိန်အတွက် မြို့အောက်ခြေဖောင်ဒေးရှင်းအတွက် တူးဆွရာမှ ရှာဖွေတွေ့ရှိခဲ့သည်။ စူစုပေါင်းအရှည် ၁၄၀၀ မီတာရှိပြီး၊သဘာဝလှိုဏ်ဂူအတွင်းတွင် ပုံစံမျိုးစုံဖြင့် အင်မတန်လှပသော ကျောက်စက်ပန်းဆွဲများကိုလည်း ရင်သပ်ရှုမောဖွယ် တွေ့ရှိခံစားရမည်ဖြစ်သည်။

 







휴휴암 (ရှူးရှူးအမ်း)
 မြန်မာစကားသံဖြင့် ခေါ်ရခက်သောအမည်ဖြစ်သော်လည်း လေးနက်သော အဓိပ္ပါယ်ရှိသည့် ငြိမ်းအေးသော ဗုဒ္ဒတရားရိပ်ရှိရာ အရပ်ဖြစ်ပါသည်။ “အနားရခြင်း၊ ထပ်၍ အနားရခြင်း”ဆိုသည့် အဓိပ္ပါယ်ကိုဆောင်သည့်အမည်ဖြစ်သည်။ လောဘ၊ ဒေါသ၊မောဟ ဆိတ်ကွယ်ရာနေရာဟု အဓိပ္ပါယ်ဖွင့်ရလောက်အောင် ငြိမ်းချမ်းသည့်သဘာဝအလှရှိသောနေရာလည်းဖြစ်သည်။ ၁၉၉၉ခုနှစ်တွင် တောင်ပင်လယ်ပြင်မှ လျောင်းတော်မူ ဘုရားဆင်းတုပုံသဏ္ဍာန် ကျောက်တုံးကြီးကိုတွေ့ရှိရာမှ ကိုရီးယားဗုဒ္ဒဘာသာဝင်အပေါင်း၏ အလေးအမြတ်ထားရာနေရာလည်းဖြစ်လာသည်။




 နတ်ဆန်းစာ(낙산사)  
ဂန်ဝန်းခရိုင် ယန်းယန်းမြို့နယ်တွင်ရှိပြီး အရှေ့ဘက်ပင်လယ်ကမ်းရိုးတန်းပေါ်တွင် ရှိနေသော စေတီနှင့်ဘုန်းတော်ကြီးကျောင်းဖြစ်သည်။ ၆၇၁ ခုနှစ်တွင် ရှီလာဘုရင် မွန်းမွန် (၁၁ဆက်)မှ တည်ထား ကိုးကွယ်ခဲ့ သည့်စေတီဖြစ်သည်။နှစ်ပေါင်း ထောင်ချီရှိနေပြီဖြစ်သော ကိုရီးယား၏ ရှေးခေတ် ယဉ်ကျေးမှုနှင့်၊ သဘာဝအလှကိုပါ တပါတည်းခံစားနိုင်မည်ဖြစ်ပြီး၊ ဗုဒ္ဒဘာသာဝင်အများစု လာရောက်လည်ပတ်ကြရာနေရာလည်းဖြစ်သည်။




 ဆောလ်လတ်တောင်(설랃산) 
အရှေ့ဖက်ဒေသဖြစ်သော ဂန်ဝန်းခရိုင်တွင်ရှိသော တောင်တန်းဖြစ်ပြီး၊ ကိုရီးယားတွင် အထူးထင်ရှားလှပသော တောင်းလည်းဖြစ်ပါသည်။ ၁၂ ရာသီကာလပတ်လုံး အပန်းဖြေသူများ၊ တောင်တက်သူများ၊ ခရီးသွားများဖြင့် စည်ကား လျက်ရှိနေသောနေရာဖြစ်ပြီး၊ တောင်ထိပ်အထိ ကေဗယ်လ်ကားဖြင့်တက်နိုင်ပြီး၊ သဘာဝရှုခင်းနှင့် လေကောင်းလေသန့်အရသာ ကိုတပြိုင်နက်တည်း တဝကြီးခံစားနိုင်သော နေရာလည်းဖြစ်သည်။ ဒါကြောင့် ကိုရီးယားရောက် ညီအကိုမောင်နှမများအနေဖြင့် လာမည့်ပိတ်ရက် အနားယူရက်အတွင်း မိမိတို့၏ ပင်ပန်းနွမ်းနယ်နေသောစိတ်ကို ပြန်လည်လန်းဆန်းတက်ကြွလာစေရန့်  မြန်မာစင်တာမိသားစုနှင့်အတူ ဒီခရီးစဉ်လေးကို ပါဝင်ပူးပေါင်းကြပါရန် နှိုးဆော်လိုက်ပါတယ်… 

ခရီးစဉ်ပထမနေ့အဖြစ်(၅)ရက်နေ့နံနက်၇နာရီတွင် မြန်မာစင်တာမှ စတင်ထွက်ခွာမှာဖြစ်ပြီး ဂျောင်ဒုံးဂျင်းရုပ်တုပန်းခြံနှင့်ဂန်းင်လုင်ဂေါင်းဖိုဒဲ(강릉 경포대)၊
ငြိမ်းချမ်းရေးပန်းခြံ(평화공원)နှင့်မြေအောက်လှိုဏ်ဂူ (쳥곡동굴)
ကို သွားရောက်ကာ တည်းခိုခန်းတွင် တည်းခိုပါမည်။ ထို့နေ့အတွက် နေ့လည်စာနှင့်ညစာကို မြန်မာစင်တာမှကျွေးပါမည်။ 

- ခရီးစဉ်ဒုတိယနေ့အဖြစ် (၆)ရက်နေ့တွင် တည်းခိုခန်းမှ ထွက်ခွာပြီး၊ ရှူးရှူးအမ်းအနီးအနားရှိ တောင်၊ပင်လယ်နှင့်ဘုရားကျောင်း၊ရှုခင်းသာတို့ကို ပို့ဆောင်ပေးပါမည်။ ဆက်လက်၍ နာ့ဂ်ဆန်းစာရှိ တောင်၊ပင်လယ်နှင့် ရှုခင်းသာတို့ကိုပို့ဆောင်ပေးပါမည်။ယင်းနောက် ဆောလ်လတ်ဆန်းတောင်သို့သွားပါမည်။ပြီးနောက် ကျနော်တို့၏ခရီးစဉ် ပြီးဆုံးသွားပြီဖြစ်ပါသောကြောင် မိမိတို့ဆုံရပ်ဖြစ်သော ဘူဖျောင်းမြို့  ရှိမြန်မာစင်တာသို့ ပြန်လည်ပို့ဆောင်ပေးမည်ဖြစ်ပါသည်။
ထို့နေ့အတွက် နံနက်စာနှင့်နေ့လည်စာကို မြန်မာစင်တာမှကျွေးပါမည်။ ယင်းခရီးစဉ်အတွင်း ခရီးစရိတ်အဖြစ် တစ်ဦးလျှင် (၆)သောင်းဝမ်ဖြစ်ပါသည်။ 
ထမင်းလေးနပ်ကျွေး၊တည်းခိုခန်းခအပါအဝင်ဖြစ်ပါသည်။ 
 ( 2.5.2014 သောကြာနေ့ နောက်ဆုံးထား၍ တစ်ဦးလျှင် ဝမ် 60,000 နှင့် အတူ စာရင်းပေးသွင်းနိုင်ပါကြောင်း အသိပေးအပ်ပါတယ် ) 

မှတ်ချက်။ ။ လူဦးရေ ကန့်သတ်ထားပါတယ်။ ပန်းခြံဝင်ကြေးနှင့်ကေဘယ်လ်ကားစီခများကို လိုက်ပါမည့် သူများမှ ကျခံရမည်ဖြစ်ပါသည်။

အသေးစိတ်သိရှိလိုပါက - 
ကိုရဲနိုင်ဝင်း 010-4026-4322 
ကိုဇေယျာအောင် 010-5923-0565 
ကိုကျော်ဇောလင်း 010-3271-7708 တို့အားဆက်သွယ်မေးမြန်နိုင်ပါသည်။

 Bank Account - WIN NAING OO 339-068133-02-012 (IBK Bank)

No comments: